Ég segist oft vera strippari
Hver er maðurinn? Guðbjartur Haraldsson eða bara Bjartur
Hverra manna ertu? Sonur Haraldar Guðbergssonar heitins, rennismiðs og skrifstofustúlkunnar Ingibjargar Guðbjartsdóttur
Árgangur? Nú fara gæðin að koma í ljós ... 1970
Hvar elur þú manninn í dag? Ég er enn í dreifbýli og bý í uppsveitum Kópavogs
Fjölskylduhagir? Giftur Jónu Kolbrúnu Árnadóttur og við eigum saman 3 dætur
Afkomendur? Sigurlaug Inga ( 12 ára ), Gyða Kolbrún ( 6 ára ) og Herdís Halla ( 2 ára )
Helstu áhugamál? Golf, ( ekki segja Erni Sölva ) veiði, ýmsar græjur og tæki og síðast en ekki síst bumbubolti ... sem er svipað og fótbolti bara hægari
Við hvað starfar þú? Í dag starfa ég sem sérfræðingur á Upplýsinga og Tæknisviði Nýja Kaupþings banka. En aðspurður segist ég oft vera strippari ... þar sem það vekur minni umræðu heldur en að ég vinni hjá banka.
Hraðaspurningar, þær virka þannig að þú botnar upphaf setninga með því fyrsta sem þér dettur í hug.
Heima er ..................... í faðmi fjölskyldunnar
Það er gaman......................... að vera til
Ég man þá daga er........................ ég þurfti nesti frá Víðigrund til að sigla á fleka á grunni Skagfirðingabúðar ... og Þruma og Falur réðu ríkjum á Króknum
Ein gömul og góð sönn saga.................. Þar sem ég má ekki segja opinberlega frá góðum hluta æsku minnar og að partýið sem Sverrir talar um hafi verið æði þá er eitt frá knattspyrnuferlinum sem stendur upp úr og ég hef ekki séð fyrr né, held ég, síðar. Við vorum að spila við Grindavík á Króknum og vorum 0-3 undir í hálfleik. Tim Hankinson, sem þá var þjálfari hjá Tindastól, lét alla varnarlínuna vera úti á velli í hálfleik að æfa hreinsanir og kantmennina okkar æfa fyrirgjafir.
Þetta var gert fyrir framan stuðningsmennina okkar og það voru nokkrar línur ofan úr stúku sem fengu að fjúka á meðan á þessari æfingu stóð.
Menn komu dýrvitlausir til seinni hálfleiks eins og gefur að skilja og við unnum leikinn 4-3 ... held að Guðbrandur hafi skorað öll mörkin alla vega megnið og Grindvíkingar komust aldrei nálægt því að ógna markinu okkar.
Spurt frá síðasta viðmælanda.................... Hefur þú eitthvað stækkað frá því þú varst á Króknum?
Svar............ Það fer eftir á hvorn veginn þú meinar ... hæðin er sú saman og breiddin horfir til betri vegar ... það sem Sverrir átti samt við hefur bara þroskast.
Hvern vilt þú sjá svara þessum spurningum og hvaða spurningu myndir þú leggja fyrir viðkomandi?
Nafn............. Valgerður Erlingsdóttir
Spurningin er.................. Af hverju þykir þér vænna um Stebba Lísu en mig?
Fleiri fréttir
-
Lakkrístopparnir sívinsælu urðu til í eldhúsi á Sauðárkróki
feykir.is Skagafjörður, Lokað efni 22.12.2024 kl. 09.00Arndís María Einarsdóttir er fædd og uppalin á Sauðárkróki. Dóttir Einars Einarsonar sem lengi var kenndur við Steinullarverksmiðjuna og sem gaman er að bæta við að er sonur hjónanna Einars og Dísu í verslunni Vísi á Blönduósi sem þá var og hét. Mamma hennar er Hrefna Guðmundsdóttir sem er í raun ástæða þess að Feykir hafði samband við Arndísi. Arndís bjó á Sauðárkróki fram að 18 ára aldri en flutti þá á höfuðborgarsvæðið þar sem hún býr enn ásamt eiginmanni sínum, Birgi Erni Strange, og þremur börnum; Ara Hrafni, Unu Lind og Yrsu Ýri.Meira -
Elísa Bríet er íþróttamaður ársins hjá USAH
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 20.12.2024 kl. 17.21Elísa Bríet Björnsdóttur, fótboltakona frá Skagaströnd, var í gær kjörin íþróttamaður ársins 2024 hjá Ungmennasambandi Austur-Húnvetninga. Kjörinu var lýst við hátíðlega athöfn í Félagsheimilinu á Blönduósi að viðstöddu fjölmenni. Elísa leikur með meistaraflokki Tindastóls. Hún gerði fyrr á árinu þriggja ára samning við félagið og hefur staðið sig frábærlega, segir á huni.isMeira -
María Dögg Jóhannesdóttir Íþróttamaður Skagafjarðar
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 20.12.2024 kl. 17.19Árleg uppskeruhátíð UMSS var haldin hátíðleg fimmtudagskvöldið 19. desember í Húsi frítímans að viðstöddu margmenni. Þar voru veitt hvatningarverðlaun fyrir ungt og efnilegt íþróttafólk, styrkir veittir úr Afrekssjóði UMSS og landsliðsfólki UMSS veittar viðurkenningar. Hápunktur hátíðarinnar var þegar lið ársins, þjálfari ársins og íþróttamaður ársins voru tilkynnt og að þessu sinni var kvennalið Körfuknattleiksdeildar Tindastóls valið lið ársins. Finnbogi Bjarnason var valinn þjálfari ársins og Íþróttamaður ársins í Skagafirði 2024 er María Dögg Jóhannesdóttir frá Knattspyrnudeild Tindastóls en hún hefur leitt lið Tindastóls í efstu deild þar sem Tindastóll er komið til að vera.Meira -
Húnaþing vestra tekur þátt í rafrænu geðheilsuátaki
feykir.is Skagafjörður, Austur-Húnavatnssýsla, Vestur-Húnavatnssýsla 20.12.2024 kl. 09.15Húnaþing vestra hefur gert samkomulag við Mental ráðgjöf um þátttöku í rafrænu geðheilsuátaki sem nær til starfsfólks sveitarfélagsins. Á vefnum huni.is segir að sveitarfélagið sé fyrsti vinnustaðurinn á Íslandi til að taka rafræna átakið í notkun, að því er segir á vef þess. Með þátttökunni vill það sýna skýra skuldbindingu sína til að setja geðheilbrigði á vinnustað rækilega á dagskrá með því að auka vitund og veita fræðslu um geðheilbrigði fyrir allt starfsfólks sveitarfélagsins. Hjá Húnaþingi vestra starfa um 115 manns á níu starfsstöðvum.Meira -
Rótarýklúbbur Sauðárkróks lætur gott af sér leiða
feykir.is Skagafjörður 19.12.2024 kl. 12.04Rótarýklúbbur Sauðárkróks heldur áfram að láta gott af sér leiða og afhenti nýlega Fjölskylduhjálp Skagafjarðar kr. 1.000.000.-Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.