Guðmundur Hrafn í efsta sæti hjá Sósíalistaflokknum
Í tilkynningu frá Sósíalistaflokknum segir að uppstillinganefnd hafi tilnefnt Guðmund Hrafn Arngrímsson formann Leigjendasamtakanna sem oddvita fyrir framboð Sósíalista í Norðvesturkjördæmi. Guðmundur Hrafn er fimm barna faðir ættaður úr Reykhólasveit og Árneshreppi á Ströndum en alinn upp í Bolungarvík.
„Hann sótti framhaldsskólamenntun á Akranesi áður en hann fór út til Kaupmannahafnar til að nema landslagsarkitektúr. Undanfarin ár hefur Guðmundur unnið að mestu við torf- og grjóthleðslur ásamt ráðgjöf við landslagshönnun.
Frá árinu 2021 hefur hann verið formaður Leigjendasamtakanna og unnið þar ötullega við að vekja athygli á slæmum kjörum og aðstæðum leigjenda.
„Það er fullreynt með frjálshyggju við hagstjórn og skipulag samfélagsins. Burðarviðir þess grotna niður sem aldrei fyrr þar sem óöryggi, afkomuótti og örvænting mæta stórum hópi samborgara okkar í dagrenningu hvern einasta dag. Slíkt skapar langvinn og heilsuspillandi áföll fyrir fjölskylduna alla sem hefur í för með sér ýmsar erfiðar raunir sem hefta bæði frelsi og félagslega velferð hennar.
Sósíalistar hafa mótað framsækna og trúverðuga stefnu í öllum helstu hagsmunamálum almennings þar sem markmiðið er að skapa félagslegt, fjárhagslegt og menningarlegt réttlæti fyrir alla íbúa landsins. Við þurfum að tryggja að öryggi og velferð verði í öndvegi svo skapa megi heilbrigt og samheldið samfélag. Sósíalistar hafna því að ótti, sundrung, örbirgð eða hnignun verði veganestið inn í framtíðina eins og valdaflokkar í íslenskum stjórnmálum hafa unnið ötullega að meira og minna alla þessa öld.”
Guðmundur Hrafn segir það vera heiður að fá að vinna stefnu Sósíalista fylgi á sínum heimaslóðum í komandi alþingiskosningum. Hann segist þekkja kjördæmið vel og verið svo heppinn að hafa bæði unnið og átt aðsetur í fjölmörgum héruðum þess. Á meðal stærstu hagsmuna þess séu að velferðarþjónusta, mennta- og atvinnustefna, samgöngur, húsnæðismál og auðlindanýting mæti þörfum og kröfum íbúanna fyrir stöndug samfélög sem byggja á manngildi, jöfnuði og reisn einstaklinganna.“
Fleiri fréttir
-
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira -
Rótarýklúbburinn býður til ókeypis jólahlaðborðs í tíunda sinn
feykir.is Skagafjörður, Austur-Húnavatnssýsla, Lokað efni 21.11.2024 kl. 13.55Það styttist í aðventuna og í Skagafirði verða ljós tendruð á jólatrénu á Kirkjutorgi laugardaginn 30. nóvember. Sama dag standa Rótarýfélagar fyrir jólahlaðborði í íþróttahúsinu en þangað er öllum boðið og borða saman hangikjöt eða hamborgarhrygg og annað sem nauðsynlegt er. „Okkur Rótarýfélögum finnst þetta afskaplega gefandi, skemmtilegt og mikilvægt verkefni þar sem við sýnum í verki að við viljum láta gott af okkur leiða fyrir samfélagið,“ segir Ómar Bragi Stefánsson, forseti Rótarýklúbbs Sauðárkróks, í spjalli við Feyki.Meira -
Óvissa í kjölfar niðurstöðu héraðsdóms varðandi undanþágu frá samkeppnislögum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 11.28Héraðsdómur Reykjavíkur komst að þeirri niðurstöðu sl. mánudag að breytingar á búvörulögum, þar sem framleiðendafélögum var veitt undanþága frá ákvæðum samkeppnislaga, sem samþykktar voru á Alþingi í mars síðastliðnum, hefðu strítt gegn áskildum fjölda umræðna á Alþingi og hafi af þeim sökum ekki lagagildi. Eins og greint hefur verið frá þá keypti Kaupfélag Skagfirðinga í kjölfarið Kjarnafæði - Norðlenska og var langt komið með að kaupa B.Jensen í Eyjafirði.Meira -
Horfði á alþingisrásina eftir skóla
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 10.29María Rut Kristinsdóttir er oddviti Viðreisnar í Norðvestur kjördæmi. María er gift Ingileif Friðriksdóttur, eiga þær saman þrjú börn og einn hund. Búsettar í Reykjavík en alltaf með annan fótinn á Flateyri og Ísafirði. María hef starfað sem aðstoðarmaður formanns Viðreisnar síðan 2017 (með stuttu hléi).Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.