Svipmyndir frá Landsmóti hestamanna
Landsmót hestamanna er komið á fulla ferð eins og lesendur Feykis.is hafa eflaust áttað sig á. Á annað þúsund manns voru mættir á mótið á Hólum í Hjaltadal áður en keppni hófst á mánudag og kom góð mæting svo snemma móts skemmtilega á óvart. Um 5000 miðar seldust í forsölu fyrir mótið, þar af keyptu útlendingar fjórðunginn, og er því reiknað með a.m.k. 5000 gestum á Landsmót.
Á ruv.is segir frá því að mótið fer fram á Hólum í fyrsta skipti í hálfa öld. Lárus Ástmar Hannesson, formaður Landssambands Hestamannafélaga, segir gott fyrir Hóla að þessi hápunktur hestamennskuársins fari fram þar. „Þetta er æðsta menntastofnun íslenska hestsins í heiminum. Það er bara gott að við náum að nýta þetta svæði og byggja það upp til að halda áfram að efla unga knapa.“ Ráðist var í miklar framkvæmdir á Hólum vegna mótsins og segir Lárus að sú uppbygging hafi gengið ævintýraleg vel með stuðningi sveitarstjórnarmanna og annarra.
Mótssetning verður á Hólum kl. 19:45 á fimmtudagskvöld og eftir það færist fjör í mótið því föstudag og laugardag fara fram helstu úrslitakeppnirnar. Rétt er að benda á að keppnishaldi lýkur á laugardagskvöldi á LM 2016 en ekki á sunnudegi eins og verið hefur.
Eftir keppnisspennuna þá verður slegið upp útitónleikum á tónlistarsvæði Landsmóts. Fimmtudaginn 30. júní mætir Sigvaldi ásamt Hljómsveit kvöldsins. Á föstudagskvöldi verða Matti Matt, Sverrir Bergmann og Magni ásamt hljómsveit og ætti þá að bergmála fjöllunum í. Að sjálfsögðu mætir Hljómsveit Geirmundar á laugardagskvöldi og einnig Made in Sveitin og Ágústa Eva. Það ættu því allir að finna eitthvað fyrir sig á Landsmóti á Hólum.
Myndirnar sem hér fylgja voru teknar af ljósmyndurunum skagfirsku, Gunnhildi Gísladóttur og Pétri Inga Björnssyni, og eru frá dögunum fyrir Landsmót og fyrstu dögum Landsmóts.
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.