Hamrarnir fengu á baukinn
Leikið var í Mjólkurbikar kvenna á Króknum í gærkvöldi en þá mættust lið Tindastóls og Hamranna frá Akureyri. Lið Tindastóls leikur í Inkasso-deildinni í sumar en Hamrarnir féllu úr þeirri deild síðasta haust. Það mátti því reikna með að Akureyrarstúlkurnar næðu að standa upp í hárinu á Stólastúlkum en annað kom á daginn því leikurinn var lengstum einstefna að marki gestanna. Lokatölur 8-1 og lið Tindastóls flaug áfram í næstu umferð.
Þetta var fyrsti heimaleikur Jackie Altschuld og Lauren Amie Allen í Tindastólstreyjunni og virðast þær báðar vera fínar viðbætur í flott Tindastólslið. Lauren hafði að vísu lítið að gera í markinu en Jackie notaði boltann vel, er með fína tækni og gott auga fyrir spili.
Leikið var á gervigrasinu í logni og ríflega tíu stiga hita í kvöldsólinni. Að sjálfsögðu var það Murielle Tiernan sem gerði fyrsta markið af harðfylgi á 11. mínútu og hún bætti öðru marki við á 16. mínútu. Það voru frænkurnar María Dögg og Vigdís Edda sem gerðu næstu mörk Tindastóls á 25. og 28. mínútu og Murr náði þrenunni rétt fyrir hálfleik. Lið Tindastóls virkaði firnasterkt, stelpurnar kraftmiklar og Hömrunum hálfgerð vorkunn að þurfa að eiga við þær.
Vigdís Edda bætti við öðru marki sínu á 52. mínútu og á 62. mínútu gerði Jackie mark úr víti. Eftir það kallaði Johanna Henriksson, markvörður Hamranna, á neyðarfund í vítateig gestanna þar sem málin voru aðeins rædd áður en leikur skildi hafinn á ný. Skondin uppákoma en sennilega hafa þær sammælst um að berja í brestina. Reyndar virtist upplegg Hamranna í síðari hálfleik vera að spila boltanum sem næst eigin marki og lokka Stólastúlkur sem fremst á völlinn, negla svo boltanum inn fyrir vörn Tindastóls og vona það besta. Þetta varð þó oftar en ekki til þess að Stólastúlkur unnu boltann í sóknarstöðu og sköpuðu hættu.
Á 68. mínútu fullkomnaði Vigdís Edda þrennuna með laglegu marki en það voru gestirnir sem áttu lokaorðið þegar Rakel Sjöfn Stefánsdóttir klóraði í bakkann á 87. mínútu eftir að hafa sloppið inn fyrir vörn Tindastóls. Lokatölur 8-1 og bíða Stólastúlkur nú spenntar eftir að sjá hver andstæðingur liðsins verður í næstu umferð.
Feykir minnir á heimaleik hjá stelpunum um helgina en lið FH, sem spáð er einu af toppsætum deildarinnar í sumar, mætir á Krókinn á sunnudaginn og hefst leikurinn kl. 15:00. Áfram Tindastóll!
Fleiri fréttir
-
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira -
Mynd Óskars Páls, Árnar þagna, sýnd í Króksbíó
feykir.is Skagafjörður, Listir og menning, Lokað efni 22.11.2024 kl. 09.00Óskar Páll Sveinsson ætlar að koma á heimaslóðir og bjóða Skagfirðingum í bíó. Næstkomandi mánudag kl. 20. sýnir hann í Sauðárkróksbíói heimildamyndina Árnar þagna sem fjallar um áhrif sjókvíaeldis á laxi á lífríki og afkomu fjölskyldna í sveitum Íslands og Noregs sem hafa byggt lífsafkomu sína á hlunnindum af sjálfbærum stangveiðum í margar kynslóðir.Meira -
Þjóðarsátt um landbúnað til framtíðar | Guðmundur Hrafn Arngrímsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 08.30Landbúnaður og matvælaframleiðsla er elsta athafnasemi íbúa landsins og önnur af mikilvægustu atvinnugreinum þjóðarinnar, ásamt sjávarútvegi. Landbúnaður er í senn undirstaða byggðar í landinu, gríðarlega mikilvægur fyrir fæðuöryggi þjóðarinnar og lífstíll þeirra sem hann stunda. Þess vegna er mikilvægt að um landbúnað og matvælaframleiðslu ríki þjóðarsátt.Meira -
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.