Stór hópur frá Fisk Seafood heimsótti Barcelona
Upp úr miðjum september, nánar tiltekið dagana 18.–23. september, fór 70 manna hópur á vegum Starfsmannafélags Fisk Seafood í skemmti- og skoðunarferð til Barcelona á Spáni. Tókst ferðin í alla staði vel og komu starfsmennirnir og makar þeirra endurnærðir til baka.
Lagt var af stað frá Króknum um hádegisbilið þann átjánda og flogið frá Keflavík þegar tekið var að kvölda. Veðurguðirnir voru ferðalöngunum hliðhollir eins og vænta mátti þegar farið er til sólarlanda og gisti hópurinn í góðu yfirlæti á Hotel Catalonia Barcelona Plaza á meðan á dvölinni stóð. Á laugardagskvöldinu var sameiginlegur kvöldverður í boði Fisk Seafood á Mussol Las Arenas veitingastaðnum sem er staðsettur ofan á þakinu á gamla hringleikahúsinu þar sem nautaatið fór fram í denn.
Að sjálfsögðu voru verslanir og moll heimsótt að hætti Íslendinga en einnig voru kaupendur af fiski frá Fisk Seafood heimsóttir. Icelandic Iberica bauð fólkinu í höfuðstöðvar sínar í Barcelona og í framhaldinu buðu þeir upp á heimsókn í Vinseum, sem er vínsafn í Villafranca de Penedes, og í framhaldinu var kíkt til vínframleiðandans Codorniu, sem er annar stærsti Cava framleiðandi á Spáni. Þá var einnig sótt heim vinnsla Iceland Seafood í Barcelona. Einhverjir nýttu sér að sjálfsögðu tækifærið og fóru á fótboltaleik með Evrópumeisturum Barcelona og þá vildi svo skemmtilega til að borgarhátíð stóð yfir á meðan Skagfirðingarnir dvöldu úti og því mikið fjör og gaman um alla Barcelónuna.
Ferðalangarnir komu loks aftur heim á Krók um miðjan dag þann 23. september – þreyttir en ánægðir með góða ferð.
Hér fyrir neðan má sjá myndir frá nokkrum ferðalanganna sem voru svo greiðviknir að lána Feyki þær til birtingar.
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.