Fjórföldun á stuðningi við Guðrúnu | Hjörtur J. Guðmundsson

feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.02.2025 kl. 11.29
Hjörtur J. Guðmundsson.MYND AÐSEND
Hjörtur J. Guðmundsson.MYND AÐSEND
Fjöldi þeirra sem vilja sjá Guðrúnu Hafsteinsdóttur sem næsta formann Sjálfstæðisflokksins í röðum landsmanna hefur fjórfaldast undanfarinn mánuð miðað við niðurstöður skoðanakannana Gallups. Farið úr 12% í janúar í 48% samkvæmt niðurstöðum nýrrar könnunar fyrirtækisins sem birtar voru í gær. Á sama tíma hefur fjöldi þeirra sem vilja sjá Áslaugu Örnu Sigurbjörnsdóttur taka við flokknum farið úr 24% í 42% sem nær þannig ekki tvöföldun.
 
Meðal þess sem vakið hefur athygli varðandi niðurstöður könnunar Gallups í febrúar er að Guðrún mælist með meiri stuðning í Reykjavík en Áslaug sem þó er þingmaður Reykvíkinga. Þannig segjast 52% þeirra styðja Guðrúnu, sem er þingmaður Suðurkjördæmis, en 40% Áslaugu. Mögulega þarf þetta ekki að koma á óvart í ljósi þess að Áslaug fór frá því að vera fyrsti þingmaður Reykjavíkur kjördæmis suður niður í þriðja sæti í kosningunum í lok nóvember.
 
Fleiri styðja Guðrúnu en Áslaugu bæði á höfuðborgarsvæðinu og landsbyggðinni samkvæmt könnuninni í febrúar. Mögulega kemur það ekki heldur á óvart enda er Guðrún í raun ákveðin tenging þar á milli og sameiningarafl í þeim efnum eins og víðar. Þannig er hún af landsbyggðinni, frá Hveragerði, en er á sama tíma ekki langt frá höfuðborgarsvæðinu og verið með annan fótinn þar í gegnum tíðina vegna starfa sinna. Hún þekkir fyrir vikið vel til í báðum tilfellum.
 
Miðað við könnunina hefur Guðrún meiri stuðnings á meðal kjósenda í fjórum af sex aldurshópum. Talsvert hefur verið gert úr því að Áslaug njóti meiri stuðnings á meðal yngri kjósenda en hins vegar dugir það vitanlega skammt ef það þýðir á móti minni stuðning á meðal flestra annarra aldurshópa. Eigi að auka fylgi Sjálfstæðisflokksins þarf fleiri kjósendur en einungis þá sem yngri eru. Þvert á móti þarf að ná til sem flestra aldurshópa. Það gerir Guðrún Hafsteinsdóttir.
 
Höfundur er sagnfræðingur og alþjóðastjórnmálafræðingur (MA í alþjóðasamskiptum), stúdent frá FNV og heldur úti vefnum Stjórnmálin.is.
Til baka

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir

  • Tinna komin 8 mánuði á leið í tökum á Höfn í Hornafirði á sjónvarpsþáttunum The Lark/Witcher. MYND AÐSEND

    Tinna tilnefnd til Eddunnar

    feykir.is Skagafjörður, Lokað efni 25.02.2025 kl. 15.15 gunnhildur@feykir.is
    Tilnefningar til Eddunnar, íslensku kvikmyndaverðlaunanna, 2025 hafa verið gerðar opinberar og er Skagfirðingurinn Tinna Ingimarsdóttir frá Ytra- Skörðugili tilnefnd í flokknum Gervi ársins í kvikmyndinni Natatorium eftir Helenu Stefánsdóttur.
    Meira
  • Krækjur sem spiluðu í A-liðinu á Benecta mótinu. Myndir aðsendar.

    Krækjurnar eru bestar :)

    feykir.is Skagafjörður, Íþróttir 25.02.2025 kl. 14.39 siggag@nyprent.is
    Helgina 14. og 15. febrúar fór fram hið árlega blakmót í Fjallabyggð, Benecta mót Blakfélags Fjallabyggðar, og er þá spilað bæði á Ólafsfirði og Siglufirði. Krækjurnar á Króknum létu sig ekki vanta á þetta frábæra mót og skráði tvö lið til leiks. Bæði liðin spiluðu fimm leiki hvor, A-liðið í 1. deild og B-liðið í 5. deild, og fóru leikar þannig að Krækjur A sigruðu sinn riðil og enduðu því í 1. sæti á mótinu.
    Meira
  • Hér má sjá hvernig raðhúsið við Flúðabakka lítur út að utan. Hér að neðan má sjá fleiri myndir. AÐSENDAR MYNDIR

    Raðhúsið nýja á Blönduósi til sýnis á föstudaginn

    feykir.is Austur-Húnavatnssýsla 25.02.2025 kl. 13.51 oli@feykir.is
    Á Blönduósi er nú risið vandað sex íbúða viðhaldslétt raðhús við Flúðabakka 5, (63-98 m2), sérhannað fyrir eldri borgara. Framkvæmdaaðilar eru vel sáttir með hvernig til hefur tekist og nú er komið að því að sýna áhugasömum íbúðirnar því það verður opið hús nk. föstudag 28. febrúar milli 14-16 að Flúðabakka 5 og söluferlið því að hefjast.
    Meira

  • Lögreglan á Norðurlandi vestra kynnir niðurstöður úr könnun

    feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.02.2025 kl. 13.10 siggag@nyprent.is
    Á heimasíðu Lögreglunnar voru nýlega birtar niðurstöður könnunar um reynslu almennings af afbrotum og viðhorf til lögreglu, sem framkvæmd var síðasta sumar. Úrtakið var 4482 einstaklingar sem voru af öllu landinu, 18 ára og eldri, handahófsvaldir úr Viðhorfahópi Gallup. Má þar lesa að rúmlega 90% íbúa á Norðurlandi vestra telja lögreglu sinna mjög góðu eða frekar góðu starfi og er sýnileiki lögreglu með ágætum segja um 87% íbúa, þ.e. að þeir sjá lögreglu vikulega eða oftar í sínu hverfi eða byggðalagi samanborið við 44% allra landsmanna.
    Meira
  • MYND AÐSEND.

    Slökkviliðsmenn Húnaþings vestra þjálfaðir upp í vettvangsliða

    feykir.is Vestur-Húnavatnssýsla, Lokað efni 25.02.2025 kl. 12.55 gunnhildur@feykir.is
    Undanfarinn mánuð hafa slökkviliðsmenn hjá Brunavörnum Húnaþings vestra setið bóklegt og verklegt námskeið í Vettvangshjálp, First Responder. Um liðna helgi fór fram verkleg kennsla sem lauk með verklegum og bóklegum prófum.
    Meira
Yfirlit frétta