Ungt skagfirskt tónlistarfólk með Jólatónleika í Miðgarði
Jólatónleikarnir Jólin heima verða haldnir þann 11. desember í Menningarhúsinu Miðgarði. Á bakvið tónleikana stendur ungt skagfirskt fólk sem kemur bæði að skipulagi þeirra og flutningi. Tónleikarnir fóru fram í Félagsheimilinu Bifröst í fyrra í gegnum myndbandsstreymi og fengu þeir góðar viðtökur.
,,Hugmyndin að þessum tónleikum kom upp í fyrra og þá var pælingin að halda streymistónleika á netinu. Við fengum svo gríðarlega flottar viðtökur við þeim tónleikunum að við ákváðum að halda þá aftur í ár, stækka við okkur og leyfa fólki að koma núna í sal og hlusta á okkar magnaða unga tónlistarfólk,” segir Jóhann Daði einn af skipuleggjendum tónleikana og hugmyndasmiður.
Fáir miðar eftir
Miðasala fer frábærlega af stað og hvetur Jóhann Daði fólk til að næla sér í miða áður en það verður um seinan.
,,Áhorfendur mega búast við geggjuðum tónleikum, þar sem uppáhalds jólalögin okkar verða sungin af okkar magnaða tónlistarfólki sem kemur fram á þessum tónleikum. Ég mæli með því að næla sér í miða sem fyrst á tónleikana því það eru örfáir miðar eftir.’’
Á tónleikunum koma eftirfarandi söngvarar fram:
Gunnar Hrafn Kristjánsson
Ingi Sigþór Gunnarsson
Valdís Valbjörnsdóttir
Sigvaldi Helgi Gunnarsson
Malen Áskelsdóttir
Bergrún Sóla Áskelsdóttir
Rannveig Sigrún Stefánsdóttir
Dagný Erla Gunnarsdóttir
Karen Lind Skúladóttir
Leynigestur
Hljómsveitina skipa:
Alex Már Sigurbjörnsson
Arnar Freyr Guðmundsson
Eysteinn Ívar Guðbrandsson
Jóhann Daði Gíslason
Jón Gestur Atlason
Sigvaldi Helgi Gunnarsson
Sæþór Már Hinriksson
Aðalstyrktaraðilar tónleikana eru eftirfarandi fyrirtæki:
Fisk Seafood, Menningarsjóður KS, Tengill ehf. og Sveitarfélagið Skagafjörður.
Hægt er að nálgast miða á tónleikana hér á Tix.is
/Fréttatilkynning
Fleiri fréttir
-
Lakkrístopparnir sívinsælu urðu til í eldhúsi á Sauðárkróki
feykir.is Skagafjörður, Lokað efni 22.12.2024 kl. 09.00Arndís María Einarsdóttir er fædd og uppalin á Sauðárkróki. Dóttir Einars Einarsonar sem lengi var kenndur við Steinullarverksmiðjuna og sem gaman er að bæta við að er sonur hjónanna Einars og Dísu í verslunni Vísi á Blönduósi sem þá var og hét. Mamma hennar er Hrefna Guðmundsdóttir sem er í raun ástæða þess að Feykir hafði samband við Arndísi. Arndís bjó á Sauðárkróki fram að 18 ára aldri en flutti þá á höfuðborgarsvæðið þar sem hún býr enn ásamt eiginmanni sínum, Birgi Erni Strange, og þremur börnum; Ara Hrafni, Unu Lind og Yrsu Ýri.Meira -
Elísa Bríet er íþróttamaður ársins hjá USAH
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 20.12.2024 kl. 17.21Elísa Bríet Björnsdóttur, fótboltakona frá Skagaströnd, var í gær kjörin íþróttamaður ársins 2024 hjá Ungmennasambandi Austur-Húnvetninga. Kjörinu var lýst við hátíðlega athöfn í Félagsheimilinu á Blönduósi að viðstöddu fjölmenni. Elísa leikur með meistaraflokki Tindastóls. Hún gerði fyrr á árinu þriggja ára samning við félagið og hefur staðið sig frábærlega, segir á huni.isMeira -
María Dögg Jóhannesdóttir Íþróttamaður Skagafjarðar
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 20.12.2024 kl. 17.19Árleg uppskeruhátíð UMSS var haldin hátíðleg fimmtudagskvöldið 19. desember í Húsi frítímans að viðstöddu margmenni. Þar voru veitt hvatningarverðlaun fyrir ungt og efnilegt íþróttafólk, styrkir veittir úr Afrekssjóði UMSS og landsliðsfólki UMSS veittar viðurkenningar. Hápunktur hátíðarinnar var þegar lið ársins, þjálfari ársins og íþróttamaður ársins voru tilkynnt og að þessu sinni var kvennalið Körfuknattleiksdeildar Tindastóls valið lið ársins. Finnbogi Bjarnason var valinn þjálfari ársins og Íþróttamaður ársins í Skagafirði 2024 er María Dögg Jóhannesdóttir frá Knattspyrnudeild Tindastóls en hún hefur leitt lið Tindastóls í efstu deild þar sem Tindastóll er komið til að vera.Meira -
Húnaþing vestra tekur þátt í rafrænu geðheilsuátaki
feykir.is Skagafjörður, Austur-Húnavatnssýsla, Vestur-Húnavatnssýsla 20.12.2024 kl. 09.15Húnaþing vestra hefur gert samkomulag við Mental ráðgjöf um þátttöku í rafrænu geðheilsuátaki sem nær til starfsfólks sveitarfélagsins. Á vefnum huni.is segir að sveitarfélagið sé fyrsti vinnustaðurinn á Íslandi til að taka rafræna átakið í notkun, að því er segir á vef þess. Með þátttökunni vill það sýna skýra skuldbindingu sína til að setja geðheilbrigði á vinnustað rækilega á dagskrá með því að auka vitund og veita fræðslu um geðheilbrigði fyrir allt starfsfólks sveitarfélagsins. Hjá Húnaþingi vestra starfa um 115 manns á níu starfsstöðvum.Meira -
Rótarýklúbbur Sauðárkróks lætur gott af sér leiða
feykir.is Skagafjörður 19.12.2024 kl. 12.04Rótarýklúbbur Sauðárkróks heldur áfram að láta gott af sér leiða og afhenti nýlega Fjölskylduhjálp Skagafjarðar kr. 1.000.000.-Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.