Nemendur Húnavallaskóla í vorferðalög
Þann 11. maí voru flestir nemendur Húnavallaskóla í vorferðalögum. 1.-4. bekkur tók stefnuna á Hvammstanga þar sem skoðað var Selasetrið og farið í göngutúr. Hádegismatur var snæddur í Flóðvangi.
Til stóð að fara í sund á Húnavöllum í lok ferðarinnar en þar sem veðrið var eins og best verður á kosið þá féll það niður og útileikir stundaðir í þess stað.
Hópurinn kom í Húnavelli um klukkan 15:30 og síðan var farið heim með skólabílum. 5., 6. og 7. bekkur hélt upp frá Húnavöllum klukkan 9:00 og tók stefnuna á Akureyri.
Byrjað var á að skoða Flugsafnið og eftir nestistíma voru Nonnahús og Minjasafnið á Akureyri heimsótt. Um klukkan 14:00 var haldið til Dalvíkur og byggðasafnið á staðnum heimsótt. Eftir það var afgangurinn af nestinu snæddur og síðan farið í sund á Dalvík. Dagurinn endaði síðan á pitsahlaðborði á veitingastaðnum Pitsa Vero. Haldið var heimleiðis um klukkan 19:00 um kvöldið.
8. og 9. bekkur fór í tveggja daga ferðalag þetta árið. Lagt var af stað um klukkan 9:00 mánudaginn 10. maí. ferðinni var heitið á Snæfellsnes og ekið sem leið lá vestur í Dali um Laxárdalsheiði. Áð var í Dalasýslu og snætt nesti og síðan ekið í Stykkishólm. Þar var farið í svokallaða Suðureyjaferð en það er skemmtisigling um suðureyjar Breiðafjarðar. Ferðin tók um 2 klukkustundir og 15 mínútur og var nemendum boðið upp á nýveiddan skelfisk og ígulkerjahrogn, ásamt því að skoða fjöldann allan af öðrum sjávardýrum. Í ferðinni er einnig skoðað fjölskrúðugt fuglalíf Breiðafjarðar, sérkennilegar bergmyndanir, siglt er inn í sjávarfallastrauma og ýmis sérkenni eyjanna skoðuð. Um borð var einnig pizzuhlaðborð, þar sem boðið var upp á 3 eða 4 tegundir og gos með. Eftir sjóferðina var farið í sund í Stykkishólmi en þar er mjög skemmtileg laug með rennibrautum og fleiru.
Frá Stykkishólmi var síðan ekið í náttstað í Lýsuhólsskóla sem er á sunnanverðu nesinu. Slegið var upp grilli á staðnum og eitt og annað gert til skemmtunar. Borðaður var góður morgunverður á Lýsuhóli á þriðjudagsmorguninn og ferðinni síðan haldið áfram. Ekið var í vesturátt að Búðum og Arnarstapa, þar sem umhverfið var skoðað og síðað var gengið frá Arnarstapa og yfir að Hellnum þar sem Kolbeinn bílstjóri beið með rútuna.
Þá var haldið í Dritvík og reyndu nemendur sig við steinana frægu sem þar eru. Áfram var ekið vestur fyrir Snæfellsnes og norður um, stoppað í söluskála í Ólafsvík þar sem hver keypti fyrir sig það sem hugurinn girntist. Síðan var ekið í Barnarhöfn þar sem tekið var hús á Hildibrandi Bjarnasyni og kirkjan á staðnum skoðuð sem og hákarlaverksmiðjan sem er landsfræg fyrir frábæran hákarl. Þegar þarna var komið sögu var orðið langt liðið á dag og tímabært að halda heim á leið.
Allar voru þessar ferðir mjög vel heppnaðar og veðrið nánast lék við ferðalangana. Aðfaranótt föstudagsins 14. maí halda síðan nemendur 10. bekkjar ásamt umsjónarkennara sínum og einu foreldri í hina árlegu útskriftarferð til Kaupmannahafnar. Hópurinn kemur heim um miðjan dag fimmtudaginn 20. maí og vonum við að ferðin verði vel heppnuð og öllum til ánægju.
