Lá beint við að fara að vinna við áhugamálið
Fyrirtækið JRJ Jeppaferðir var stofnað þann 16. desember 1995 og eru því nákvæmlega 25 ár liðin frá stofnun þess. Eigandi og stofnandi fyrirtækisins er Jóhann R. Jakobsson sem hefur stýrt því frá upphafi. Feykir náði tali af Jóhanni í því skyni að forvitnast um starfsemi fyrirtækisins og tilurð þess.
JRJ jeppaferðir voru stofnaðar með það að tilgangi að kynna ferðamönnum Ísland. „Ég hafði rekið JRJ Bifreiðasmiðju frá árinu 1978 til 1995 í Varmahlíð en þá var sú iðngrein að líða undir lok vegna innflutnings á fullbúnum bílum,“ segir Jóhann. „Ferðmennskan er baktería sem fylgdi mér úr föðurhúsum. Fyrsta jeppann, rússajeppa, eignaðist ég 17 ára, árið 1967. Þá byrjaði það ævintýri að ferðast fyrir alvöru, hver stund var notuð. Það voru kannski teknar 2-3 vikur á hálendinu að sumarlagi með félögunum og vetrarferðir inn á Hveravelli, inn í Þórsmörk og páskaferðir í Öræfasveit, sem voru ógleymalegir túrar. Á þessum tímum voru aðstæður til ferðalaga allt aðrar en í dag. Það er dýrmætt nesti í reynslubankann að hafa kynnst landinu ósnortnu. Á þessum tímum voru fáir að ferðast og maður varð bara að bjarga sér ef eitthvað kom fyrir.“
Jóhann segir að þegar hann hafi hætt með Bifreiðasmiðjuna hafi því legið beint við að fara að vinna við áhugamálið og segir að það að geta sýnt ferðamönnum hálendi Íslands séu mikil forréttindi. „Það tekur tíma að vinna markað í þessum bransa. Ég ákvað í upphafi að markaðssetja eingöngu á netinu og hef haldið mig við það, vissi að það væri framtíðin í ferðabransanum.“
Rekur einnig gistiheimili
Jóhann segir að hann hafi snemma farið að bjóða upp á ferðir fyrir Íslendinga sem hafi verið vel tekið þar sem ekki eigi allir þess kost að ferðast um hálendið á eigin vegum. Í dag býður fyrirtækið upp á fjórar dagsferðir frá Reykjavík og fjórar dagsferðir frá Egilsá og Akureyri. „Við hönnuðum sér ferð fyrir íslenskan markað, hálendisferð, þar sem farið er úr Skagafirði upp í Laugarfell, um Sprengisand, Gæsavatnaleið og Holuhraun í Öskju og Herðubreið og þaðan í Mývatnssveit. Þetta er langvinsælasta ferðin okkar og í júlí á næsta ári verður ferð númer 60 farin.“
JRJ jeppaferðir bjóða ekki eingöngu upp á ferðalög heldur rekur Jóhann gistiheimili sem hefur verið vel tekið af viðskiptavinum. „Árið 2010 ákvað ég að bæta í og fyritækið flutti starfsemina að Egilsá í Akrahreppi. Nú er þar Gistihúsið Himnasvalir sem hefur fengið frábærar viðtökur frá upphafi. Síðasta sumar opnuðum við svo tjaldsvæði. Ennig trússum við gönguhópa um allt land og bjóðum upp á sérferðir fyrir hópa og fyrirtæki eftir þeirra óskum og aðstoðum við skipulagningu. Við lítum björtum augum á framtíðina og erum með í undirbúningi að stofna JRJ Ferðaskrifstofu til að eiga meiri tækifæri næstu árin,“ segir Jóhann að lokum.
Allar upplýsingar um þjónustu fyrirtækisins má nálgast á www.jeppaferdir.is og www.jrjsuperjeep.is fyrir erlendan markað.
