Sælkeraýsa og súkkulaðikökur á eftir
Matgæðingar vikunnar í 13. tbl. Feykis árið 2018 voru Sigríður Margrét Ingimarsdóttir, yfirþroskaþjálfi í Árskóla, og Þorgeir Gunnarsson, sölumaður í lagnadeild KS verslunarinnar Eyri. Þau gáfu lesendum girnilegar uppskriftir og sögðu að Þorgeir hefði gaman af að elda og prufa eitthvað nýtt og sæi gjarnan um að matbúa meðan Sigríður Margrét sæi frekar um eftirréttina, sem henni þykja ómissandi. Sælkeraýsuna fann Þorgeir í litlu riti frá kvenfélagi á Álftanesi og er í miklu uppáhaldi hjá honum.
AÐALRÉTTUR
Sælkeraýsa (fyrir 4-6)
800 g ýsuflök (roðlaus og beinlaus)
100 g rjómaostur
1 dl rjómi
2 tsk karrí
1 tsk Kød og grill eða annað sambærilegt
½ tsk sítrónupipar
1 stk. laukur
1 stk. paprika
4 stk. gulrætur
2 stk. gul eða græn epli
1 msk olía til steikingar
Aðferð:
Afhýðið eplin og skerið í teninga. Skerið laukinn og paprikuna í bita og gulræturnar í sneiðar. Mýkið laukinn á pönnu, bætið papriku út í og látið krauma með lauknum og að síðustu eplin og gulræturnar. Stráið karrí yfir pönnuna og látið rjómaostinn því næst bráðna á pönnunni og hellið rjómanum yfir. Skerið fiskinn í lítil stykki og leggið yfir pönnuna. Stráið Kød og grill og sítrónupipar yfir.
Látið lokið á pönnuna og sjóðið við vægan hita í 5 – 10 mínútur. Ef vill, þá má nota sósujafnara.
Meðlæti:
Hrísgrjón eða kartöflur og gott hvítlauksbrauð.
EFTIRRÉTTUR
Blautar súkkulaðikökur
140 g smjör
140 g 70% súkkulaði
2 egg
3 eggjarauður (til viðbótar)
140 g flórsykur
60 g hveiti
Aðferð:
Smjörið og súkkulaðið brætt saman yfir vatnsbaði. Eggin og eggjarauðurnar eru þeyttar saman. Flórsykrinum er bætt út í blönduna og síðan er hveitið sett saman við. Í lokin er súkkulaðiblöndunni hrært varlega saman við með sleikju.
Þetta er sett í 6-8 lítil bökunarform, smurð að innan (einnig hægt að nota pínulítil álform). Ofnhiti: 220 gráður (ekki blástur).
Þetta er sett í ofninn þegar hann er orðinn heitur. Ef deigið er við stofuhita er þetta bakað í 11-12 mínútur. Ef deigið er tekið úr kæli og bakað þá skal þetta bakast í 14 mínútur. Þegar formin eru tekin úr ofninum þá er gott að bíða í 3 mínútur, hvolfa hverju og einu á disk, þá dettur kakan léttilega úr forminu. Borið fram heitt með ís eða rjóma.
Það er hægt að búa deigið til og geyma í ískáp í nokkra daga áður en það er notað.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.