Stólarnir sterkari í grannaslagnum
Lið Tindastóls og Kormáks/Hvatar mættust á Sauðárkróki í dag og var spilað við ágætar aðstæður. Rennislétt gervigras, 13 stiga hiti og pínu vindur. Þetta var fyrsti leikur beggja liða frá því í vetur en gæði leiksins voru engu að síður með ágætum og líkt og reikna mátti með í grannaslagnum þá var hvergi gefið eftir. Gestirnir vestan Vatnsskarðs voru 0-1 yfir í hálfleik en Stólarnir svöruðu með tveimur mörkum í síðari hálfleik og slógu því gestina út úr Mjólkurbikarnum. Lokatölur 2-1 fyrir Tindastól.
Lið Tindastóls kom mikið breytt til leiks frá því í vetur og til að mynda voru fjórir enskir strákar í liðinu, þrír nýsloppnir úr sóttkví og sá fjórði kom frá Víkingum að láni. Stuðningsmenn gestanna vildu meina að Króksarar vissu ekki hvort liðið þeir ættu að styðja því mögulega voru fleiri Skagfirðingar í liði Kormáks/Hvatar en í liði Tindastóls!
Leikurinn fór fjörlega af stað og leikmenn skelltu sér í kröftugar tæklingar hvar sem því var við komið. Og þó kapp væri í mönnum var samt gaman að sjá að og heyra að menn fóru ekki yfir strikið. Lið Tindastóls sótti meira framan af gestirnir voru hættulegir í sóknaraðgerðum sínum. Það var Hilmar Þór Kárason sem gerði fyrsta mark leiksins á 18. mínútu eftir hornspyrnu en þar leit Atli Dagur í marki heimamanna ekki vel út. Stólarnir reyndu að skerpa á sókninni og Benni sendi aukaspyrna í þverslána og tvívegis björguðu varnarmenn gestanna á síðustu stundu þegar jöfnunarmarkið virtist blasa við. Staðan 0-1 í hálfleik.
Jafnræði var með liðunum fyrstu mínúturnar í síðari hálfleik. Stólarnir settu boltann aftur í þverslá en K/H fengu þrjú góð færi í sömu sókninni til að bæta við forystuna en nú varði Atli Dagur þrívegis af snilld og máttu heimamenn þakka honum fyrir að lenda ekki í erfiðri stöðu. Spennan jókst nú og eftir að Bjarki Már, þjálfari Kormáks/Hvatar, hvarf af velli færðist spenna í þjálfaraslaginn á hliðarlínunni og lá við að uppúr syði. Stuttu síðar lyftist brúnin á Jay McDonough, þjálfari Tindastóls, þegar Halldór Broddi fylgdi vel eftir skoti Arnórs Guðjóns að marki gestanna á 72. mínútu sem Óli Grétar í markinu náði ekki að fanga. Staðan jöfn og aðeins fimm mínútum síðar létu heimamenn kné fylgja kviði. Arnór var keyrður klaufalega niður rétt utan teigs og Luke Rae, lipur tvítugur strákur, skoraði laglegt mark beint úr aukaspyrnunni.
Nú hófu gestirnir að pressa hærra uppi á vellinum og það tók heimamenn smá tíma að átta sig. Gestirnir áttu eitt gott færi þegar þeir settu boltann í þverslána en annars héldu Stólarnir boltanum vel og kláruðu leikinn af öryggi.
Sigurinn í heildina sanngjarn og mikilvægur fyrir lið Tindastóls sem leit ágætlega út, liðið spilaði boltanum ágætlega en talsverður fjöldi leikmanna var að spila saman í fyrsta skipti. Lið Kormáks/Hvatar gerði vel og með smá heppni hefðu Húnvetningarnir getað slegið Stólana úr leik í dag. Þeir lágu aftarlega með vörnina en voru hættulegir þegar þeir náðu að brjótast fram völlinn.
Lið Tindastóls er því komið í 2. umferð Mjólkurbikarsins sem verður spiluð um næstu helgi en næstkomandi laugardag fá Stólarnir lið Samherja úr Eyjafirði í heimsókn.
Fleiri fréttir
-
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira -
Mynd Óskars Páls, Árnar þagna, sýnd í Króksbíó
feykir.is Skagafjörður, Listir og menning, Lokað efni 22.11.2024 kl. 09.00Óskar Páll Sveinsson ætlar að koma á heimaslóðir og bjóða Skagfirðingum í bíó. Næstkomandi mánudag kl. 20. sýnir hann í Sauðárkróksbíói heimildamyndina Árnar þagna sem fjallar um áhrif sjókvíaeldis á laxi á lífríki og afkomu fjölskyldna í sveitum Íslands og Noregs sem hafa byggt lífsafkomu sína á hlunnindum af sjálfbærum stangveiðum í margar kynslóðir.Meira -
Þjóðarsátt um landbúnað til framtíðar | Guðmundur Hrafn Arngrímsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 08.30Landbúnaður og matvælaframleiðsla er elsta athafnasemi íbúa landsins og önnur af mikilvægustu atvinnugreinum þjóðarinnar, ásamt sjávarútvegi. Landbúnaður er í senn undirstaða byggðar í landinu, gríðarlega mikilvægur fyrir fæðuöryggi þjóðarinnar og lífstíll þeirra sem hann stunda. Þess vegna er mikilvægt að um landbúnað og matvælaframleiðslu ríki þjóðarsátt.Meira -
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.