Skagafjörður

Á fréttaveitunni huni.is segir að Húnabyggð var rekið með 68,3 milljón króna tapi árið 2023. Árið var fyrsta heila árið sem sveitarfélagið er rekið fjárhagslega sem eitt sveitarfélag. Fjárhagsáætlun með viðaukum gerði ráð fyrir um 43 milljón króna hagnaði. Mismunurinn skýrist að stærstum hluta í reiknuðum stærðum sem sveitarfélagið hefur lítil áhrif á, að því er segir í bókun sveitarstjórnar á fundi hennar þann 11. júní þar sem ársreikningur sveitarfélagsins var samþykktur.

Landsvirkjun tekur virkan þátt í samfélaginu og styður við málefni og verkefni sem hafa jákvæð samfélagsleg áhrif. Sjóðurinn styður verkefni sem hafa breiða samfélagslega skírskotun og leggur sérstaka áherslu á verkefni sem hafa jákvæð áhrif á nærsamfélög fyrirtækisins. Tekið er á móti umsóknum allt árið en úthlutað er úr sjóðnum þrisvar á ári. Umsóknarfrestur er til 31. mars, 31. júlí og 30. nóvember ár hvert.

Þau gleðilegu tíðindi voru að berast að núna um helgina 15. og 16. júní, verða loksins spilaðir heimaleikir hjá mfl. Tindastóls í knattspyrnu. Allir flokkar Tindastóls hafa þurft að breyta sínum plönum undanfarnar vikur eftir mikið tjón sem varð á gervigrasvellinum á Sauðárkróki þann 20.apríl sl. og alveg óhætt að segja að beðið hafi verið með mikilli eftirvæntingu og óþreygju eftir því að geta byrjað að spila á vellinum á ný.  

Körfuknattleikssamband Íslands birti fyrr í vikunni lokahóp undir 20 ára karla sem tekur þátt í NM í Södertalje í Svíþjóð seinna í þessum mánuði og má þar sjá kunnuglegt nafn. Í þessum hópi er nefnilega Skagfirðingurinn Reynir Bjarkan Róbertsson, sonur Selmu Barðdal og Róberts Óttarssonar.

Bæjarhátíðina Hofsós heim þarf vart að kynna fyrir fólki því hátíðin hefur verið haldin á Hofsósi síðan 2003 og því orðin fastur liður í sumardagskrá heimamanna jafnt sem brottfluttra. Fyrst reyndar undir heitinu Jónsmessuhátíð sem síðar varð Hofsós heim 2018, þegar stöllurnar Vala Kristín Ófeigsdóttir og Auður Björk Birgisdóttir ásamt góðum hópi fólks héldu á keflinu og stýrðu hátíðinni, þar til nú því ný nefnd hefur starfað við skipulagningu á hátíðinni nú í ár. Dagskráin er glæsileg eins og alltaf og ættu flestir að geta fundið eitthvað við sitt hæfi.

Í byrjun maí sagði Feykir frá því að undirbúningur á nýstárlegri gróðurstöð til framleiðslu á skógarplöntum í Miðfirði í Húnaþingi vestra væri í fullum gangi. Nú hafa Samtök sveitarfélaga á Norðurlandi vestra látið útbúa kynningarmyndband frá þessu flotta verkefni en það hlaut styrk úr Uppbyggingarsjóði SSNV í vetur.

Ragnhildur Sigurðardóttir, margfaldur Íslandsmeistari í golfi, verður með kennslu fyrir konur á Vatnahverfisvelli fyrir ofan Blönduós sunnudaginn 16. júní frá kl. 13:00 -16:00. Allar áhugasamar konur um golfíþróttina hjartanlega velkomnar, kennslan er ykkur að kostnaðarlausu.

Það verður líf og fjör á Króknum helgina 22. og 23. júní þegar ÓB-mótið verður haldið. Mótið er ætlað stúlkum úr 6. flokki og segir Adam Smári, formaður knattspyrnudeildar Tindastóls, að þetta verði stærsta ÓB-mótið sem haldið hefur verið á Króknum. Í fyrra var fjöldi keppenda um 600 talsins en í ár verða þeir um og yfir 700 talsins og koma víðs vegar af landinu eða frá 23 félögum. Það má því búast við þónokkurri fjölgun í bænum þessa helgi. Keppt verður á þrettán völlum í ár en fyrstu leikirnir hefjast um klukkan níu á laugardagsmorgninum og verður mótinu lokið seinnipartinn á sunnudeginum. 

Á heimasíðu Skagastrandar segir að bókin Fjallkonan, þú ert móðir vor kær, bíði íbúa að Túnbraut 1-3 á Skagaströnd. Í tilefni af því að Íslenska lýðveldið var stofnað á Þingvöllum þann 17. júní 1944 og fagnar því 80 ára afmæli á árinu ákvað forsætisráðuneytið, í samvinnu við Forlagið, að gefa út bókina Fjallkonan. Þú ert móðir vor kær, sem verður gjöf til landsmanna og dreift um allt land fyrir 17. júní.

Íbúakönnun landshlutanna er samstarfsverkefni allra landshlutasamtaka utan höfuðborgarsvæðisins, ásamt Byggðastofnun. Könnunin hófst haustið 2023 en dróst fram á veturinn 2024. Þátttakendur voru um 11.500.