Tindastóll hlýtur Grasrótarverðlaun KSÍ
Grasrótarverðlaun KSÍ árið 2016 hlýtur Ungmennafélagið Tindastóll. Á Facebook-síðu KSÍ segir að Tindastóll hafi um áraraðir haldið úti knattspyrnumóti fyrir bæði stráka og stelpur með miklum sóma, Landsbankamót Tindastóls fyrir stúlkur í 6. og 7. flokki og Króksmót Tindastóls fyrir drengi í 5., 6. og 7. flokki.
„KSÍ getur seint þakkað þeim félögum sem halda úti knattspyrnumótum fyrir yngstu iðkendur knattspyrnuhreyfingarinnar nægilega fyrir þeirra ötula starf. Tindastóll er eitt af frumkvöðlafélögum í þeim efnum og sumarið 2016 verður 30. sumarið í röð sem Tindastóll heldur úti móti. Það er því ekki nokkur spurning að Tindastóll er vel að Grasrótarverðlaunum KSÍ komið,“ segir loks á síðunni.
Fullt á Landsbankamótið á þremur dögum
Í Feyki sem kom út sl. fimmtudag er sagt frá Landsbankamóti knattspyrnudeildar Tindatóls sem verður dagana 25. og 26. júní nk. Að sögn Ingva Hrannars Ómarssonar skipuleggjanda mótsins eru 140 lið skráð til leiks og um 40 á biðlista. „Það tók þrjá daga að fylla mótið enda mikil ánægja með móttökurnar undanfarin ár. Þetta er næst stærsta stúlknamót á landinu á eftir Símamóti Breiðabliks og mikil innspýting í samfélagið okkar,“ sagði Ingvi Hrannar í samtali við Feyki.
Ingvi Hrannar segir að um 50 manns þurfi til að dæma leikina, aðra til að standa vaktina í sjoppu og mat, á gistivöktum og þrifum. Þá verða skólarnir (leik-, grunn- og framhaldsskólinn) notaðir í gistingu. Vinnuskólinn og sveitarfélagið munu einnig koma að mótinu og tjaldsvæðið þurfi að vera í góðu lagi sem og rafmagnið þar. Gera megi ráð fyrir því að verslanir og aðrir gististaðir verði fullir.
„Við vonumst til að margir foreldrar, ungmenni og aðilar í samfélaginu hjálpist að við það að sinna ýmsum störfum í sumar til þess að svona gangi upp. Það er gott fyrir Skagafjörð að fá svona jákvætt umtal þar sem gestir og keppendur ganga glaðir frá Króknum með góðar minningar. En til þess að svona gangi upp bæði á Landsbankamóti í júní og Króksmóti í ágúst þurfa margir að leggja hönd á plóg,“ sagði Ingvi Hrannar.
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.