A-Húnavatnssýsla

Kvennalið Tindastóls náði í góðan sigur í dag á Kjarnafæðimótinu í knattspyrnu en stelpurnar mættu þá Austfjarðaúrvalinu sem er sameiginlegt lið FHL og Einherja. Úrslit leiksins urðu 4-0 og fylgdu stelpurnar þar með vel eftir 2-0 sigri sem vannst á liði Völsungs um síðustu helgi.

Í gær fór fram vígsla nýrrar lögregluvarðstöðvar á Hvammstanga við hátíðlega athöfn. Fjölmenni kom saman í stöðinni að Höfðabraut 6 til að fagna þessum tímamótum. Það hefur verið baráttumál sveitarstjórna um langa hríð að bæta löggæslu í sveitarfélaginu með opnun mannaðrar lögregluvarðstöðvar. Stöðin opnaði í haust en formleg opnun var semsagt í gær.

Fyrsti leikur strákanna okkar í handboltalandsliðinu á Evrópumeistaramótinu í Þýskalandi er í dag, þegar íslensku strákarnir mæta Serbíu og hefst leikurinn klukkan 17:00.

Það er tilhlökkunarefni í byrjun hvers árs þegar árshátíðarleikrit eldri bekkja Varmahlíðarskóla eru sett á fjalirnar. Engin breyting verður á í ár því í kvöld, föstudaginn 12. janúar, ælta nemendur í 8. - 10. bekk að sýna leikritið Grease og er handritið eftir Gísla Rúnar Jónsson en það er Íris Olga Lúðvíksdóttir sem leikstýrir verkinu.

Á heimasíðu Vegagerðarinnar segir að nú séu vegir flestir blautir og þegar kólnar fer hægt og bítandi í hægum vindi, myndast ísing og lúmsk hálka. Þetta á eftir að gerast framan af degi á fjallvegum og inn til landsins, en við sjávarsíðuna í kvöld og nótt.

Það er nóg að gera í Veitunum þessa stundina, en hitaveita í Blönduhlíð liggur niðri vegna bilunar í dælustöð á Syðstu-Grund. Unnið er að viðgerð. Þá er fyrirhuguð viðgerð á leka í kalda vatninu á Króknum og mun þurfa að loka fyrir rennsli í útbænum. Lokað verður við Faxatorg, og allt svæðið þar utan við verður vatnslaust að Skagfirðingabraut og Freyjugötu undanskildum. Lokunin hefst kl. 13 og óljóst er hvenær viðgerð lýkur.

Brynj­ar Elef­sen Óskars­son tók við starfi for­stjóra bílaum­boðsins BL um ára­mót. Brynjar hef­ur starfað hjá BL und­an­far­inn ára­tug, þar af sem fram­kvæmda­stjóri sölu­sviðs merkja BL á Sæv­ar­höfða frá ár­inu 2019. 

Á heimasíðu Mast segir að þann 9. janúar hafi Matvælastofnun borist tilkynning frá Tilraunastöð HÍ í meinafræði að Keldum, þess efnis að sýni úr sláturfé hafi reynst jákvætt m.t.t. riðuveiki. Um er að ræða eitt jákvætt sýni úr þriggja­­ vetra á frá bænum Eiðsstöðum­­­­­­­ í Blöndudal í Húna- og Skagahólfi.

Fjölbrautaskóli Norðurlands vestra og Menntaskólinn á Akureyri mættust í gærkvöldi í fyrstu umferð Gettu betur. Þegar skólarnir drógust saman varð ljóst að hljóðver RÚV á Akureyri, þar sem liðin hafa keppt í útvarpshluta keppninnar, væri of lítið og var því brugðið á það ráð að halda keppnina í Kvosinni sem er samkomusalur Menntaskólans á Akureyri.

Á heimasíðu Bændablaðsins segir að nokkur breyting hafi orðið á dreifingu Bændablaðsins vegna skertrar póstþjónustu. En frá stofnun Bændablaðsins hefur það verið borið út til allra bænda landsins í gegnum fjöldreifingu þar sem pósturinn fer ómerktur á lögbýli. Íslandspóstur tilkynnti undir lok síðasta árs að þjónustu við fjöldreifingu á landsbyggðinni yrði hætt nú um síðustu áramót. Enginn sinnir því slíkri dreifingu eins og sakir standa.