Nýr formaður Sjálfstæðisflokksins er einn fjórði Húnvetningur
Sjálfstæðismenn halda nú sinn 45. landsfund í Laugardalshöllinni í Reykjavík og þar lauk í hádeginu formannskjöri flokksins. Guðrún Hafsteinsdóttir er nýr formaður Sjálfstæðisflokksins en hún hafði betur í hnífjafnri kosningu gegn Áslaugu Örnu Sigurbjörnsdóttur. Aðeins munaði 19 atkvæðum á þeim stöllum en alls skiluðu 1.858 manns atkvæðaseðli í kosningunni.
„Hlaut Guðrún 931 atkvæði eða 50,11 prósent. Það var Birgir Ármannsson sem kynnti úrslitin og urðu mikil fagnaðarlæti í salnum. Áslaug Arna hlaut 912 atkvæði eða 49,09 prósent og fékk hún einnig mikið lófatak frá stappfullri Laugardalshöllinni. Auðir og ógildir seðlar voru fjórir og þá hlutu aðrir fimmtán atkvæði.
Guðrún Hafsteinsdóttir er því réttkjörinn formaður Sjálfstæðisflokksins, sá tíundi í sögunni og fyrsta konan, en hún tekur við embættinu af Bjarna Benediktssyni sem kveður nú sem formaður eftir 16 ára valdatíð.
Guðrún Hafsteinsdóttir er 55 ára gamall Hvergerðingur sem hefur stýrt Kjörís um árabil en hún komst á þing sem fyrsti þingmaður suðurkjördæmis í Alþingiskosningunum 2021 og sat hluta af kjörtímabilinu sem dómsmálaráðherra,“ segir í frétt á vef Sjálfstæðisflokksins. Ef Feyki skjátlast ekki þá er hún fyrsti formaður flokksins sem kemur af landsbyggðinni, þó reyndar Davíð Oddsson hafi ungur alið manninn á Selfossi.
Guðrún rekur ættir sínar í Norðurárdal í Austur-Húnavatnssýslu en amma hennar, Guðrún Margrét Albertsdóttir, ólst upp á Neðstabæ áður en hún flutti suður til að gerast ráðskona í Rangárvallasýslu. Þá má líka geta þess að Guðrún er systir Aldísar, sveitarstjóra í Bláskógabyggð, sem er gift Skagfirðingnum Lárusi Inga Friðfinns Bjarnasonar sem er sonur Dísu og Bjarna Har.
https://is.wikipedia.org/wiki/Norðurárdalur_(Húnaþingi)#/media/Mynd:Norðurárdalur_and_the_farm_Neðstibær_on_the_left_-_Mapillary_(cropped).jpg
Fleiri fréttir
-
Ingvi Þór vann bronsdeildina í 3. umferð Floridana deildarinnar á Akureyri
feykir.is Skagafjörður, Íþróttir, Lokað efni 03.03.2025 kl. 15.50Um sl. helgina fór fram 3. umferð Floridana deildarinnar í pílukasti sem haldin var í Píluaðstöðu hjá Píludeild Þórs á Akureyri. Alls tóku 50 þátttakendur þátt í mótinu en óvenju fámennur hópur gerði sér ferð frá PKS að þessu sinni yfir heiðina. Það voru þeir Jón Oddur Hjálmtýsson, sem spilaði í Gulldeildinni, Ingvi Þór Óskarsson, sem spilaði í Bronsdeildinni, og Einar Gíslason, sem spilaði í Stáldeildinni, sem gerðu sér ferð á mótið.Meira -
Engin sláturtíð og 23 sagt upp hjá SAH afurðum á Blönduósi
feykir.is Skagafjörður, Austur-Húnavatnssýsla, Vestur-Húnavatnssýsla 03.03.2025 kl. 15.22Á vef SAH Afurða segir að engu sauðfé verði slátrað í sláturhúsi Kjarnafæðis Norðlenska á Blönduósi næsta haust. Ákvörðunin tengist nauðsynlegri hagræðingu í rekstri Kjarnafæðis Norðlenska. Þar segir að rekstur félagsins hafi verið þungur árið 2024, meðal annars vegna mikilla kostnaðarhækkana. Rík þörf sé á hagræðingu ef hægt eigi að vera að halda áfram á þeirri vegferð að bjóða neytendum vörur á samkeppnishæfu verði á sama tíma og verð til bænda þróist með ásættanlegum hætti.Meira -
Leigir út útlimi og innyfli
feykir.is Skagafjörður, Listir og menning, Mannlíf, Lokað efni 03.03.2025 kl. 13.42Tinna Ingimarsdóttir er fædd og uppalin í Skagafirði, dóttir Kolbrúnar Ingólfsdóttur og Ingimars Ingimarssonar á Ytra- Skörðugili. Gift Ingimari Heiðari Eiríkssyni og saman eiga þau Tinna og Ingimar, Nikulás Nóa, þriggja ára gleðigjafa. Tinna er sjálfstætt starfandi gervahönnuður og blaðamaður Feykis búinn að fylgjast lengi, með mikilli aðdáun, með því sem Tinna gerir og kominn tími til að leyfa öðrum að kynnast þessari Skagfirsku listakonu aðeins betur.Meira -
Baula þær enn beljurnar á Bjarnastöðum?
feykir.is Skagafjörður, Austur-Húnavatnssýsla, Vestur-Húnavatnssýsla, Hr. Hundfúll 03.03.2025 kl. 12.39Baula þær enn beljurnar á Bjarnastöðum er fyrirsögn sem hr. Hundfull skrifaði árið 2013 þegar þriggja daga átveislan byrjaði það árið, þ.e. bolludagur, sprengidagur og öskudagur. Eftir að hafa lesið þessa fínu hugleiðingu hans er við hæfi að endurbirta hana því það eru eflaust margir sammála honum í þetta skiptið!Meira -
Hvaða framúrskarandi menningarverkefni hlýtur Eyrarrósina 2025?
feykir.is Skagafjörður, Austur-Húnavatnssýsla, Vestur-Húnavatnssýsla 03.03.2025 kl. 11.55Listahátíð í Reykjavík, Byggðastofnun og Icelandair auglýsa nú í nítjánda sinn eftir umsóknum um Eyrarrósina, viðurkenningu sem veitt er framúrskarandi menningarverkefni í landsbyggðunum. Horft er til þess að verkefnið hafi fest sig í sessi, verið starfrækt í yfir þrjú ár og hafi áhrif á menningarlíf á sínu landssvæði. Umsóknarfrestur um Eyrarrósina og hvatningarverðlaun Eyrarrósarinnar er til kl. 16:00 mánudaginn 24. marsMeira
#/media/Mynd:Norðurárdalur_and_the_farm_Neðstibær_on_the_left_-_Mapillary_(cropped).jpg){kind=link}
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.