TAKE A WALK / Passion Pit
Það er vinsæl íþrótt að deila um hvort lög eru góð eða slæm. Ekki þarf nú meira en nokkrar popplummur í Söngvakeppni Sjónvarpsins til að koma talsverðu tilfinningaróti á íslenska þjóð. Það er því rétt að taka lista yfir bestu lög eða bestu plötur ársins ekki alltof alvarlega. Enda fjallgrimm vissa fyrir því að það sem Bubba Morthens þykir gott og gilt þótti Hauki frænda vera helst til villt – og báðir höfðu auðvitað rétt fyrir sér. Lagið að þessu sinni er með hljómsveitinni Passion Pit og kallast Take a Walk og komst ofarlega á nokkrum listum varðandi val á lögum ársins 2012.
Passion Pit er amerískt indí-rokk-band frá Cambridge Massachusetts, sett á laggirnar árið 2007 og áttu meðlimir bandsins það sameiginlegt að hafa allir stundað nám við Berklee College of Music í Boston-þorpi – nema reyndar aðalsöngvarinn, Michael Angelakos sem hafði stundað nám við Emerson College.
Fyrsta lagið sem hljómsveitin sendi frá sér ku hafa verið síðbúin Valentínusargjöf til kærustu Angelakosar en fyrsta stuttskífa Passion Pit kom út haustið 2008. Fyrsta breiðskífan, Manners, kom út 2009 en um mitt síðasta sumar kom önnur skífan út og kallaðist hún Gossamer. Hún skreið í 4 sæti á bandaríska vinsældalistanum.
Take a Walk var að mati Rolling Stone þriðja besta lagið árið 2012. Þar er sagt að þessi svuntuþeysasmellur sé eitt besta kreppulagið, sungið er um að lífeyririnn sé á bak og burt en einfalt og grípandi viðlagið minnir á til hvers popptónlistin er – nefnilega til að hjálpa við að deifa sársaukann.
http://www.youtube.com/watch?v=dZX6Q-Bj_xg
Fleiri fréttir
-
Lakkrístopparnir sívinsælu urðu til í eldhúsi á Sauðárkróki
feykir.is Skagafjörður, Lokað efni 22.12.2024 kl. 09.00Arndís María Einarsdóttir er fædd og uppalin á Sauðárkróki. Dóttir Einars Einarsonar sem lengi var kenndur við Steinullarverksmiðjuna og sem gaman er að bæta við að er sonur hjónanna Einars og Dísu í verslunni Vísi á Blönduósi sem þá var og hét. Mamma hennar er Hrefna Guðmundsdóttir sem er í raun ástæða þess að Feykir hafði samband við Arndísi. Arndís bjó á Sauðárkróki fram að 18 ára aldri en flutti þá á höfuðborgarsvæðið þar sem hún býr enn ásamt eiginmanni sínum, Birgi Erni Strange, og þremur börnum; Ara Hrafni, Unu Lind og Yrsu Ýri.Meira -
Elísa Bríet er íþróttamaður ársins hjá USAH
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 20.12.2024 kl. 17.21Elísa Bríet Björnsdóttur, fótboltakona frá Skagaströnd, var í gær kjörin íþróttamaður ársins 2024 hjá Ungmennasambandi Austur-Húnvetninga. Kjörinu var lýst við hátíðlega athöfn í Félagsheimilinu á Blönduósi að viðstöddu fjölmenni. Elísa leikur með meistaraflokki Tindastóls. Hún gerði fyrr á árinu þriggja ára samning við félagið og hefur staðið sig frábærlega, segir á huni.isMeira -
María Dögg Jóhannesdóttir Íþróttamaður Skagafjarðar
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 20.12.2024 kl. 17.19Árleg uppskeruhátíð UMSS var haldin hátíðleg fimmtudagskvöldið 19. desember í Húsi frítímans að viðstöddu margmenni. Þar voru veitt hvatningarverðlaun fyrir ungt og efnilegt íþróttafólk, styrkir veittir úr Afrekssjóði UMSS og landsliðsfólki UMSS veittar viðurkenningar. Hápunktur hátíðarinnar var þegar lið ársins, þjálfari ársins og íþróttamaður ársins voru tilkynnt og að þessu sinni var kvennalið Körfuknattleiksdeildar Tindastóls valið lið ársins. Finnbogi Bjarnason var valinn þjálfari ársins og Íþróttamaður ársins í Skagafirði 2024 er María Dögg Jóhannesdóttir frá Knattspyrnudeild Tindastóls en hún hefur leitt lið Tindastóls í efstu deild þar sem Tindastóll er komið til að vera.Meira -
Húnaþing vestra tekur þátt í rafrænu geðheilsuátaki
feykir.is Skagafjörður, Austur-Húnavatnssýsla, Vestur-Húnavatnssýsla 20.12.2024 kl. 09.15Húnaþing vestra hefur gert samkomulag við Mental ráðgjöf um þátttöku í rafrænu geðheilsuátaki sem nær til starfsfólks sveitarfélagsins. Á vefnum huni.is segir að sveitarfélagið sé fyrsti vinnustaðurinn á Íslandi til að taka rafræna átakið í notkun, að því er segir á vef þess. Með þátttökunni vill það sýna skýra skuldbindingu sína til að setja geðheilbrigði á vinnustað rækilega á dagskrá með því að auka vitund og veita fræðslu um geðheilbrigði fyrir allt starfsfólks sveitarfélagsins. Hjá Húnaþingi vestra starfa um 115 manns á níu starfsstöðvum.Meira -
Rótarýklúbbur Sauðárkróks lætur gott af sér leiða
feykir.is Skagafjörður 19.12.2024 kl. 12.04Rótarýklúbbur Sauðárkróks heldur áfram að láta gott af sér leiða og afhenti nýlega Fjölskylduhjálp Skagafjarðar kr. 1.000.000.-Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.