A-Húnavatnssýsla

Þau Inga Skagfjörð Helgadóttir og Jón Gunnar Helgason voru matgæðingar vikunnar í tbl 36 en þau búa á Sauðárkróki. Inga er fædd og uppalinn á Króknum og vinnur sem sjúkraliði á dvalarheimili HSN en Jón Gunnar er heimavinnandi húsfaðir og smiður. Þau eiga fjögur börn og þrjá unglinga og þá er gott að matreiða einfalda og þægilega rétti sem öllum á heimilinu þykja góðir.

Þórhildur M. Jónsdóttir á Sauðárkróki hefur verið kosinn nýr formaður Samtaka smáframleiðenda matvæla. Markmið samtakanna eru meðal annars að stuðla að og vinna að hagsmunamálum smáframleiðenda matvæla á öllum sviðum.

Fimmtíu Covid-19 innanlandssmit greindust sl. sólarhring á landinu öllu og eru því 1.022 einstaklingar í einangrun. Á Covid.is eru tveir skráðir í einangrun sem lögheimili eiga á Norðurlandi vestra og sjö í sóttkví en samkvæmt upplýsingum frá aðgerðastjórn lögreglunnar eru þau fimm sem eru í sóttkvínni á svæðinu.

Gerð 10 km vegganga undir Öxnadalsheiði talinn vænlegasti kostur vegtengingar milli Norðausturlands og suður- og vesturhluta landsins af þeim sem þátt tóku í skoðanakönnun sem Gallup vann fyrir Samgöngufélagið dagana 27. ágúst til 23. september sl. Gerð nýs vegar um svonefnda Húnavallaleið sunnan Blönduóss þótti einnig vænlegur kostur. Rímar þetta við kannanir fyrri ára.

Landsfundur Ungra vinstri grænna fór fram í gegnum fjarfundarbúnað laugardaginn 10. október 2020 þar sem fram fór málefnavinna og stjórnarkjör auk þess sem flutt var erindi um íbúalýðræði. Sigrún Birna Steinarsdóttir var kjörin formaður Ungra vinstri grænna til eins árs.

Fyrir tilviljun heimsótti blaðamaður Feykis kirkjugarð Blönduóskirkju í sumar og hreifst af umgengninni og þeim framkvæmdum sem átt höfðu sér stað og unnið var að. Bæði var garðurinn snyrtilegur, bílaplan malbikað og bráðsnjallt upplýsingaskilti um garðinn var til fyrirmyndar. Á þeim tíma var verið að undirbúa lagfæringu á stígnum sem liggur um garðinn. Það var því ekki úr vegi að hafa samband við Valdimar Guðmannsson, Valla Blönduósing, formann stjórnar kirkjugarðs Blönduóskirkju og spyrja hann út í framkvæmdirnar.

Uppbyggingarsjóður Norðurlands vestra auglýsir eftir umsóknum um styrki vegna ársins 2021. Um er að ræða atvinnuþróunar- og nýsköpunarstyrkir, verkefnastyrkir á menningarsviði og stofn- og rekstrarstyrkir á menningarsviði. Umsóknarfrestur er til kl. 16:00 mánudaginn 16. nóv. nk.

Húnahornið segir frá því að Jóhanna Guðrún Jónasdóttir hafi nýlega látið af störfum sem leikskólastjóri Barnabæjar á Blönduósi eftir farsæl 28 ár í starfi. Samstarfsfólk hennar efndi af því tilefni til kveðjuhófs þar sem Jóhönnu var þakkað gott samstarf og henni óskað velfarnaðar á nýja vinnustaðnum sínum, Blönduskóla. Þá var henni veitt táknræn gjöf frá starfsmannafélagi Barnabæjar, styttur sem sína samstöðu og kynslóðir

Það er deginum ljósara að orðaval landbúnaðarráðherra, um að sauðfjárrækt væri lífsstíll þegar rætt var um vanda greinarinnar, var særandi og kom flatt upp á bændur og fleiri. Að neita fyrir það gerir lítið annað en ýfa fólk enn meir en nú er orðið. Ég harma það sérstaklega að sjá á eftir góðu fólki úr Sjálfstæðisflokknum vegna þessa. Sauðfjárrækt hefur verið hluti af samfélagsgerð okkar um aldir og -ásamt fiskinum- jafnvel haldið í okkur lífinu á erfiðustu tímum sögunnar. En tímarnir breytast og mennirnir með og undanfarin ár hefur neysla lambakjöts sannanlega dregist saman með tilheyrandi tekjuskerðingu hjá bændum.

Stjórn Kjördæmafélags Miðflokksins í Norðvesturkjördæmi sendi frá sér yfirlýsingu í gærkvöldi þar sem lýst er yfir vantrausti á Kristján Þór Júlíusson, landbúnaðarráðherra. Þar er fullyrt að hann hafi ítrekað sýnt að hann valdi ekki því embætti, þar á meðal með því að gera lítið úr sauðfjárbændum og telur hann þá vera að stunda lífstíl með atvinnu sinni líkt og tómstundaiðkun fólks.