Leggst sauðfjárslátrun af á Hvammstanga og Blönduósi?
RÚV sagði frá því í vikunni að Kaupfélag Skagfirðinga hafi llagt til við stjórn Sláturhúss Kaupfélags Vestur-Húnvetninga að slátrun verði hætt í sláturhúsinu. Þetta staðfestir Þórunn Ýr Elíasdóttir, kaupfélagsstjóri Kaupfélags Vestur-Húnvetninga í samtali við RÚV. Kaupfélag Vestur-Húnvetninga á helmingshlut í sláturhúsinu á móti KS og þarf því að samþykkja breytingarnar.
Breytingatillögurnar voru kynntar á fundi á vegum KVH á Hvammstanga sl. miðvikudag en þangað voru tveir fulltrúar KS mættir. Fundurinn mun hafa farið vel fram en eðlilega hafði fólk skoðanir á áætlununum. Þórunn segir að fulltrúaráð KVH komi saman í byrjun desember þar sem kosið verður um tillögu KS.
Sveitarstjóri Húnaþings vestra, Unnur Valborg Hilmarsdóttir, segir tillögurnar nýjar og að ekki liggi fyrir hver áhrifin verða. „Eins og þetta lítur út hefur KS áform um að flytja alla slátrun á Sauðárkrók en efla kjötvinnslu á Hvammstanga á móti. Auðvitað fela allar svona breytingar í sér einhvers konar rask, sem er kannski erfitt að leggja mat á. Við þurfum bara að skoða betur hver möguleg áhrif verða með tilliti til starfa og útsvars og annað, og eins þessa þjónustuskerðingu. Ég hef hvorki forsendur til að hafa áhyggjur af þessu né fagna því. Við verðum bara að skoða þetta aðeins betur,“ segir Unnur Valborg í viðtali við RÚV.
Þá segir í fréttinni að ekki muni fara fram sauðfjárslátrun hjá SAH Afurðum á Blönduósi á næsta ári. „SAH Afurðir ehf. eru í eigu Kjarnafæði-Norðlenska hf., sem svo aftur er í eigu Kaupfélags Skagfirðinga, sem keypti Kjarnafæði-Norðlenska í september eftir að kjötafurðastöðvar voru gerðar undanþegnar samkeppnislögum með breytingu á búvörulögum sem Alþingi samþykkti í haust,“ segir í frétt RÚV.
Fleiri fréttir
-
Látum ljósin loga í sveitunum | Álfhildur Leifsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 17.11.2024 kl. 23.06Íslenskir bændur lifa ekki af launum sínum, eru í stöðugum taprekstri og þurfa að vinna tvöfalt jafnvel þrefalt á við annað fólk. Það er mikilvægt að í nýju stuðningskerfi landbúnaðarins fái bændur mannsæmandi laun fyrir að sinna því mikilvæga samfélagshlutverki að framleiða matinn sem við hin þurfum á að halda, yrkja land og huga að umhverfinu. Matvælaframleiðsla er ekki aðeins mikilvæg fyrir heilsu almennings og efnahag, heldur einnig grundvöllur sjálfstæðis okkar sem þjóðar. Við verðum að horfast í augu við þá pólitísku staðreynd að án bænda verður enginn íslenskur landbúnaður.Meira -
Þórður Ingi er fyrsti meistari PKS
feykir.is Skagafjörður, Íþróttir, Lokað efni 17.11.2024 kl. 18.25Meistaramót karla hjá Pílukastfélagi Skagafjarðar fór fram í gær, laugardaginn 16. nóvember. Til leiks mættu 14 einbeittir félagar. Í úrslitum var það Þórður Ingi Pálmarsson sem stóð uppi sem sigurvegari og er því fyrsti meistari PKS.Meira -
Songs in the Key of Life gaf Gunnari hálfpartinn nýja sýn á tónlist / GUNNAR SIGFÚS
feykir.is Skagafjörður, Austur-Húnavatnssýsla, Tón-Lystin, Lokað efni 17.11.2024 kl. 14.58Að þessu sinni er það íbúi í Kópavogi sem svarar Tón-lystinni, Gunnar Sigfús Björnsson, bassaleikari af árgangi 1991. „Ég er fæddur á Sauðárkróki og uppalinn að miklu leyti á Varmalæk í Lýtingsstaðahrepp. Foreldrar mínir eru Björn Sveinsson frá Varmalæk og Sólveig Sigríður Einarsdóttir frá Mosfelli. Ég flutti að Mosfelli í Austur-Húnavatnssýslu fyrir grunnskóla og var í Húnavallaskóla en var þó mikið í Skagafirði líka,“ segir Gunnar Sigfús.Meira -
Glæstur sigur varnarleiksins gegn liði Grindavíkur
feykir.is Skagafjörður, Íþróttir, Lokað efni 16.11.2024 kl. 23.47Stólastúlkur héldu suður í Smárann í Kópavogi í dag þar sem gulir og glaðir Grindvíkingar biðu þeirra. Heimaliðið hafði unnið þrjá leiki af fimm en lið Tindastóls tvo af fimm í fyrstu umferðunum en síðast fengu stelpurnar okkar yfir 100 stig á sig gegn liði Þórs. Það mátti því reikna með að varnarleikur hafi verið undirbúinn og það var ekki laust við að liðin lagt mikið púður í varnarleikinn. Það voru Stólastúlkur sem leystu sín mál betur og þær náðu í einn sigur til viðbótar. Lokatölur 57-68 fyrir Tindastól.Meira -
„Ef þetta er það fyrsta þá held ég að við eigum von á góðu!“ segir Vigdís Hafliða
feykir.is Vestur-Húnavatnssýsla, Listir og menning, Lokað efni 16.11.2024 kl. 16.00Jú, Dagur íslenskrar tungu er í dag og Málæði er í Sjónvarpinu í kvöld en eins og hefur komið fram á Feykir.is þá eiga bæði Grunnskólinn austan Vatna og Grunnskóli Húnaþings vestra lag í þriggja laga úrslitum. GDRN söng lag þeirra austan Vatna en það var hins vegar Vigdís Hlöðversdóttir sem söng lag stúlknanna í Húnaþingi vestra, Hringiða. Feykir sendi Vigdísi nokkrar spurningar í dag og hún gaf sér tíma til að svara þeim í miðjum afmælisundirbúningi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.