Viðtalið birtist í 48. tbl. Feykis, 16. desember 2020.
Fleiri fréttir
-
Metfjöldi nemenda í sögu skólans
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 21.09.2024 kl. 09.00Á þessari haustönn hófu 800 nemendur nám við Fjölbrautaskóla Norðurlands vestra að fjarnemum meðtöldum og er þetta metfjöldi í sögu skólans. Skólinn býður upp á afar fjölbreytt nám bæði bóklegt og verklegt. Boðið er upp á fimm námsbrautir til stúdentsprófs, sex iðnnámsbrautir og sex starfsnámsbrautir auk starfsbrautar. Það nýjasta í þessum efnum er nám í bifvélavirkjun, rafveituvirkjun og kvikmyndagerð. Feykir hafði samband við Þorkel V. Þorsteinsson, Kela, aðstoðarskólameistara FNV og lagði fyrir hann örfáar spurningar.Meira -
Ljósleiðaravæðing landsins undirrituð
feykir.is Skagafjörður, Austur-Húnavatnssýsla, Vestur-Húnavatnssýsla 20.09.2024 kl. 15.37Háskóla-, iðnaðar- og nýsköpunarráðherra og innviðaráðherra staðfestu í gær samninga fjarskiptasjóðs við 25 sveitarfélög um að ljúka ljósleiðaravæðingu landsins fyrir árslok 2026. Lengi hefur ríkt óvissa um hvort, og þá hvenær, mörg þúsund lögheimili í þéttbýli um land allt munu eiga kost á háhraðanetsambandi, sem er mikilvægt öryggismál og undirstaða nútíma búsetugæða. Með þessum samningum er sú óvissa ekki lengur fyrir hendi.Meira -
Á himni lækkar sólin
feykir.is Skagafjörður, Austur-Húnavatnssýsla, Vestur-Húnavatnssýsla 20.09.2024 kl. 13.27Ekki getum við kvartað undan veðrinu í dag! Eftir talsverðan veðurhasar síðustu vikur þar sem skipst hafa á skin og skúrir – en þó aðallega skúrir – þá virðast rólegheitin ætla að verða aðal heitin næstu daga. Vindurinn virðist hafa lagst til hvíldar, í það minnsta kominn í langt helgarfrí, en hitastigið næstu fjóra daga virðist eiga að rokka á milli 0-10 gráður að meðaltali.Meira -
Stólarnir spila undanúrslitaleik á Reyðarfirði á morgun
feykir.is Skagafjörður, Íþróttir 20.09.2024 kl. 11.26Karlalið Tindastóls er ekki enn alveg komið í frí frá fótboltanum en strákarnir spila á morgun, laugardaginn 21. september, við lið KFA í Fjarðabyggðarhöllinni á Reyðarfirði í undanúrslitum Fótbolta.net bikarsins. „Leikurinn leggst mjög vel í okkur, erum búnir að bíða í tvær vikur svo menn eru klárir í þetta,“ sagði Sverrir Hrafn Friðriksson, fyrirliði Tindastóls, þegar Feykir hafði samband.Meira -
Þetta er ekki allt að koma með fjárlagafrumvarpinu | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 20.09.2024 kl. 10.50Fjárlagafrumvarp næsta árs var lagt fram á Alþingi í sl. viku. Fjármálaráðherra kynnti það undir yfirskriftinni „Þetta er allt að koma“. Af frumvarpinu má ráða að við eigum að bíða frekari áhrifa stýrivaxta Seðlabankans og vona að verðbólgumarkmiði bankans um 2,5% árlega verðbólgu verði náð sem er óvíst. Ríkisfjármálunum er ekki beitt markvisst til að ná niður verðbólgu, hvorki til að draga úr þenslu og peningamagni í umferð né til að mæta mikilli eftirspurn eftir húsnæði á viðráðanlegu verði á tímum fordæmalausrar íbúafjölgunar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.