8. flokkur stúlkna sigraði b riðli Íslandsmótsins
Stelpurnar í 8. flokki Tindastóls í körfubolta gerðu sér lítið fyrir og unnu alla leiki sína í B-riðli Íslandsmótsins um síðustu helgi. Var þetta í fyrsta skiptið sem þær keppa í B-riðli og árangurinn því enn glæsilegri fyrir vikið.
Þrjár stúlkur voru fengnar að láni úr minniboltanum til að örugglega væri hægt að tefla fram 10 leikmönnum í hverjum leik og ná þannig bónusstiginu. Það voru þær Linda Þórdís, Bríet Lilja og Matthildur sem slógust í hópinn og stóðu sig mjög vel.
Stelpurnar byrjuðu á því að spila við Harðarstúlkur frá Patreksfirði og unnu þann leik mjög örugglega. Því næst unnu þær Fjölni í góðum leik.
Á sunnudeginum léku stelpurnar svo gegn Haukum og unnu þann leik eftir framlengingu. Síðasti leikurinn var síðan gegn KR og vannst hann einnig eftir hörkuleik.
Stelpurnar unnu því alla sína leiki í riðlinum og er árangurinn merkilegri fyrir þær sakir að þær voru að spila í B-riðli í fyrsta skiptið.
Sannarlega rós í hnappagat þjálfara þeirra Halldórs Halldórssonar jr. og eiga stelpurnar sjálfar hrós skilið fyrir frammistöðuna.
Fleiri fréttir
-
Ísmóti Neista á Svínavatni aflýst
feykir.is Austur-Húnavatnssýsla 19.03.2025 kl. 15.08Fyrirhuguðu ísmóti á Svínavatni hefur verið aflýst vegna aðstæðna í umhverfi mótssvæðisins en hlýindi undanfarinna daga hafa sett strik í reikninginn.Meira -
Kleinubakstur til að safna fyrir æfingaferð á USA CUP
feykir.is Skagafjörður 19.03.2025 kl. 14.43Sú hefð hefur skapast hjá 3. flokki, hjá Knattspyrnudeild Tindastóls, að ferðast erlendis í æfingaferð. Þetta árið er komið að 3. flokki karla og munu drengirnir ásamt fararstjórum ferðast til Minneapolis þann 13. júlí nk. Þar munu þeir taka þátt í USA CUP sem er risastórt knattspyrnumót með u.þ.b. 16.000 keppendum. Gist er á heimavistum háskóla á svæðinu og mun þeim gefast tækifæri til að skoða sig aðeins um á meðan á mótinu stendur. Af þessu tilefni hafa þeir verið í fjáröflun frá síðasta vori, þeir hafa selt krydd, aðstoðað við flutninga, selt blóm, sett upp fyrir jólahlaðborð Rótarý og nú er komið að kleinubakstri.Meira -
Vísnakeppni Safnahúss Skagfirðinga
feykir.is Skagafjörður 19.03.2025 kl. 14.40Nú er vor í lofti og víða farinn að sjást aur á afvegum. Einu sinni boðaði það byrjun Sæluviku og svo verður um ókomin ár. Nú sem fyrr leitum við til ykkar vísnasmiðir um land allt og förum þess á leit að þið botnið nokkra fyrriparta. Ég efast ekki um árangurinn.Meira -
Skagfirski kammerkórinn fagnar 25 ára afmæli
feykir.is Skagafjörður, Lokað efni 19.03.2025 kl. 13.00Skagfirski kammerkórinn fagnar 25 ára afmæli sínu á þessu ári. Kórinn var stofnaður 6. janúar árið 2000 af fámennum hópi Skagfirðinga í stofunni á Syðstu-Grund. Þeirra á meðal var Sveinn Arnar Sæmundsson organisti og kórstjóri sem stjórnaði kórnum til ársins 2002.Meira -
Bláa boðinu frestað !
feykir.is Skagafjörður, Austur-Húnavatnssýsla, Vestur-Húnavatnssýsla 19.03.2025 kl. 12.10Vegna óviðráðanlegra orsaka verðum við að fresta bláa boðinu sem átti að vera miðvikudaginn 27. mars að Löngumýri.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.