Sendibílstjóri, ekki yfirtekinn af ríkinu
Hver er maðurinn? Ágúst Kárason
Hverra manna ertu ? Kári Steindórsson Vestfirðingur og Teigsari og Gerður Geirsdóttir Skagfirðingur og Blönduhlíðingur eru foreldrar mínir.
Árgangur? 1964. Óumdeilanlega stórkostlegasti árgangur sem komist hefur á legg í Skagafirði.
Hvar elur þú manninn í dag? Reykjavík. Meistaravellir, sem næst KR-vellinum.
Fjölskylduhagir? í sambúð með Ástu Sólveigu Ólafsdóttur
Afkomendur? Fjögur börn og eitt barnabarn.
Helstu áhugamál? Fjölskyldan, KR-karfan, stangveiði, skotveiði og koma norður og róa á trillu okkar fjölskyldunnar.
Við hvað starfar þú? Sendibílstjóri ( ekki yfirtekinn af ríkinu ) á mínum eigin bíl.
Hraðaspurningar, þær virka þannig að þú botnar upphaf setninga með því fyrsta sem þér dettur í hug.
Heima er .....................ást, umhyggja og vellíðan.
Það er gaman.........................að vera KR-INGUR og afi.
Ég man þá daga er........................Himmi Valla hafði HÁR.
Ein gömul og góð sönn saga..................Segi ekki sögur sem eru alveg sannar, því góð saga má aldrei gjalda sannleikans.
Partísaga af Króknum.
Einu sinni vorum við félagarnir í húsi á Krók að skemmta okkur. Með okkur var aðili sem við skulum kalla Nonna. Nonni var mjög leiðinlegur og vildum við félagarnir losna við Nonna en kunnum ekki við að reka Nonna út og vorum við í stökustu vandræðum með kauða. Svo gerist það að guðaveigar eru að þrotum komnar og dettur mér þá í hug að biðja Nonna að fara út í bíl sem stóð fyrir utan húsið og var í eigu eins okkar og sækja sekk sem var geymdur undir aftursætinu. En einn hængur var á, það voru engir lyklar að bílnum svo að Nonni var beðinn um að brjótast inn í bílinn í gegnum skottið, það væri ekkert mál. Nú, þegar Nonni er að rembast við að opna skottið, sáum við okkur leik á borði og losa okkur við Nonna, ( hann var jú svo leiðilegur) og hringdum á lögregluna og sögðum að það væri verið að brjótast inn í bíl í götunni og þar með vorum við lausir við kauða. Þessi saga er sönn.
Spurt frá síðasta viðmælanda.................... Hvað gerist næst?
Svar............ Þrír bankar farnir á hausinn og þú spyrð hvað gerist næst. Sæll.
Hvern villt þú sjá svara þessum spurningum og hvaða spurningu myndir þú leggja fyrir viðkomandi?
Nafn............. Eyjólfur Gjafar Sverrisson
Spurningin er.................. Hvað þarf til að þú spilir körfubolta með KR-bumban, eitt tímabil?
Fleiri fréttir
-
Lakkrístopparnir sívinsælu urðu til í eldhúsi á Sauðárkróki
feykir.is Skagafjörður, Lokað efni 22.12.2024 kl. 09.00Arndís María Einarsdóttir er fædd og uppalin á Sauðárkróki. Dóttir Einars Einarsonar sem lengi var kenndur við Steinullarverksmiðjuna og sem gaman er að bæta við að er sonur hjónanna Einars og Dísu í verslunni Vísi á Blönduósi sem þá var og hét. Mamma hennar er Hrefna Guðmundsdóttir sem er í raun ástæða þess að Feykir hafði samband við Arndísi. Arndís bjó á Sauðárkróki fram að 18 ára aldri en flutti þá á höfuðborgarsvæðið þar sem hún býr enn ásamt eiginmanni sínum, Birgi Erni Strange, og þremur börnum; Ara Hrafni, Unu Lind og Yrsu Ýri.Meira -
Elísa Bríet er íþróttamaður ársins hjá USAH
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 20.12.2024 kl. 17.21Elísa Bríet Björnsdóttur, fótboltakona frá Skagaströnd, var í gær kjörin íþróttamaður ársins 2024 hjá Ungmennasambandi Austur-Húnvetninga. Kjörinu var lýst við hátíðlega athöfn í Félagsheimilinu á Blönduósi að viðstöddu fjölmenni. Elísa leikur með meistaraflokki Tindastóls. Hún gerði fyrr á árinu þriggja ára samning við félagið og hefur staðið sig frábærlega, segir á huni.isMeira -
María Dögg Jóhannesdóttir Íþróttamaður Skagafjarðar
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 20.12.2024 kl. 17.19Árleg uppskeruhátíð UMSS var haldin hátíðleg fimmtudagskvöldið 19. desember í Húsi frítímans að viðstöddu margmenni. Þar voru veitt hvatningarverðlaun fyrir ungt og efnilegt íþróttafólk, styrkir veittir úr Afrekssjóði UMSS og landsliðsfólki UMSS veittar viðurkenningar. Hápunktur hátíðarinnar var þegar lið ársins, þjálfari ársins og íþróttamaður ársins voru tilkynnt og að þessu sinni var kvennalið Körfuknattleiksdeildar Tindastóls valið lið ársins. Finnbogi Bjarnason var valinn þjálfari ársins og Íþróttamaður ársins í Skagafirði 2024 er María Dögg Jóhannesdóttir frá Knattspyrnudeild Tindastóls en hún hefur leitt lið Tindastóls í efstu deild þar sem Tindastóll er komið til að vera.Meira -
Húnaþing vestra tekur þátt í rafrænu geðheilsuátaki
feykir.is Skagafjörður, Austur-Húnavatnssýsla, Vestur-Húnavatnssýsla 20.12.2024 kl. 09.15Húnaþing vestra hefur gert samkomulag við Mental ráðgjöf um þátttöku í rafrænu geðheilsuátaki sem nær til starfsfólks sveitarfélagsins. Á vefnum huni.is segir að sveitarfélagið sé fyrsti vinnustaðurinn á Íslandi til að taka rafræna átakið í notkun, að því er segir á vef þess. Með þátttökunni vill það sýna skýra skuldbindingu sína til að setja geðheilbrigði á vinnustað rækilega á dagskrá með því að auka vitund og veita fræðslu um geðheilbrigði fyrir allt starfsfólks sveitarfélagsins. Hjá Húnaþingi vestra starfa um 115 manns á níu starfsstöðvum.Meira -
Rótarýklúbbur Sauðárkróks lætur gott af sér leiða
feykir.is Skagafjörður 19.12.2024 kl. 12.04Rótarýklúbbur Sauðárkróks heldur áfram að láta gott af sér leiða og afhenti nýlega Fjölskylduhjálp Skagafjarðar kr. 1.000.000.-Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.