Menningarsjóður KS úthlutar 28 styrkjum

Stefanía Fjóla Finnbogadóttir og Guðmundur Magnússon hlutu styrk til uppbyggingar á gamla bænum á Þorljótsstöðum í Vesturdal í Skagafirði./Ljósmynd BG

Í gær, 22. júní, var úthlutað styrkjum úr Menningarsjóði KS. Að þessu sinni hlutu 28 aðilar styrki til ýmissa menningartengdra verkefna, sem flest tengjast Skagafirði eða nærsveitum. Það voru Þórólfur Gíslason kaupfélagsstjóri og Bjarni Maronsson stjórnarformaður KS sem önnuðust úthlutunina en þeir eru í stjórn Menningarsjóðsins, ásamt Ingu Valdísi Tómasdóttur, Efemíu Björnsdóttur og Einari Gíslasyni.

Afhending styrkjanna gekk hratt og greiðlega fyrir sér enda margir viðstaddra spenntir fyrir stórleik Íslands og Austurríkis á EM sem hófst klukkan 16:00.

Eftir afhendinguna tóku til máls nokkrir styrkþegana og þökkuðu fyrir styrkinn og fjölluðu eilítið um verkefnin sem þau stóðu fyrir. Það voru þau Erla Einarsdóttir hjá Sólon myndlistafélaginu, Sólveig Jónasdóttir hjá Samgönguminjasafni Skagafjarðar, Viggó Jónsson, fyrir hönd Skíðadeildar Tindastóls og Viðburðaríkt ehf. og Reynir Ingibertsson sem fer fyrir Fífilbrekku ehf.

Allir geta sótt um styrk í sjóðinn en stundum hefur sjóðurinn sjálfur frumkvæði af úthlutunum. Eftirtaldir aðilar hlutu styrki, röðin er tilviljanakennd og segir ekki til um upphæðir styrkjanna:

01.Ólafur A. Sindrason

Styrkur til ritstjórnar og útgáfu á smásagnasafni skagfirskra höfunda.

 02. Íris Olga Lúðvíksdóttir

Styrkur til verkefnisins Frá Aravísum til Alladíns II.  Tónleikar með barnalögum fyrir börn og fullorðna.

03. Feykir héraðsfréttablað – Nýprent ehf.

Styrkur til að gera öll tölublöð Feykis aðgengileg á netsíðunni timarit.is.

 04. Kakalaskáli ehf.   

Styrkur vegna smíða innviða í sýningarrými Kakalaskála.

 05. Samgönguminjasafn Skagafjarðar

Styrkur til áframhaldandi uppbyggingar á safninu.

 06. Guðbrandsstofnun

Styrkur vegna sumartónleika Guðbrandsstofnunar á Hólum í Hjaltadal.

 07. Króksbíó

Styrkur til reksturs kvikmyndahússins á Sauðárkróki.

08. Viðburðaríkt ehf.

Styrkur vegna tónlistarhátíðarinnar Drangey Music festival- þar sem vegurinn endar.

09. Á Sturlungaslóð í Skagafirði

Styrkur til endurútgáfu á bókinni „Á Sturlungaslóð“.

10. Jónsmessuhátíðin á Hofsósi 

Styrkur vegna Jónsmessuhátíðar á Hofsósi.

11. Grundarhópurinn

Styrkur vegna menningarhátíðarinnar Listaflóð á vígaslóð.

12. Kolbrún María Sæmundsdóttir

Styrkur vegna „Litla hestafólksins, K Glói“ reiðfatalínu fyrir yngsta aldurshópinn.

13. Skotta kvikmyndafjelag

Styrkur vegna alþjóðlegs sumarnámskeiðs fyrir ungt kvikmyndagerðarfólk.

14. Skíðadeild Tindastóls

Styrkur til áframhaldandi uppbyggingar á Skíðasvæðinu í Tindastóli.

15. Aðalheiður Bára Steinsdóttir

Styrkur vegna Norðurlandamóts í Boccia í Finnlandi.

16. Tindastóll TV

Rekstrarstuðningur við útsendingar.

17. Harmonikurtíóið ítríó

Styrkur vegna tónleika í samstarfi við menningarhátíðina Listaflóð á vígaslóð.

18. Golfklúbbur Sauðárkróks

Styrkur vegna barna– og unglingastarfs klúbbsins.

19. Fífilbrekka ehf.

Styrkur til þess að safna myndum og öðrum upplýsingum varðandi hús víðs vegar um landið sem hafa verið í notkun og í eign samvinnufélaga á viðkomandi stöðum.

20. Erla Gígja Þorvaldsdóttir og Hulda Jónasdóttir

Styrkur til að vinna að sögu Dægurlagakeppninnar á Sauðárkróki.

21. Héraðsskjalasafn Skagfirðinga

Styrkur til framsetningar á verkefninu „Úr tímans ranni – Drangey“.

22. Kiwanisklúbburinn Drangey

Styrkur til forvarnarverkefnis.

23. Sólon Myndlistarfélag

Styrkur til áframhaldandi starfsemi félagsins.

24. Ágúst Brynjar Eiðsson

Styrkur til listsköpunar.

25. Lummudagar í Skagafirði

Styrkur til framkvæmdar á Lummudögum.

26. Guðbjörg Pálsdóttir

Styrkur til opnunar vinnustofu.

27. Arnar Geir Hjartarson

Styrkur til iðkunar á golfíþróttinni.

28.  Stefanía Fjóla Finnbogadóttir og Guðmundur Magnússon

Styrkur til uppbyggingar á gamla bænum á Þorljótsstöðum í Vesturdal í Skagafirði.