Fréttir

Í þeim kulda og snjóleysi sem nú ríkir er notkun heita vatnsins í hámarki, segir í tilkynningu frá Skagafjarðarveitum og beinir þeim tilmælum til viðskiptavina sinna að spara heita vatnið eftir bestu getu.

Dregið hefur verið úr réttum lausnum í myndagátunni sem birtist í JólaFeyki. Líklega hefur gátan eitthvað þvælst fyrir fólki þar sem heldur færri lausnir bárust en undanfarin ár en var ágæt þrátt fyrir það.

Nú fer hver að verða síðastur að senda inn tilnefningar um mann ársins á Norðurlandi vestra en líkt og undanfarin ár leitar Feykir til lesenda með þær. Frestur til að senda inn ábendingar er á miðnætti á morgun.

Úrslit í ritlistakeppni Ungskálda 2022 voru kunngjörð á Amtsbókasafninu á Akureyri í síðustu viku. Alls bárust 57 verk í keppnina frá 27 þátttakendum og fyrstu verðlaun hlaut Mars Baldurs fyrir verkið Þágufallssýki. Frá þessu segir m.a. á heimasíðu Grunnskóla og tónlistarskóla Húnaþings vestra en Mars er fyrrum nemandi skólans en nemur nú við VMA á Akureyri.

Nýsköpunarfyrirtækið AMC fékk nýverið tveggja ára Sprota styrk frá Rannís upp á samtals 20 milljónir til að þróa fyrsta samsetta fiskileðrið á Íslandi. Fyrirtækið er í eigu ungs frumkvöðlapars á Norðurlandi Maríu Dísar Ólafsdóttur, lífverkfræðings, og Leonard Jóhannssonar, vélfræðings. Áður hafði verkefnið fengið FRÆ styrk Rannís og vann titilinn Norðansprotinn í hugmyndasamkeppni síðastliðið vor.

Í dag var tilkynnt val á nýju merki sveitarfélagsins Húnabyggðar sem varð til við sameiningu Blönduóss og Húnavatnshrepps fyrr á árinu. Í frétt á vef Húnabyggðar kemur fram að alls bárust 50 tillögur frá 29 hönnuðum um byggðarmerki sveitarfélagsins. Vinningstillöguna átti hönnuðurinn og Króksarinn Ólína Sif Einarsdóttir.

Það er eitt og annað sem brallað er á aðventunni. Það hefur í mörg ár verið venjan að boðið sé upp á rökkurgöngu hjá Byggðasafni Skagfirðinga í Glaumbæ og svo var einnig í ár því nú á sunnudaginn var búið að koma gamla bænum í jólabúning og hátíðarbragur yfir svæðinu. Móttökurnar fóru fram úr björtustu vonum í vetrarblíðunni.

Á heimasíðu Höfðaskóla á Skagaströnd er sagt frá því að nemendur unglingastigs hafa tvö undanfarin ár verið með tvær list- og verkgreinavikur yfir skólaárið. Þar hafa nemendur kynnst ýmsum greinum sem hægt hefur verið að sýna og kenna innan skólans. Að þessu sinni var hinsvegar ákvðið að leita í hús til Fjölbrautaskóla Norðurlands vestra um samstarf .

KKÍ hefur ráðið þjálfara yngri liða Íslands fyrir komandi verkefni í sumar og munu þau öll taka þátt í verkefnum drengja og stúlkna líkt og síðasta sumar. Þá hefur NM U20 liða verið bætt við í samstarfi Norðurlandanna líkt og hefur verið með U16 og U18 liðin á undanförnum árum. Fimm hafa verið boðuð til æfinga úr röðum Tindastóls og ein frá Kormáki.

Stjórn Húsfreyjanna á Vatnsnesi sem er kvenfélag á vestanverðu Vatnsnesi afhenti nýlega Heilbrigðisstofnuninni á Hvammstanga að gjöf klakavél og fjögur kúruteppi sem eru merkt stofnuninni.