Skagfirskir geitaostar væntanlegir á markað
Á Brúnastöðum í Fljótum hefur matarsmiðja verið í smíðum undanfarin misseri og fyrstu afurðirnar að líta dagsins ljós. Um er að ræða geitaosta en þau hjón, Stefanía Hjördís Leifsdóttir og Jóhannes Ríkarðsson, hafa einnig sett upp mjaltakerfi fyrir geitur og sauðfé og væntanlega verður mjólkin úr ánum einnig unnin í framtíðinni.
Stefanía segir á Facebook-síðu sinni að fjölskyldan hafi opnað matarsmiðjuna eftir mjög langan undirbúning sem hófst vorið 2018 með námskeiði í Farskólanum, Matarsmiðjan beint frá býli. „Það er ekki einfalt ferli eða ódýrt að fara í slíkar framkvæmdir hér á Íslandi. Kröfurnar eru miklar, bæði hvað varðar húsnæðið og öll leyfi. En við erum líka komin með frábæra vinnuaðstöðu þar sem við getum dundað okkur fram á elliár ef lukkan leyfir,“ skrifar Stefanía og bætir við að fyrstu afurðirnar séu að líta dagsins ljós þessa dagana, geitaostar.
„Við hefðum varla farið í þessa vegferð með ostagerð nema að vera svo ljónheppin að á Akureyri býr maður sem er mjólkurfræðingur og hefur manna lengsta reynslu af handverksostagerð á Íslandi, Guðni Hannes Guðmundsson. Hann var boðinn og búinn að koma okkur af stað með verkefnið og mun verða okkar leiðbeinandi og hönnuður ostanna.“
Stefanía segir þetta verkefni mjög spennandi og skemmtilegt fyrir matgæðinginn og eldhúsfíkilinn sem hún sé og geiturnar virðast hafa það mjög gott í náttúru Fljótanna.
„Það hentar greinilega geitunum okkar vel að spranga um hér undir fjallgarðinum því Guðni Hannes er sérstaklega ánægður með gæði mjólkurinnar, sem er bæði próteinrík og feit, og virðist henta afar vel til ostagerðar. Þær fá líka hrat frá bruggverksmiðjunni Segli á Siglufirði þannig að kannski eru þær alltaf svolítið mildar,“ segir Stefanía í léttum tón. „Við erum líka aðeins búin að mjólka kindur og verður spennandi að vinna með mjólkina úr þeim. Það verður vonandi gert mun meira af því næsta sumar. Við bíðum bara eftir að söluleyfi fyrir ostana frá MAST detti í hús svo við getum farið að koma þeim á markað.“
Meðfylgjandi myndir sem eru teknar af Facebooksíðu Stefaníu Hjördísar sýna hina glæsilegu aðstöðu sem komin er upp á Brúastöðum, aðbúnað og afurðir.
Fleiri fréttir
-
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira -
Mynd Óskars Páls, Árnar þagna, sýnd í Króksbíó
feykir.is Skagafjörður, Listir og menning, Lokað efni 22.11.2024 kl. 09.00Óskar Páll Sveinsson ætlar að koma á heimaslóðir og bjóða Skagfirðingum í bíó. Næstkomandi mánudag kl. 20. sýnir hann í Sauðárkróksbíói heimildamyndina Árnar þagna sem fjallar um áhrif sjókvíaeldis á laxi á lífríki og afkomu fjölskyldna í sveitum Íslands og Noregs sem hafa byggt lífsafkomu sína á hlunnindum af sjálfbærum stangveiðum í margar kynslóðir.Meira -
Þjóðarsátt um landbúnað til framtíðar | Guðmundur Hrafn Arngrímsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 08.30Landbúnaður og matvælaframleiðsla er elsta athafnasemi íbúa landsins og önnur af mikilvægustu atvinnugreinum þjóðarinnar, ásamt sjávarútvegi. Landbúnaður er í senn undirstaða byggðar í landinu, gríðarlega mikilvægur fyrir fæðuöryggi þjóðarinnar og lífstíll þeirra sem hann stunda. Þess vegna er mikilvægt að um landbúnað og matvælaframleiðslu ríki þjóðarsátt.Meira -
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.