Jólin í Gránu næsta laugardag- Getraun, finnur þú tengingar innan hópsins?
Tónleikarnir Jólin í Gránu verða haldnir í Háa salnum í Gránu á Sauðárkróki nk. laugardagskvöld, 18. desember. „Á dagskránni eru nokkur glæný skagfirsk jólalög sem samin hafa verið sérstaklega fyrir okkur í bland við gömlu góðu fallegu jólalögin,“ segir í kynningu.
Sem fyrr er það Hulda Jónasar sem heldur utan um Gná tónleikana en hún segir miðasölu ganga glimrandi vel. „Örfáir miðar eftir sem má tryggja sér í síma 8660114. Það þurfa allir að fara í hraðpróf fyrir tónleikana og er það hægt á Heilbrigðisstofnunni á Sauðárkróki á föstudagsmorguninn og kostar ekki krónu. Sýna þarf neikvæða niðurstöðu þegar mætt er á tónleikana svo umhverfið þar ætti að vera nokkuð öruggt,“ segir Hulda.
Samkvæmt upplýsingum frá heilsugæslunni eru tvær tímasetningar í boði fyrir hraðpróf, annars vegar klukkan 8:30 og hins vegar 8:45 og er fólk beðið um að virða tímamörk. Ekki verða tekin sýni á öðrum tímum.
„Annars lofum við ljúfri og notalegri jólastund í Gránu þetta laugardagskvöld. Við ætlum að frumflytja nokkur glæný skagfirsk jólalög sem samin hafa verið sérstaklega fyrir okkur og m.a höfunda má nefna Rögnvald Valbergsson, Geirmund Valtýsson og Eirík Hilmisson. Og svo verða auðvita gömlu góðu jólalögin í bland og ætlum við m.a að vekja til lífsins gömlu góðu Ríó tríó lögin. Sérstakir gestir okkar þetta kvöld verða Barnakór Tónadans undir stjórn Kristínar Höllu og heyrst hefur að kórinn ætli að taka á móti gestum þegar þeir mæta með fallegum söng.
Og svo er það leynigesturinn eða jafnvel leynigestirnir - hverjir skildu það nú vera?“ spyr Hulda dulúðlega.
Tveir heppnir geta unnið sér inn tvo miða hvor með því að finna þrjár réttar tengingar innan hópsins - skyldleika- vinskap eða annað eða giska á hvað af neðangreindu er rétt. Svör þurfa að berast á netfangið palli@feykir.is fyrir miðnætti þriðjudagskvöldið 14. desember.
Hulda og Valgerður eru frænkur- báðar ættaðar frá Bólu.
Ægir heldur með Liverpool.
Róbert Smári, Ingi Sigþór og Bjarni Atla hafa sungið saman og jóðlað í leiðinni.
Valgerður, Silla og ég höfum allar leigt spólu á Ábæ.
Ingi Sigþór og Róbert Smári eru bræður.
Silla og Fúsi eru hjón
Bjarni Atla er ekki skyldur Bjarna Ara
Hulda og Hreindís eru mæðgur
Fúsa hljóðmanni finnst kaffi vont
Gunnar gítarleikari og Steini trommari hafa verið á Hellulandi
Við höfum öll verslað í Skaffó
Valgerður og Guðjón sax eru frændsystkini
Eysteinn og Silla mæðgin
Hverjir innan hópsins eiga gúmmítúttur frá Bjarna Har
Valgerður hefur tekið bensín á Ábæ og Gunnar Bragi pabbi Róbert Smára og Inga Sigþórs vann þar þá
Ægir notar skó númer 43
Maggi píanóleikari elskar skinkuhornin í Sauðárkróksbakaríi
Fleiri fréttir
-
Lakkrístopparnir sívinsælu urðu til í eldhúsi á Sauðárkróki
feykir.is Skagafjörður, Lokað efni 22.12.2024 kl. 09.00Arndís María Einarsdóttir er fædd og uppalin á Sauðárkróki. Dóttir Einars Einarsonar sem lengi var kenndur við Steinullarverksmiðjuna og sem gaman er að bæta við að er sonur hjónanna Einars og Dísu í verslunni Vísi á Blönduósi sem þá var og hét. Mamma hennar er Hrefna Guðmundsdóttir sem er í raun ástæða þess að Feykir hafði samband við Arndísi. Arndís bjó á Sauðárkróki fram að 18 ára aldri en flutti þá á höfuðborgarsvæðið þar sem hún býr enn ásamt eiginmanni sínum, Birgi Erni Strange, og þremur börnum; Ara Hrafni, Unu Lind og Yrsu Ýri.Meira -
Elísa Bríet er íþróttamaður ársins hjá USAH
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 20.12.2024 kl. 17.21Elísa Bríet Björnsdóttur, fótboltakona frá Skagaströnd, var í gær kjörin íþróttamaður ársins 2024 hjá Ungmennasambandi Austur-Húnvetninga. Kjörinu var lýst við hátíðlega athöfn í Félagsheimilinu á Blönduósi að viðstöddu fjölmenni. Elísa leikur með meistaraflokki Tindastóls. Hún gerði fyrr á árinu þriggja ára samning við félagið og hefur staðið sig frábærlega, segir á huni.isMeira -
María Dögg Jóhannesdóttir Íþróttamaður Skagafjarðar
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 20.12.2024 kl. 17.19Árleg uppskeruhátíð UMSS var haldin hátíðleg fimmtudagskvöldið 19. desember í Húsi frítímans að viðstöddu margmenni. Þar voru veitt hvatningarverðlaun fyrir ungt og efnilegt íþróttafólk, styrkir veittir úr Afrekssjóði UMSS og landsliðsfólki UMSS veittar viðurkenningar. Hápunktur hátíðarinnar var þegar lið ársins, þjálfari ársins og íþróttamaður ársins voru tilkynnt og að þessu sinni var kvennalið Körfuknattleiksdeildar Tindastóls valið lið ársins. Finnbogi Bjarnason var valinn þjálfari ársins og Íþróttamaður ársins í Skagafirði 2024 er María Dögg Jóhannesdóttir frá Knattspyrnudeild Tindastóls en hún hefur leitt lið Tindastóls í efstu deild þar sem Tindastóll er komið til að vera.Meira -
Húnaþing vestra tekur þátt í rafrænu geðheilsuátaki
feykir.is Skagafjörður, Austur-Húnavatnssýsla, Vestur-Húnavatnssýsla 20.12.2024 kl. 09.15Húnaþing vestra hefur gert samkomulag við Mental ráðgjöf um þátttöku í rafrænu geðheilsuátaki sem nær til starfsfólks sveitarfélagsins. Á vefnum huni.is segir að sveitarfélagið sé fyrsti vinnustaðurinn á Íslandi til að taka rafræna átakið í notkun, að því er segir á vef þess. Með þátttökunni vill það sýna skýra skuldbindingu sína til að setja geðheilbrigði á vinnustað rækilega á dagskrá með því að auka vitund og veita fræðslu um geðheilbrigði fyrir allt starfsfólks sveitarfélagsins. Hjá Húnaþingi vestra starfa um 115 manns á níu starfsstöðvum.Meira -
Rótarýklúbbur Sauðárkróks lætur gott af sér leiða
feykir.is Skagafjörður 19.12.2024 kl. 12.04Rótarýklúbbur Sauðárkróks heldur áfram að láta gott af sér leiða og afhenti nýlega Fjölskylduhjálp Skagafjarðar kr. 1.000.000.-Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.