Þremur frá Norðurlandi vestra veitt viðurkenning á Nýsveinahátíð IMFR
Þann 8. febrúar fór fram 19. Nýsveinahátíð IMFR á Reykjavík Natura Berjaya Iceland Hotels (áður Lofleiðahótelið) að viðstöddu forseta Íslands, Höllu Tómasdóttur, sem sá einnig um að afhenda viðurkenningarnar, ráðherra mennta- og barnamála, Ásthildi Lóu Þórsdóttur, þingmönnum, meisturum nýsveinanna, heiðursiðnaðarmönnum og öðrum góðum gestum.
Að þessu sinni voru 28 nýsveinar sem hlutu viðurkenningar fyrir árangur í sínum greinum. Feykir sagði frá því fyrr í mánuðinum að Heiðdís Líf Jóhannsdóttir hafi hlotið viðurkenningu fyrir afburða árangur í sinni grein, Iðngrein - Framreiðslu, en hún var ekki sú eina frá þessu svæði (Norðurland vestra) sem hlaut þennan glæsilega heiður því þarna voru einnig Hekla Guðrún Þrastardóttir, sem fékk viðurkenningu fyrir bakaraiðn, og Bergur Líndal Guðmundsson, sem fékk verðlaun fyrir rafvirkjun, á ferðinni.
Þá er gaman að segja frá því að Hekla Guðrún upplifði skemmtilegt ævintýri í fyrra þegar hún fékk að starfa í frönsku handverksbakaríi, Parémi, í miðborg Vínar og segir hún nánar frá því í hlaðvarpi Iðunnar. Hekla Guðrún hlaut styrk frá Erasmus+ sem er styrkur til námsdvalar í öðru Evrópulandi. Markmiðið með námsdvöl í öðru landi er að kynnast betur sínu fagi í alþjóðlegu samhengi og veita innsýn í líf og störf fólks í útlöndum. Reynslan af slíkri námsdvöl er dýrmæt og getur aukið starfsmöguleika bæði heima og erlendis. Hekla Guðrún líkaði mjög vel þarna og endaði á að dvelja í fjóra mánuði í Vínarborg. Þetta ævintýri hennar endaði með því að henni var boðin vinna í bakaríinu sem og hún þáði og byrjaði hún að vinna þar núna í janúarbyrjun.
Hekla Guðrún sagði í samtali við Iðuna: „Mér fannst þetta spennandi, bakaríið eiga hjón og maðurinn er franskur. Þetta er lítið og sætt bakarí. Það er mikið af flottum vörum og mjög fjölbreyttum,“ segir Hekla Guðrún sem segir fleiri hafa starfað með henni í bakaríinu í gegnum Erasmus+ áætlunina, til dæmis frá Þýskalandi og Noregi. Nám í bakstri er mismunandi milli þessara landa en Hekla Guðrún segist hafa staðið sterk á svellinu með sveinsprófið sitt frá Íslandi. „Í náminu ytra er miklu meiri sérhæfing,“ segir Hekla Guðrún og á við konditornámið. „Á meðan að hér tökum við þetta í einum pakka, sem hjálpaði mér mikið.“
Feykir óskar þeim til hamingju með frábæran árangur og óskar þeim góðs gengis í framtíðinni.
Fleiri fréttir
-
Skandall sló í gegn í bleikum glimmerjakkafötum
feykir.is Skagafjörður, Austur-Húnavatnssýsla, Listir og menning, Lokað efni 21.02.2025 kl. 16.05„Þetta byrjaði sem smá Skandall, vorum smá stressaðar og klúðruðum smá í byrjun. En eftir það náðum við okkur nú aftur á strik og finnst okkur þessi sigur alveg verðskuldaður og sanngjarn!“ segir Sóley Sif Jónsdóttir létt í samtali við Feyki en hljómsveitin Skandall, sem er skipuð fimm stúlkum, bar sigur úr býtum í Söngkeppni MA nú á miðvikudagskvöldið. Stelpurnar einhentu sér í Plug In Baby sem Muse töfruðu fram fyrir aldarfjórðungi. Feykir lagði nokkrar spurningar fyrir Skagstrendinginn Sóleyju Sif Jónsdóttur, sem sá um trommuleik og söng ásamt Ingu Rós.Meira -
Vísnakvöld í Kakalaskála
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 21.02.2025 kl. 12.37Laugardaginn 22. febrúar mun hópur hagyrðinga og vísnamanna úr Húnavatnssýslum, Skagafirði og Eyjafirði leiða saman hesta sína í Kakalaskála í Kringlumýri í Skagafirði. Farið verður með ljóð og vísur, nýjar og gamlar, og ekki ólíklegt að einhverjar verði til á staðnum. Þessu má enginn vísnavinur missa af.Meira -
Skrímslahraðinn æfður fyrir Gettu betur
feykir.is Austur-Húnavatnssýsla, Mannlíf, Lokað efni 21.02.2025 kl. 09.36Spurningakeppni framhaldsskólanna er á fullu þessa dagana og átta liða úrslit hálfnuð í Sjónvarpinu. Fjölbrautaskóli Norðurlands vestra hafði ekki erindi sem erfiði í vetur, féll úr leik í fyrstu umferð. Það er þó í það minnsta einn fulltrúi Norðurlands vestra sem heldur heiðri norðvestlenskra ungspekinga á lofti en það er Sólveig Erla Baldvinsdóttir frá Tjörn í Húnabyggð (áður Skagabyggð) en hún er í Gettu betur-liði Menntaskólans á Akureyri.Meira -
Þriggja rétta máltíð að hætti Önnu Jónu | Matgæðingur Feykis
feykir.is Skagafjörður, Í matinn er þetta helst, Lokað efni 21.02.2025 kl. 09.11Matgæðingur vikunnar í tbl. 40, 2024, var engin önnur en Anna Jóna Guðmundsdóttir sem flutti til Vestmannaeyja sl. haust til unnusta síns. Eftir 17 ára starf við skólastjórnun ákvað hún að fara inn á deild og starfa sem deildarstjóri inni á gólfi með börnunum. Anna Jóna segir að hún eigi margar góðar minningar úr skólastjórastarfinu, ekki síst frá þeim níu árum sem hún starfaði í Ársölum á Króknum.Meira -
Góð heimsókn á dvalarheimilið á Króknum
feykir.is Skagafjörður, Mannlíf, Lokað efni 21.02.2025 kl. 07.48Notendur dagdvalar aldraðra á Sauðárhæðum og íbúar dvalarheimilisins á Sauðárkróki fengu heldur betur góða heimsókn á dögunum. Þá mættu dömur úr Kvenfélagi Lýtingsstaðahrepps í heimsókn og buðu notendum og íbúum upp á dýrindis kaffihlaðborð ásamt söng og harmonikkuleik frá feðgunum á Hóli í Lýtingsstaðahrepp, þeim Ásgeiri og Guðmundi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.