/Húnavallaskóli
Fleiri fréttir
-
Tveimur mótum af sex lokið í Meistaradeild KS
feykir.is Skagafjörður, Íþróttir, Lokað efni 29.03.2025 kl. 12.00Meistaradeild KS í hestaíþróttum hóf göngu sína á ný í Svaðastaðahöllinni á Króknum þann 26. febrúar sl. Sjö lið eru skráð til leiks með fimm úrvals knöpum í hverju liði og var byrjað á að keppa í fjórgangi. Einnig var/verður keppt í gæðingalist, fimmgangi F1 (11. apríl), Slaktaumatölti T2 (25. apríl), 150m og gæðingaskeið (26. apríl) og Tölt T1 og flugskeið (2. maí). Liðin í ár eru Hrímnir/Hestaklettur, Hofstorfan/66°Norður, Team Lífland, Íbishóll, Þúfur, Storm Rider og Uppsteypa.Meira -
Fasteignagjöld víða hærri í landsbyggðum en á höfuðborgarsvæði
feykir.is Skagafjörður, Austur-Húnavatnssýsla, Vestur-Húnavatnssýsla 29.03.2025 kl. 10.00Byggðastofnun hefur fengið Húsnæðis- og mannvirkjastofnun (HMS) til að reikna út fasteignamat á sömu viðmiðunarfasteigninni um land allt. Viðmiðunareignin er einbýlishús sem er 161,1 m² að grunnfleti og 476 m³ á 808 m² lóð. Fasteignagjöld eru reiknuð út af Byggðastofnun samkvæmt álagningarreglum ársins 2025 eins og þær eru í hverju sveitarfélagi, út frá fasteignamatinu sem HMS reiknar og gildir frá 31. desember 2024. Útreikningar voru gerðir fyrir 103 matssvæði í 48 sveitarfélögum.Meira -
Rarik endurnýjar mæla í Húnabyggð
feykir.is Austur-Húnavatnssýsla, Vestur-Húnavatnssýsla 29.03.2025 kl. 09.00Á heimasíðu Húnabyggðar segir að í næstu viku munu starfsmenn frá Rarik hefja endurnýjun snjallmæla fyrir hita og rafmagn á Blönduósi. Haft verður samband við viðskiptavini fljótlega og upplýsingar sendar um mælaskiptin bæði með SMS skilaboðum og nánari upplýsingum í tölvupósti. Þá munu Rarik starfsmenn vera í sambandi til að finna tíma sem hentar.Meira -
Skagafjörður óskar eftir tilnefningum fyrir Samfélagsverðlaun Skagafjarðar
feykir.is Skagafjörður, Mannlíf 28.03.2025 kl. 14.59Skagafjörður óskar eftir tilnefningum fyrir Samfélagsverðlaun Skagafjarðar, en samfélagsverðlaunin eru veitt árlega einstaklingi, fyrirtæki, stofnun eða félagasamtökum í Skagafirði sem þykja standa sig afburða vel í að efla skagfirskt samfélag, segir á vef sveitarfélagsins. Verðlaun verða veitt á setningu Sæluviku sem verður í Safnahúsinu á Sauðárkróki sunnudaginn 27. apríl nk. Í fyrra hlutu hjónin Árni Björn og Ragnheiður Ásta á Hard Wok verðlaunin en nú er spurning hver verður handhafi þessara verðlauna í ár.Meira -
Opið fyrir umsóknir um framlög til verkefna á sviðið almenningssamgangna
feykir.is Skagafjörður, Austur-Húnavatnssýsla, Vestur-Húnavatnssýsla 28.03.2025 kl. 14.42Innviðaráðherra hefur opnað fyrir umsóknir um framlög til verkefna á sviði almenningssamgangna, sem veitt eru á grundvelli stefnumótandi byggðaáætlunar fyrir árin 2022-2036, aðgerð A.10 - Almenningssamgöngur á milli byggða. Markmiðið er að styðja við áframhaldandi þróun almenningssamgangna milli byggða, m.a. til að tengja ýmsa sérakstursþjónustu við almenningssamgöngur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.