Sjö nýsköpunarteymi af Norðurlandi hafa verið valin til þátttöku í Startup Stormi
Sjö nýsköpunarteymi af Norðurlandi hafa verið valin til þátttöku í viðskiptahraðlinum Startup Stormi sem hófst 3. október síðastliðinn. Þetta kemur fram í fréttatilkynningu frá SSNV.
Þetta er í fjórða sinn sem Startup Stormur er haldinn fyrir frumkvöðla og fyrirtæki á Norðurlandi. Hraðallinn stendur yfir í sjö vikur en hann er ætlaður frumkvöðlum, nýjum fyrirtækjum og nýsköpunarverkefnum á Norðurlandi sem eru komin af hugmyndastigi. Dagskráin er hönnuð með þarfir þátttakenda í huga en á þessu sjö vikna tímabili munu teymin hitta reynslumikla leiðbeinendur og stjórnendur fyrirtækja frá öllu landinu, sitja vinnustofur og mynda sterkt tengslanet sín á milli.
Hraðallinn er frjór vettvangur fyrir teymin til að þróa hugmyndir sínar og vörur, læra um rekstur fyrirtækja, markaðssetningu, undirbúa fjármögnun og margt fleira. Markmiðið er að hjálpa teymunum að vaxa hratt á þessum sjö vikum og á þeirra forsendum.
Þetta eru allt mjög spennandi verkefni og verður gaman að fylgjast með þeim vaxa í hraðlinum. Hraðlinum lýkur 14. nóvember með lokaviðburði.
Þátttakendur í Startup Stormi 2024 eru:
Akur Organic - Nýtt framleiðslufyrirtæki í lífrænni ræktun í Langanesbyggð.
Syðra Holt – Fjölmenningarlegt lífrænt býli sem starfar á sviði landbúnaðar, búfjárræktar, matvælaframleiðslu og lista, með það að markmiði að halda áfram að vaxa og þróa verkefnið með opnun kaffihúss (veitingahús).
Hret Víngerð – Hret víngerð þróar létt og freyðandi ávaxtavín sem bruggað er á Norðurlandi vestra úr rabarbörum af svæðinu og selt heima- og ferðamönnum um land allt.
Skynró – Hannar fatnað fyrir einstaklinga með skynúrvinnsluvanda. Flíkurnar munu sinna ólíkum skynþörfum einstaklinga með aukahlutum sem eru skynörvandi, veita ró og öryggi án þess að vera áberandi.
Kayakar – Kajakleiga þar sem þú ferð á eigin vegum. Einnig er þetta hjólaleiga með skipulagðar ferðir og matarupplifun. Fyrirtæki í stöðugri vöruþróun í afþreyingarferðamennsku.
Listakot Dóru – Söguganga í myrkri undir orðinu myrkurgæði. Það er upplifun að vera í algjöru myrkri og hafa landslagið í skugga.
Semey – Listamannadvöl á Ólafsfirði, útbúa aðstöðu og umgjörð fyrir listamenn til að iðka list og efla skapandi greinar í Fjallabyggð.
Startup Stormur er samstarfsverkefni Samtaka sveitarfélaga á Norðurlandi vestra (SSNV) og Samtaka sveitarfélaga og atvinnuþróunar á Norðurlandi eystra (SSNE).
Fleiri fréttir
-
Árlegt góðgerðarverkefni
feykir.is Skagafjörður, Austur-Húnavatnssýsla 10.10.2024 kl. 09.54Verkefnið „Jól í skókassa“er alþjóðlegt verkefni sem felst í því að fá börn jafnt sem fullorðna til þess að gleðja önnur börn sem lifa við fátækt, sjúkdóma og erfiðleika með því að gefa þeim jólagjafir. Ladies Circle í Skagafirði tekur á móti pökkum fyrir góðgerðarverkefnið „Jól í skókassa“ og í ár verður tekið á móti kössum í Safnaðarheimilinu á Sauðárkróki fimmtudaginn 24. október nk. milli klukkan 18:00 og 20:00. Kassarnir eiga að vera tilbúnir til afhendingar þegar þeim er skilað inn.Meira -
Efnilegir lagahöfundar í Húnaþingi komnir í úrslit Málæðis
feykir.is Vestur-Húnavatnssýsla, Listir og menning 09.10.2024 kl. 16.25List fyrir alla hefur staðið fyrir listatengdum verkefnum í grunnskólum á Íslandi síðustu ár. Í gær fékk hópur stúlkna í Grunnskóla og Tónlistarskóla Húnaþings vestra þær fréttir að lag sem þær höfðu samið og sent inn í keppni á vegum Listar fyrir alla hafði verið valið sem eitt af þremur lögum sem keppa til úrslita. Það var Valdimar Gunnlaugsson, tónlistarstjóri húsbandsins í skólanum, sem fékk skemmtilega upphringingu frá Hörpu Rut Hilmarsdóttur, sem ein þeirra sem er í forsvari fyrir List fyrir alla, með þessum fínu fréttum.Meira -
Loppumarkaður í Húnabúð
feykir.is Skagafjörður, Austur-Húnavatnssýsla, Vestur-Húnavatnssýsla 09.10.2024 kl. 11.20Loppumarkaður verður í Húnabúð á Blönduósi næstkomandi laugardag og sunnudag frá kl 13:00 til 17:00.Meira -
Fullkomlega óskiljanlegt|Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 09.10.2024 kl. 11.02Tólf prósent kjósenda myndi greiða Sjálfstæðisflokknum atkvæði sitt ef gengið yrði til þingkosninga nú miðað við skoðanakönnun Prósents sem birt var í Morgunblaðinu um síðustu helgi. Á sama tíma myndu 18% kjósa Miðflokkinn. Þessi þróun hefur verið í gangi um hríð en þó einkum undanfarnar vikur þar sem ekki er hægt að segja annað en að fylgi Sjálfstæðisflokksins hafi hreinlega hrunið á skömmum tíma.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.