Sæluvikan sett í dag
Í dag var lista- og menningarhátíðin Sæluvika Skagfirðinga formlega sett í Safnahúsinu á Sauðárkróki að viðstöddu fjölmenni. Ljósmyndasýning Gunnhildar Gísladóttur var opnuð af því tilefni, úrslit Vísnakeppni Safnahússins kynnt og samfélagsverðlaun Skagafjarðar voru afhent. Að þessu sinni var ákveðið að veita hjónunum Árna Stefánssyni, íþróttakennara, og eiginkonu hans, Herdísi Klausen, hjúkrunarfræðingi, samfélagsverðlaun Skagafjarðar árið 2018.
Í ávarpsorðum Gunnsteins Björnssonar, formanns atvinnu-, menningar-, og kynningarnefndar sveitarfélagsins kom fram að til marks um það frumkvöðlastarf sem þau hjón hafa unnið er að í dag þyki öllum sjálfsagt að skokka en þegar starf þeirra hófst þótti mögum skrítið að hlaupa um allt án sýnilegs tilgangs.
Starfsemi Skokkhóps Sauðárkróks má rekja aftur til ársins 1995 þar sem fjöldi fólks hefur notið leiðsagnar hans í hollri og skemmtilegri hreyfingu. Hefur hróður hópsins vakið athygli langt út fyrir Skagafjörð um árabil. „Herdís, eiginkona Árna, hefur staðið við hlið hans í Skokkhópnum allan tímann og á ekki síður en Árni þátt í því hversu öflugt starfið hefur verið,“ sagði Gunnsteinn áður en hann sæmdi þau hjón viðurkenningunni.
Vísnakeppni Safnahússins hefur verið fastur liður Sæluvikunnar frá árinu 1976 og nýtur enn vinsælda. Úrslit keppninnar í ár voru kynnt á setningunni og voru veitt verðlaun annars vegar fyrir besta botninn og hins vegar fyrir bestu vísuna. Besta botninn að þessu sinni átti Ingólfur Ómar Ármannsson og bestu vísuna, eða öllu heldur vísurnar átti Jón Gissurarson.
Botn Ingólfs Ómars er á þessa leið:
Vetur hopar vorið nær
völdum næstu daga.
Viður brumar völlur grær
vermir sólin haga.
Besta vísan, eða vísurnar mynduðu skemmtilega lýsingu á Þórði kakala.
Girtur sverði gengi hann um stræti
gullinn hjálmur þar á höfði sæti.
Kakali sér kynni ekki læti
karlinn myndi dansa ef hann gæti.
Inn til landsins fögru fjallasala
færi hann með okkur til að smala.
Kátur myndi konur einnig fala
kyssa heimasætur fram til dala.
Karlinn yrði eðal Skagfirðingur
ætíð væri þar sem Heimir syngur
Vart hann myndi hræðast glasa glingur
gjarna léki þá við hvern sinn fingur.
Ýmislegt forvitnilegt er á boðstólum alla vikuna og má sjá hér fyrir neðan nokkrar myndir dagsins.
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.