Mikið byggt á Blönduósi :: Á fimmta þúsund fermetra í byggingu undir hverskonar iðnað
Á Miðholti blasir stór bygging við vegfarendum sem leið eiga um Blönduós en þar er verið að reisa 1800 fm hús fyrir verktaka og björgunarsveit. Mikið er í gangi í bænum því alls er verið að byggja ríflega 4000 fm iðnaðarhúsnæði í þrennu lagi.
Valdimar O. Hermannsson, bæjarstjóri, segir að þegar sé búið að selja öll bilin í byggingunni á Miðholti, sem séu misstór. Þarna verður blönduð starfsemi, nokkrir verktakar og björgunarsveitin. Valdimar segir að eftirspurnin hafi verið það mikil að þegar sé farið að huga að öðru húsi á sama svæði sem skipulagt er fyrir þjónustu og léttan iðnað.
Auk þessa húss er verið að byggja fyrsta hlutann af þremur fyrir framleiðslu líftæknifyrirtækisins Prótis sem nú er í eigu Vilko og Náttúrusmiðjunnar. Það sérhæfir sig í þróun, framleiðslu og sölu á lífvirku fiskprótíni úr villtum íslenskum þorski. Sá áfangi er um 440 fm en verður 1200 fm í heildina.
Á athafnasvæði gagnaversins er verið að byggja 1200 fm hús og til stendur að byggja annað eins á næsta ári. Þær byggingar eru 500 fm stærri en þau hús sem fyrir eru. Valdimar segir að rafmagnsskortur sé farinn að hamla frekari stækkun versins en til standi að funda með Landsvirkjun og Landsneti í næstu viku til að reyna að flýta því ferli. Vonir standi til að hægt verði að tengja beint við Blönduvirkjun. „Það er líka til að auka öryggið út af veðrum og slíku, að þurfa ekki að vera með dísilrafstöð við hliðina á svona umhverfisvænu gagnaveri. Það er verið að skoða hvort hægt sé að fara með þetta í jarðstreng alla leið uppeftir eða hvort það þurfi að vera sambland af jarðstreng og línu,“ segir Valdimar en hann telur að takmörk séu á að styrkja núverandi tengingar sem eru við gömlu Laxárvatnsvirkjun. „Til að auka öryggið eru óskir um að fá nýja tengingu við Blöndu,“ útskýrir hann.
Nýtt hverfi í undirbúningi
Síðustu tvö ár hafa 14 íbúðir verið í byggingu á Blönduósi, tvö fimm íbúða raðhús við Sunnubraut og Smárabraut og tvö parhús og hefur nú þegar verið flutt inn í annað þeirra. Þá segir Valdimar að verið sé að breyta stóru húsi í tvær íbúðir við Árbraut.
Meira er í pípunum hjá Blönduósbæ þar sem nýtt hverfi sem þegar er búið að deiliskipuleggja verður brátt frumsýnt en Valdimar tjáir blaðamanni að ekki verði byrjað á gatnagerð fyrr en fyrstu lóðirnar hafa selst.
Fleiri fréttir
-
Þjóðarsátt um landbúnað til framtíðar | Guðmundur Hrafn Arngrímsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 08.30Landbúnaður og matvælaframleiðsla er elsta athafnasemi íbúa landsins og önnur af mikilvægustu atvinnugreinum þjóðarinnar, ásamt sjávarútvegi. Landbúnaður er í senn undirstaða byggðar í landinu, gríðarlega mikilvægur fyrir fæðuöryggi þjóðarinnar og lífstíll þeirra sem hann stunda. Þess vegna er mikilvægt að um landbúnað og matvælaframleiðslu ríki þjóðarsátt.Meira -
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira -
Rótarýklúbburinn býður til ókeypis jólahlaðborðs í tíunda sinn
feykir.is Skagafjörður, Austur-Húnavatnssýsla, Lokað efni 21.11.2024 kl. 13.55Það styttist í aðventuna og í Skagafirði verða ljós tendruð á jólatrénu á Kirkjutorgi laugardaginn 30. nóvember. Sama dag standa Rótarýfélagar fyrir jólahlaðborði í íþróttahúsinu en þangað er öllum boðið og borða saman hangikjöt eða hamborgarhrygg og annað sem nauðsynlegt er. „Okkur Rótarýfélögum finnst þetta afskaplega gefandi, skemmtilegt og mikilvægt verkefni þar sem við sýnum í verki að við viljum láta gott af okkur leiða fyrir samfélagið,“ segir Ómar Bragi Stefánsson, forseti Rótarýklúbbs Sauðárkróks, í spjalli við Feyki.Meira -
Óvissa í kjölfar niðurstöðu héraðsdóms varðandi undanþágu frá samkeppnislögum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 11.28Héraðsdómur Reykjavíkur komst að þeirri niðurstöðu sl. mánudag að breytingar á búvörulögum, þar sem framleiðendafélögum var veitt undanþága frá ákvæðum samkeppnislaga, sem samþykktar voru á Alþingi í mars síðastliðnum, hefðu strítt gegn áskildum fjölda umræðna á Alþingi og hafi af þeim sökum ekki lagagildi. Eins og greint hefur verið frá þá keypti Kaupfélag Skagfirðinga í kjölfarið Kjarnafæði - Norðlenska og var langt komið með að kaupa B.Jensen í Eyjafirði.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.