Góð byrjun á árinu hjá Júdódeild Tindastóls
Loka undirbúningur fyrir mótin á vorönninni hófst á fyrstu æfingu ársins 6. janúar.
Árið byrjaði á afmælismóti JSÍ (Júdósamband Íslands) í Reykjavík hjá JR (Júdófélag Reykjavíkur). Tveir keppendur fóru fyrir hönd Tindastóls, þau stóðu sig með prýði og bættu einu gulli við í verðlaunasafnið félagsins.
Næst á dagskrá var æfingarmót hjá JRB (Júdófélag Reykjanesbæjar) fyrir yngri börnin þar sem þau voru að stíga sín fyrstu skref í keppni. Fjórir iðkendur frá Júdódeild Tindastóls tóku þátt í mótinu og stóðu þau sig öll með prýði. Þau sýndu flotta takta og voru félaginu til sóma. Þar sem um yngsta hópinn var að ræða þá stóðu þau öll uppi sem sigurvegarar.
Fyrir stuttu síðan var vormót JSÍ haldið á Akureyri hjá KA. Frá Tindastól mættu fimm keppendur. Þau stóðu sig öll frábærlega og í lok móts fóru þau heim með tvö gull, eitt silfur og eitt brons. Það hefur því verið vel bætt í verðlaunapeningasafn hópsins, það sem af er á þessu ári.
Æft hefur verið af krafti síðustu vikur því þann12. apríl nk. verður haldið Íslandsmeistaramót JSÍ sem haldið verður hjá Ármanni í Reykjavík. Þar stefnir hópurinn á að verja Íslandsmeistaratitil, endurheimta titilinn og jafnvel bæta nýjum Íslandsmeisturum í hópinn.
Eftir Íslandsmeistaramótið tekur við páskafrí. Eftir páskana tekur við undirbúningur fyrir beltapróf og tæknimót sem verður í lok maí.
Fleiri fréttir
-
Annað skiptið sem safninu hlotnast þessi viðurkenning
feykir.is Skagafjörður, Lokað efni 04.04.2025 kl. 12.04Á dögunum hlaut Byggðasafn Skagfirðinga viðurkenningu frá CIE Tours vegna ánægju gesta með heimsókn á safnið. CIE Tours er Írskt ferðaþjónustufyrirtæki sem var stofnað árið 1932 en fyrirtækið skipuleggur og heldur utan um ferðir í Evrópu. Í tilkynningunni segir að 2024 hafi verið annað árið í röð sem hópar frá þessu fyrirtæki sóttu safnið heim og þetta er jafnframt í annað skiptið sem safninu hlotnast þessi viðurkenning.Meira -
UMFÍ með sínar fyrstu sumarbúðir á Reykjum í sumar
feykir.is Skagafjörður, Austur-Húnavatnssýsla, Vestur-Húnavatnssýsla 04.04.2025 kl. 11.33Í sumar ætlar UMFÍ að halda sínar fyrstu sumarbúðir og verða þær staðsettar á Reykjum í Hrútafirði. Sumarbúðirnar eru ætlaðar krökkum sem eru fædd frá 2011-2013, segir á heimasíðu UMFÍ. Nú spyr ég... hafa ekki allir krakkar gott af því að prufa að fara í sumarbúðir og kynnast nýjum krökkum og hafa gaman? Þetta getur ekki klikkað!Meira -
Yndisleg kvöldstund á Löngumýri
feykir.is Skagafjörður, Lokað efni 04.04.2025 kl. 11.10Það voru fallegir tónar já eða hljómar sem komu frá Löngumýri sl.þriðjudagskvöld þegar tríóið Hljómbrá stóð fyrir vægast sagt notalegri kvöldstund. Tríóið Hljómbrá er skipað þeim Guðrúnu Helgu í Miðhúsum, Kolbrúnu Erlu á Úlfsstöðum og Írisi Olgu í Flatatungu og Rögnvaldur Valbergsson sér um undirleik.Meira -
Nýtt listaverk á Skagaströnd
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.04.2025 kl. 09.58Feykir sagði frá því um miðjan febrúar að nokkur ný ruslatunnulistaverk hafi bæst í safnið á Skagaströnd en þá var búið að mála á þrjár nýja tunnur, hver öðrum glæsilegri. Listamaðurinn sem á heiðurinn af tunnumálverkunum er Gígja Heiðrún Óskarsdóttir og nú er hún aftur á ferðinni því á dögunum bættist við ein ný tunna eftir Gígju.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.