Mörg mál brýnni en herbergjaskipan á Alþingi
Vísir.is greinir frá því að Gunnar Bragi Sveinsson, þingflokksformaður Framsóknarflokksins, undrast þá athygli sem herbergjaskipan á Alþingi hefur fengið að undanförnu. Hann telur mun brýnna að stjórnarflokkarnir ræði mál sem varði heimilin og fyrirtækin í landinu. Gunnar viðurkennir að herbergið er tilfinningalega tengt Framsóknarflokknum.
Að undanförnu hefur talsverið fjallað um að framsóknarmenn vilji ekki flytja úr þingflokksherbergi sem flokkurinn hefur haft til umráða í Alþingishúsinu undanfarna áratugi. Á grundvelli kosningaúrslitanna ákvað skrifstofa Alþingis að þingflokkar Vinstri grænir og Framsóknarflokkurinn hefðu herbergjaskipti. Núverandi þingflokksherbergi VG rúmar einungis níu þingmenn en flokkurinn fékk 14 þingmenn kjörna í kosningunum. Þingmenn Framsóknarflokksins eru níu.
Fóðra fjölmiðla með smámálum
„Ég held að stjórnarflokkarnir ættu að einbeita sér að mikilvægari málum heldur en að fóðra fjölmiðla með smámálum eins og um þetta tiltekna þingflokksherbergi," segir Gunnar.
Þingflokksformaðurinn vill að stjórnarflokkarnir tali minna um sátt og samlyndi og komi þess í stað fram með mál sem snerti almenning í landinu.
Gunnar segir að þingmenn framsóknarflokksins telji að vel sé hægt að leysa herbergjaskipan þingflokka í þinghúsinu án þess að framsóknarmenn yfirgefi það herbergi sem flokkurinn hafi haft í yfir tugi ára. Hann viðurkennir að herbergið er tilfinningalega tengt Framsóknarflokknum.
Vel hægt að leysa málið innanhús
„Það er enginn flokkur hafinn yfir þingið en að okkar mati er hægt að leysa málið með öðrum hætti innanhús," segir Gunnar og bendir á að Vinstri grænir hafa sýnt málinu mikinn skilning og vilji ekki endilega þetta tiltekna herbergi. „Þeir þurfa eðlilega að fá aðstöðu og á því höfum við mikinn skilning."
Vel tekið á móti nýjum þingmönnum
Gunnar er einn af fjölmörgum nýliðum á þingi. Hann segir starfsfólk Alþingis hafa tekið afskaplega vel tekið á móti sér og öðrum nýjum þingmönnum. „Okkur mætir í rauninni einstakt viðhorf meðal starfsfólks og allir eru hjálplegir við okkur sem eru að koma ný inn."
Heimild: Vísir.is
Fleiri fréttir
-
Madagascar frumsýnt í Bifröst
feykir.is Skagafjörður, Lokað efni 20.03.2025 kl. 15.05Það var líf og fjör í Bifröst á Sauðárkróki í morgun þegar blaðamaður Feykis leit inn. Þar voru krakkarnir í 10. bekk í Árskóla að gera sig klár fyrir generalprufu en þau eru að frumsýna í kvöld leikritið Madagascar í leikstjórn Sigurlaugar Vordísar Eysteinsdóttur og Eysteins Ívars Guðbrandssonar og svo var það Emelíana Lillý Guðbrandsdóttir sem hannaði dansana.Meira -
900 þús. úr Hvatasjóði til Norðurlands vestra
feykir.is Skagafjörður, Austur-Húnavatnssýsla, Vestur-Húnavatnssýsla 20.03.2025 kl. 14.57Á umfi.is segir að þrjátíu verkefni um allt land hljóta styrki upp á samtals 20,3 milljónir króna úr Hvatasjóði íþróttahreyfingarinnar. Þetta var í fyrsta skiptið sem veitt er úr sjóðnum, sem styrkir verkefni sem stuðla eiga að útbreiðslu íþróttastarfs og þátttöku allra barna á Íslandi. Næsti umsóknarfrestur verður nú í vor en alls eru 70 milljónir króna í sjóðnum árlega.Meira -
Mislitir sokkar til að fagna fjölbreytileikanum
feykir.is Skagafjörður, Austur-Húnavatnssýsla, Vestur-Húnavatnssýsla 20.03.2025 kl. 14.43Á morgun er alþjóðlegur dagur Downs-heilkennis en 21. mars ár hvert er tileinkaður heilkenninu og honum fagnað víða um heim. Allsherjarþing Sameinuðu þjóðanna samþykkti árið 2011 að 21. mars ár hvert skuli vera Alþjóðlegur dagur Downs-heilkennis en eitt barn af hverjum sjö hundruð sem fæðast í heiminum er með Downs-heilkenni.Meira -
Lára Sigurðardóttir söng sig inn á Samfés
feykir.is Skagafjörður, Austur-Húnavatnssýsla, Vestur-Húnavatnssýsla 20.03.2025 kl. 13.38Síðastliðinn föstudag, 14. mars, fór fram Norður Org, söngkeppni félagsmiðstöðva á Norðurlandi, fram í íþróttahúsinu á Sauðárkróki. Var þetta í fyrsta skipti sem þessi keppni er haldin á Króknum og voru þar samankomin um 550 ungmenni frá félagsmiðstöðvum víðsvegar af Norðurlandi til þess að fylgjast með sínum fulltrúum spreyta sig á sviðinu.Meira -
Neikvæð áhrif innviðagjalds mikil á Norðurlandi | Arnheiður Jóhannsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 20.03.2025 kl. 13.12Áhrif innviðagjalds sem lagt var á skemmtiferðaskip fyrir ferðaþjónustuna eru orðin greinileg á landinu. Áhrifanna gætir með mismunandi hætti þar sem með svo skyndilegri gjaldtöku, falla áfangastaðir úr ferðaáætlun skipanna, helst þeir sem eru lengst frá suðvesturhorninu. Þetta hefur þær afleiðingar að á meðan það verður kannski 10% samdráttur heilt yfir í höfuðborginni, þá getur orðið tugprósenta samdráttur á öðrum stöðum á landinu. Í einhverjum tilfellum stefnir í að sumir áfangastaðir missi allar skipakomur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.