30 milljónir í fjölbreytt verkefni kvenna
Þann 26.mars síðastliðinn úthlutaði Árni Páll Árnason, félags- og tryggingamálaráðherra 30. milljónum í styrki til atvinnumála kvenna. 55 styrkhafar hlutu styrki að þessu sinni en umsóknir voru 308 og hafa aldrei verið fleiri. Að þessu sinni fengu fjórar konur á Norðurlandi vestra úthlutað í verkefni sín.
Guðbjörg Guðmundsdóttir á Sauðárkrók fékk styrk til þróunarkostnaðar við færanlega skjólveggi. Pálína Skarphéðinsdóttir fékk styrk til vöruþróunar á vörulínunni Gott frá Gili. María Sigurðardóttir, Hvammstanga, fékk styrk til markaðssetningar á Hlöðunni kaffihúsi og Sólveig Inga Friðriksdóttir Bólstaðarhlíð fékk styrk til viðskiptaáætlunar á heimareykingu, vöruþróun og markaðssetningu.
Hæstu styrki að þessu sinni eða 2 milljónir hlutu Árla ehf til vöruþróunar og markaðssetningar á morgunkorni og KOLKA – til vöruþróunar og markaðssetningar á vörum sínum en fyrirtækið sérhæfir sig í viðskiptum tengdum kolefnisráðgjöf.
11 styrkhafar fengu 1 milljón króna í styrk og má þar nefna verkefni eins og hönnun á tangó fatnaði, aðgengismál fyrir fatlaða, fyrirtæki í tjónavörnum, viðgerðir á hljóðfærum, þróun á birkisafa og ljósmæðraþjónusta svo eitthvað sé nefnt.
„Verkefnin sem hlutu styrki og einnig sá mikli fjöldi umsókna sem barst sýnir hve mikill kraftur er meðal kvenna til atvinnusköpunar, mikil hugmyndaauðgi og frumkvæði sem rétt er og skylt að virkja í þágu samfélagsins“ sagði ráðherra, við afhendingu styrkjanna. „Við göngum í gegnum miklar efnahagsþrengingar og því er svo jákvætt og uppbyggilegt að sjá hverju einstaklingar geta áorkað með stuðningi og hvatningu. Styrkir til atvinnumála kvenna hafa verið veittir frá árinu 1991 og hluti af verkefninu er að veita konum sem hyggja á atvinnurekstur ráðgjöf og fræðslu sem ég veit að hefur verið mörgum ómetanlegur stuðningur.“
Auk úthlutunarinnar fjallaði Rúna Magnúsdóttir, stofnandi tengslanetssíðunnar connected-women.com um markmiðasetningu og mikilvægi tengslaneta. Benti Rúna konum m.a. á að þegar við vitum hvert við erum að fara, þ.e. þegar skýr framtíðarsýn er fyrir hendi, er einfaldara að sjá svart á hvítu hvaða fólk við þurfum að tengja okkur við til að ná tilætluðum árangri. „Mikilvægt er að kortleggja sitt eigið tengslanet fyrst“ segir Rúna „og síðan að fylla uppí götin út frá framtíðarsýn með víðsýni, áræðni og skýrum fókus á endamarkmið“.
Að sögn starfsmanns Vinnumálastofnunar, Ásdísar Guðmundsdóttur, eru styrkir sem þessir ómetanlegur stuðningur en ekki síður hvatning til góðra verka. „ Í þarfagreiningu sem gerð var í fyrra meðal styrkþega áranna 2008 og 2009 kom í ljós að margar hefðu ekki haldið áfram verkefni sínu ef styrkur hefði ekki fengist. Það sem skipti þó jafnmiklu máli var hvatningin og viðurkenningin sem felst í því að fá styrk. Við viljum halda áfram að sinna þessum hópi frumkvöðla og í farvatninu er að bjóða upp á örnámskeið í samvinnu við Impru og nánari útfærsla á ráðgjöf fyrir konur en í þarfagreiningunni kom í ljós að þær telja ráðgjöf er mikilvægan þátt í framgangi verkefna þeirra“.
Nánari upplýsingar um styrkina og verkefnið má finna á heimasíðunni www.atvinnumalkvenna.is
Fleiri fréttir
-
Madagascar frumsýnt í Bifröst
feykir.is Skagafjörður, Lokað efni 20.03.2025 kl. 15.05Það var líf og fjör í Bifröst á Sauðárkróki í morgun þegar blaðamaður Feykis leit inn. Þar voru krakkarnir í 10. bekk í Árskóla að gera sig klár fyrir generalprufu en þau eru að frumsýna í kvöld leikritið Madagascar í leikstjórn Sigurlaugar Vordísar Eysteinsdóttur og Eysteins Ívars Guðbrandssonar og svo var það Emelíana Lillý Guðbrandsdóttir sem hannaði dansana.Meira -
900 þús. úr Hvatasjóði til Norðurlands vestra
feykir.is Skagafjörður, Austur-Húnavatnssýsla, Vestur-Húnavatnssýsla 20.03.2025 kl. 14.57Á umfi.is segir að þrjátíu verkefni um allt land hljóta styrki upp á samtals 20,3 milljónir króna úr Hvatasjóði íþróttahreyfingarinnar. Þetta var í fyrsta skiptið sem veitt er úr sjóðnum, sem styrkir verkefni sem stuðla eiga að útbreiðslu íþróttastarfs og þátttöku allra barna á Íslandi. Næsti umsóknarfrestur verður nú í vor en alls eru 70 milljónir króna í sjóðnum árlega.Meira -
Mislitir sokkar til að fagna fjölbreytileikanum
feykir.is Skagafjörður, Austur-Húnavatnssýsla, Vestur-Húnavatnssýsla 20.03.2025 kl. 14.43Á morgun er alþjóðlegur dagur Downs-heilkennis en 21. mars ár hvert er tileinkaður heilkenninu og honum fagnað víða um heim. Allsherjarþing Sameinuðu þjóðanna samþykkti árið 2011 að 21. mars ár hvert skuli vera Alþjóðlegur dagur Downs-heilkennis en eitt barn af hverjum sjö hundruð sem fæðast í heiminum er með Downs-heilkenni.Meira -
Lára Sigurðardóttir söng sig inn á Samfés
feykir.is Skagafjörður, Austur-Húnavatnssýsla, Vestur-Húnavatnssýsla 20.03.2025 kl. 13.38Síðastliðinn föstudag, 14. mars, fór fram Norður Org, söngkeppni félagsmiðstöðva á Norðurlandi, fram í íþróttahúsinu á Sauðárkróki. Var þetta í fyrsta skipti sem þessi keppni er haldin á Króknum og voru þar samankomin um 550 ungmenni frá félagsmiðstöðvum víðsvegar af Norðurlandi til þess að fylgjast með sínum fulltrúum spreyta sig á sviðinu.Meira -
Neikvæð áhrif innviðagjalds mikil á Norðurlandi | Arnheiður Jóhannsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 20.03.2025 kl. 13.12Áhrif innviðagjalds sem lagt var á skemmtiferðaskip fyrir ferðaþjónustuna eru orðin greinileg á landinu. Áhrifanna gætir með mismunandi hætti þar sem með svo skyndilegri gjaldtöku, falla áfangastaðir úr ferðaáætlun skipanna, helst þeir sem eru lengst frá suðvesturhorninu. Þetta hefur þær afleiðingar að á meðan það verður kannski 10% samdráttur heilt yfir í höfuðborginni, þá getur orðið tugprósenta samdráttur á öðrum stöðum á landinu. Í einhverjum tilfellum stefnir í að sumir áfangastaðir missi allar skipakomur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.