Sæluvikan sett formlega í gær
Sæluvika Skagfirðinga var formlega sett í Safnahúsi Skagfirðinga í gær að viðstöddu fjölmenni. Meðal annars voru veitt samfélagsverðlaun Skagafjarðar, tónlistaratriði, úrslit vísnakeppni kynnt og opnun sýningar á verkum Hannesar Péturssonar og Jóhannesar Geirs.
Samfélagsverðlaun voru veitt í fyrsta skiptið á Sæluviku í fyrra og þykir gott framtak en þá var það Stefán Pedersen sem þau hlaut. Að þessu sinni var það hinn kunni fræðimaður á Sjávarborg, Kristmundur Bjarnason, sem viðurkenninguna fékk og vel að þeim kominn eftir áratuga vinnu sína að skagfirskum fræðum. Kristmundur, sem fagnaði 98 aldursári fyrr á þessu ári, átti ekki heimangengt en dóttir hans, Heiðbjört, tók við viðurkenningunni fyrir hans hönd af Ástu Pálmadóttur sveitarstjóra.
Úrslit vísnakeppninnar voru upplýst en þar átti Magnús Geir Guðmundsson á Akureyri besta botn að mati dómnefndar.
Vorið fyllir vitin mín
vangann strýkur blærinn.
Fegurst er vor fjallasýn
og fallegastur bærinn.
Bestu vísuna átti svo brottflutti Skagfirðingurinn Ingólfur Ómar Ármannsson.
Bera gnægð á Bragavöll
búnir kostum flestum.
Tengjast þeirra afrek öll
ástum söng og hestum.
Meðal annarra atriða lék Þórólfur Stefánsson á gítar og hinn ungi Jón Pálmason, sem stóð uppi sem sigurvegari í Stóru upplestrarkeppninni í vetur, fór með ljóð Hannesar Péturssonar Bláir eru dalir þínir, og fórst honum það vel úr hendi.
Í lokin var viðstöddum boðið upp á kaffi og tertu.
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.