Þráður fortíðar til framtíðar - opin hönnunarsamkeppni
Ekki þarf að fjölyrða um vinsældir íslensku ullarinnar síðustu misseri. Margir eru að gera skemmtilega hluti úr þessum ódýra og fallega efniviði og á það bæði við um hinn almenna leikmann og sprenglærða listamenn og hönnuði.
Ester Stefánsdóttur, stjórnanda hönnunarsamkeppninnar Þráður fortíðar til framtíðar, fannst því mikilvægt að skapa vettvang þar sem safnað er saman öllu því besta sem verið er að hanna úr íslensku ullinni og veita þeim viðurkenningu sem fara þar fremstir í flokki.
Til liðs við sig við framkvæmd samkeppninnar hefur hún fengið þær Dórótheu Jónsdóttur framkvæmdastjóra Handverkshátíðarinnar að Hrafnagili, Önnu Gunnarsdóttur listakonu, Margréti Lindquist sem nýverið vann evrópsk gullverðlaun fyrir grafíska hönnun, Arndísi Bergsdóttur hönnuð hrútahúfunnar og Bryndísi Símonardóttur fagurkera.
Styrktaraðilar samkeppninnar eru Landssamtök sauðfjárbænda, Ístex hf. og Glófi ehf. Keppt verður í tveimur flokkum, þ.e. flokknum fatnaður og opnum flokki sem hvers kyns fylgihlutir, nytjahlutir, list og skrautmundir tilheyra. Fjöldi fyrirspurna hafa borist og er mikill áhugi fyrir samkeppninni. Skilafrestur á fullunnum verkum auðkenndum með dulnefni er 30. júní n.k.
Sýning á 20 bestu verkunum úr hvorum flokki verður á Handverkshátíðinni í Eyjafjarðarsveit dagana 7.-10. ágúst nk.
Dómnefnd, skipuð Védísi Jónsdóttur f.h. Ístex h.f., Loga A. Guðjónssyni f.h. Glófa ehf., Birgi Arasyni f.h. Félags sauðfjárbænda í Eyjafirði, Sveinu Björk Jóhannesdóttur textílhönnuði og Jenný Karlsdóttur útgefanda Munsturs og menningar, tilnefnir 5 verk til verðlauna úr hvorum flokki og verða þau kynnt í fjölmiðlum hálfum mánuði fyrir verðlaunaafhendinguna.
Úrslit samkeppninnar verða tilkynnt á Handverkshátiðinni í Eyjafjarðarsveit laugardaginn 8. ágúst. Vegleg verðlaun eru í boði fyrir 1. sæti í hvorum flokki. Þeir aðilar sem eiga verk tilnefnd til verðlauna fá glaðning frá Ístex og Glófa en auk þess áskilur Glófi sér rétt til að gera samning um framleiðslu á einu eða fleiri verkum. Ístex áskilur sér einnig rétt til að gera samning um birtingu á uppskrift af einu eða fleiri verkum.
Nú eru allir sem eru með hugmyndir af skemmtilegri hönnun þar sem ull er í aðalhlutverki hvattir til að senda verk sín inn í samkeppnina.
Það er von framkvæmdaraðilanna að vönduð sýning verði til sem hægt er að senda víðar bæði innanlands jafnt sem utan og jafnvel geti hafist framleiðsla á einhverju af innsendum verkum. Hver veit nema þessi samkeppni verið eitt skref í leið þjóðarinnar út úr efnahagskreppunni og landvættunum verði skipt út fyrir íslensku sauðkindina, hönnuð, sníðaskæri og prjóna!
Allar nánari upplýsingar varðandi samkeppnina og leikreglurnar er að finna á www.handverkshatid.is
Fleiri fréttir
-
Madagascar frumsýnt í Bifröst
feykir.is Skagafjörður, Lokað efni 20.03.2025 kl. 15.05Það var líf og fjör í Bifröst á Sauðárkróki í morgun þegar blaðamaður Feykis leit inn. Þar voru krakkarnir í 10. bekk í Árskóla að gera sig klár fyrir generalprufu en þau eru að frumsýna í kvöld leikritið Madagascar í leikstjórn Sigurlaugar Vordísar Eysteinsdóttur og Eysteins Ívars Guðbrandssonar og svo var það Emelíana Lillý Guðbrandsdóttir sem hannaði dansana.Meira -
900 þús. úr Hvatasjóði til Norðurlands vestra
feykir.is Skagafjörður, Austur-Húnavatnssýsla, Vestur-Húnavatnssýsla 20.03.2025 kl. 14.57Á umfi.is segir að þrjátíu verkefni um allt land hljóta styrki upp á samtals 20,3 milljónir króna úr Hvatasjóði íþróttahreyfingarinnar. Þetta var í fyrsta skiptið sem veitt er úr sjóðnum, sem styrkir verkefni sem stuðla eiga að útbreiðslu íþróttastarfs og þátttöku allra barna á Íslandi. Næsti umsóknarfrestur verður nú í vor en alls eru 70 milljónir króna í sjóðnum árlega.Meira -
Mislitir sokkar til að fagna fjölbreytileikanum
feykir.is Skagafjörður, Austur-Húnavatnssýsla, Vestur-Húnavatnssýsla 20.03.2025 kl. 14.43Á morgun er alþjóðlegur dagur Downs-heilkennis en 21. mars ár hvert er tileinkaður heilkenninu og honum fagnað víða um heim. Allsherjarþing Sameinuðu þjóðanna samþykkti árið 2011 að 21. mars ár hvert skuli vera Alþjóðlegur dagur Downs-heilkennis en eitt barn af hverjum sjö hundruð sem fæðast í heiminum er með Downs-heilkenni.Meira -
Lára Sigurðardóttir söng sig inn á Samfés
feykir.is Skagafjörður, Austur-Húnavatnssýsla, Vestur-Húnavatnssýsla 20.03.2025 kl. 13.38Síðastliðinn föstudag, 14. mars, fór fram Norður Org, söngkeppni félagsmiðstöðva á Norðurlandi, fram í íþróttahúsinu á Sauðárkróki. Var þetta í fyrsta skipti sem þessi keppni er haldin á Króknum og voru þar samankomin um 550 ungmenni frá félagsmiðstöðvum víðsvegar af Norðurlandi til þess að fylgjast með sínum fulltrúum spreyta sig á sviðinu.Meira -
Neikvæð áhrif innviðagjalds mikil á Norðurlandi | Arnheiður Jóhannsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 20.03.2025 kl. 13.12Áhrif innviðagjalds sem lagt var á skemmtiferðaskip fyrir ferðaþjónustuna eru orðin greinileg á landinu. Áhrifanna gætir með mismunandi hætti þar sem með svo skyndilegri gjaldtöku, falla áfangastaðir úr ferðaáætlun skipanna, helst þeir sem eru lengst frá suðvesturhorninu. Þetta hefur þær afleiðingar að á meðan það verður kannski 10% samdráttur heilt yfir í höfuðborginni, þá getur orðið tugprósenta samdráttur á öðrum stöðum á landinu. Í einhverjum tilfellum stefnir í að sumir áfangastaðir missi allar skipakomur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.