Fékk Panasonic græjuskáp í fermingargjöf / ELÍSABET JÓNA
Tónlistaráhugakonan Elísabet J. Gunnarsdóttir er Króksari í húð og hár, uppalinn á Öldustígnum frá því snemmsumars 1970 og síðan á Suðurgötunni. Hún starfar nú sem ráðgjafi hjá Advania á Króknum.
Elísabet spilar ekki á neitt hljóðfæri en hefur þó verið beðin um að syngja sem henni finnst nokkuð merkilegt afrek.
Uppáhalds tónlistartímabil? Ekkert sérstakt svo sem. Tónlistin í dag finnst mér góð og svo kemur tónlistin frá the ‘80 manni alltaf í stuð.
Hvaða tónlist fær þig til að sperra eyrun þessa dagana? Bara allt svo sem, allt frá Katy Perry til Skálmöld með Sinfó.
Hvers konar tónlist var hlustað á á þínu heimili? Rokk og klassík.
Hver var fyrsta platan/diskurinn/kasettan/niðurhalið sem þú keyptir þér? 1982 keypti ég plötuna Speak and Spell með Depeche Mode (á hana ennþá í góðu lagi).
Hvaða græjur varstu þá með? Græjur sem pabbi og mamma áttu, en 1984 fékk ég í fermingargjöf græjuskáp frá Panasonic sem voru mikið notaðar.
Hvað syngur þú helst í sturtunni? Syng mjög lítið í sturtu.
Hvaða lag getur eyðilagt fyrir þér daginn? Komdu í Kántrýbæ.
Uppáhalds Júróvisjónlagið? Wild Dances – Ruslana (2004).
Þú heldur dúndurpartí í kvöld, hvað læturðu hljóma í græjunum til að koma öllum í stuð? ´80's lög og popp tónlist.
Þú vaknar í rólegheitum á sunnudagsmorgni, hvað viltu helst heyra? Rólega tónlist með Céline Dion.
Þú átt þess kost að fara hvert sem er í heiminum og skella þér á tónleika. Hvert færirðu, á hvaða tónleika og hvern tækirðu með þér? Get ekki gert upp á milli þriggja tónlistamanna. Staðsetningin væri aukaatriði en tónleikarnir væru; Pink og með mér væri Fríða Einars, Robbie Williams og þar væri María Leifs með eða Bruce Springsteen og þá væri Anna María (systir) með mér.
Hvaða tónlistarmann hefur þig dreymt um að vera? Hummmm, hef nú ekki hugsað út í það, helst þá kannski Pink.
Hver er að þínu mati besta plata sem gefin hefur verið út? Born in the USA með Bruce Springsteen.
Vinsælustu lögin á Playlistanum:
Monster / Eminem og Rihanna
Dear Darlin' / Olly Murs
Loved Me Back To Life / Céline Dion
My Kind of Love / Emeli Sandé
Seprate Ways / Journey
People Like Us / Kelly Clarkson
Fleiri fréttir
-
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira -
Rótarýklúbburinn býður til ókeypis jólahlaðborðs í tíunda sinn
feykir.is Skagafjörður, Austur-Húnavatnssýsla, Lokað efni 21.11.2024 kl. 13.55Það styttist í aðventuna og í Skagafirði verða ljós tendruð á jólatrénu á Kirkjutorgi laugardaginn 30. nóvember. Sama dag standa Rótarýfélagar fyrir jólahlaðborði í íþróttahúsinu en þangað er öllum boðið og borða saman hangikjöt eða hamborgarhrygg og annað sem nauðsynlegt er. „Okkur Rótarýfélögum finnst þetta afskaplega gefandi, skemmtilegt og mikilvægt verkefni þar sem við sýnum í verki að við viljum láta gott af okkur leiða fyrir samfélagið,“ segir Ómar Bragi Stefánsson, forseti Rótarýklúbbs Sauðárkróks, í spjalli við Feyki.Meira -
Óvissa í kjölfar niðurstöðu héraðsdóms varðandi undanþágu frá samkeppnislögum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 11.28Héraðsdómur Reykjavíkur komst að þeirri niðurstöðu sl. mánudag að breytingar á búvörulögum, þar sem framleiðendafélögum var veitt undanþága frá ákvæðum samkeppnislaga, sem samþykktar voru á Alþingi í mars síðastliðnum, hefðu strítt gegn áskildum fjölda umræðna á Alþingi og hafi af þeim sökum ekki lagagildi. Eins og greint hefur verið frá þá keypti Kaupfélag Skagfirðinga í kjölfarið Kjarnafæði - Norðlenska og var langt komið með að kaupa B.Jensen í Eyjafirði.Meira -
Horfði á alþingisrásina eftir skóla
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 10.29María Rut Kristinsdóttir er oddviti Viðreisnar í Norðvestur kjördæmi. María er gift Ingileif Friðriksdóttur, eiga þær saman þrjú börn og einn hund. Búsettar í Reykjavík en alltaf með annan fótinn á Flateyri og Ísafirði. María hef starfað sem aðstoðarmaður formanns Viðreisnar síðan 2017 (með stuttu hléi).Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.