Þú ert algjör rúða!
Hver er maðurinn? Valgerður Friðriksdóttir
Hverra manna ertu? Dóttir Friðriks Margeirssonar skólastjóra og Öldu Ellertsdóttur
Árgangur? 1962
Hvar elur þú manninn í dag? í Garðabæ
Fjölskylduhagir? Er einstök kona
Afkomendur? Heiðar Örn og Silja Rut. Svo er það Hákon Árni litli ömmuprinsinn minn.
Helstu áhugamál? Þetta týpíska, fjölskyldan, ferðlög, fjallgöngur og sund.
Við hvað starfar þú? Ég er bankastarfsmaður, vinn í MP banka.
Hraðaspurningar, þær virka þannig að þú botnar upphaf setninga með því fyrsta sem þér dettur í hug.
Heima er ....................best.
Það er gaman.........................að vera orðin amma.
Ég man þá daga er........................Blueberry jam var aðal hljómsveitin á Króknum
Ein gömul og góð sönn saga..................
Ein lítil saga af okkur systkinum, ég var 7 ára, Margeir 9 ára og Palli 2 ára.
Ég og Margeir pössuðum Palla litla bróður okkar ansi oft í bernsku, en okkur fannst við vera búin að passa hann nóg og vorum orðin hundþreytt á honum.
Einn daginn tókum við okkur til og löbbuðum út Freyjugötu með Palla á milli okkar. Á leiðinni hittum við Matta Jóns sem spurði okkur hvert við værum að fara. “Við erum á leiðinni á fornbókasöluna” sögðum við með stolti. “Hvað ætlið þið að gera þar?” spurði hann okkur þá. “Við ætlum að selja Palla, hann er alltaf svo óþekkur!” sögðum við í kór.
Matta þótti þetta ágætt hjá okkur en sennilega hefur hann snúið okkur við heim aftur því Palli er enn í Hólavegsfjölskyldunni og við öll mestu mátar.
Spurning til þín.................... Hver eru skemmtilegustu mismælin sem þú hefur látið út úr þér?
Svar............ Ég held að það hafi verið þegar Heiðar sonur minn var að fara á kjólfataball í Versló. Hann kallaði í mig til að spyrja mig hvort hann væri ekki fínn í fötunum. Ég svaraði að bragði “þú ert algjör rúða” (en ég ætlaði að segja “þú ert alveg glerfínn”)
Hvern vilt þú sjá svara þessum spurningum og hvaða spurningu myndir þú leggja fyrir viðkomandi?
Nafn............. Hjördís Stefánsdóttir
Spurningin er..................Hvað varð um sameiginlega frímerkjasafnið okkar?
Fleiri fréttir
-
Lakkrístopparnir sívinsælu urðu til í eldhúsi á Sauðárkróki
feykir.is Skagafjörður, Lokað efni 22.12.2024 kl. 09.00Arndís María Einarsdóttir er fædd og uppalin á Sauðárkróki. Dóttir Einars Einarsonar sem lengi var kenndur við Steinullarverksmiðjuna og sem gaman er að bæta við að er sonur hjónanna Einars og Dísu í verslunni Vísi á Blönduósi sem þá var og hét. Mamma hennar er Hrefna Guðmundsdóttir sem er í raun ástæða þess að Feykir hafði samband við Arndísi. Arndís bjó á Sauðárkróki fram að 18 ára aldri en flutti þá á höfuðborgarsvæðið þar sem hún býr enn ásamt eiginmanni sínum, Birgi Erni Strange, og þremur börnum; Ara Hrafni, Unu Lind og Yrsu Ýri.Meira -
Elísa Bríet er íþróttamaður ársins hjá USAH
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 20.12.2024 kl. 17.21Elísa Bríet Björnsdóttur, fótboltakona frá Skagaströnd, var í gær kjörin íþróttamaður ársins 2024 hjá Ungmennasambandi Austur-Húnvetninga. Kjörinu var lýst við hátíðlega athöfn í Félagsheimilinu á Blönduósi að viðstöddu fjölmenni. Elísa leikur með meistaraflokki Tindastóls. Hún gerði fyrr á árinu þriggja ára samning við félagið og hefur staðið sig frábærlega, segir á huni.isMeira -
María Dögg Jóhannesdóttir Íþróttamaður Skagafjarðar
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 20.12.2024 kl. 17.19Árleg uppskeruhátíð UMSS var haldin hátíðleg fimmtudagskvöldið 19. desember í Húsi frítímans að viðstöddu margmenni. Þar voru veitt hvatningarverðlaun fyrir ungt og efnilegt íþróttafólk, styrkir veittir úr Afrekssjóði UMSS og landsliðsfólki UMSS veittar viðurkenningar. Hápunktur hátíðarinnar var þegar lið ársins, þjálfari ársins og íþróttamaður ársins voru tilkynnt og að þessu sinni var kvennalið Körfuknattleiksdeildar Tindastóls valið lið ársins. Finnbogi Bjarnason var valinn þjálfari ársins og Íþróttamaður ársins í Skagafirði 2024 er María Dögg Jóhannesdóttir frá Knattspyrnudeild Tindastóls en hún hefur leitt lið Tindastóls í efstu deild þar sem Tindastóll er komið til að vera.Meira -
Húnaþing vestra tekur þátt í rafrænu geðheilsuátaki
feykir.is Skagafjörður, Austur-Húnavatnssýsla, Vestur-Húnavatnssýsla 20.12.2024 kl. 09.15Húnaþing vestra hefur gert samkomulag við Mental ráðgjöf um þátttöku í rafrænu geðheilsuátaki sem nær til starfsfólks sveitarfélagsins. Á vefnum huni.is segir að sveitarfélagið sé fyrsti vinnustaðurinn á Íslandi til að taka rafræna átakið í notkun, að því er segir á vef þess. Með þátttökunni vill það sýna skýra skuldbindingu sína til að setja geðheilbrigði á vinnustað rækilega á dagskrá með því að auka vitund og veita fræðslu um geðheilbrigði fyrir allt starfsfólks sveitarfélagsins. Hjá Húnaþingi vestra starfa um 115 manns á níu starfsstöðvum.Meira -
Rótarýklúbbur Sauðárkróks lætur gott af sér leiða
feykir.is Skagafjörður 19.12.2024 kl. 12.04Rótarýklúbbur Sauðárkróks heldur áfram að láta gott af sér leiða og afhenti nýlega Fjölskylduhjálp Skagafjarðar kr. 1.000.000.-Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.