Að lifa eins og blóm í eggi | Leiðari 34. tbl. Feykis
„Nei Óli, dreptu mig ekki!!!“ söng í einum starfsmanni Nýprents fyrir nokkrum dögum. „Jahérna, er hann þá svona!?“ gætu lesendur leiðara Feykis hugsað þegar þeir lesa þetta.
Þó oft sé talað um venjulegt fólk þá er kannski enginn venjulegur – engir eru alveg, alveg eins, ég held að það sé staðreynd. Það sem einum þykir venjulegt þykir einhverjum öðrum afar spes.
Undirritaður hefur alla ævi búið í foreldrahúsum. Það var ekki normið í mínum árgangi en ku vera að komast pínu í tísku – kannski ekki endilega valkvætt. Mér hefur líka alltaf þótt óskaplega fínt ef einhverjir hafa verið til í að redda einu og öðru fyrir mig ef ég er ekki 100% viss um hvernig á að gera hlutina. Lyklalausir bílar og Apple-tölvur eru dæmi um snilld í mínum augum – jafnvel örbylgjuofnar.
Eitt af því sem ég hef ekki mikið þurft að hugsa um er að elda mat. Það bara þróaðist þannig. Í gamla daga var mamma alltaf heima, hún sá um að elda og vildi allt spikk og span í sínu eldhúsi. Einn bakstursdagur hjá bróðir mínum varð til þess að hún vildi helst ekkert að við værum að flækjast þar. Hún var samt fegin þegar pabbi komst á aldur, hætti að vinna, og þar sem hann var vanur að vera undir stýri þá tók hann við stjórninni í eldhúsinu. Hann hafði unnið í kjötbúðinni hjá Sveini Guðmunds í gamla daga og stundum dregið kjötiðnaðarmanninn og vísnaskáldið Halla Hjálmars að landi þegar hugur hans var ekki við kjötfars- og bjúgnagerð. Hann var því vanur maður.
„En hvað með þetta í byrjun leiðarans, þetta virtist stefna í eitthvað spennandi?“ spyr kannski einhver. Það er hinsvegar ekki alltaf allt sem sýnist. „Nei Óli, dreptu mig ekki!!!“ Þessi upphrópun í upphafi leiðarans var ekki vegna þess að ritstjóri ógnaði samstarfsmanni – það var annar tónn í þessari upphrópun. Þessa dagana býr ritstjórinn einn heima og það kallar á nýjar áskoranir. Ástæðan fyrir upphrópuninni í byrjun leiðarans var sú að ég viðurkenndi fyrir samstarfsfólkinu að ég hefði daginn áður brotið egg í fyrsta skipti í 38 ár, eða frá því í heimilisfræði hjá Önnu Rósu í þánefndum 9. bekk.
Ég semsagt steikti beikon og spældi egg alveg sjálfur. Þetta tókst svo vel að ég gerði gúrme eggjaköku í síðustu viku. Helvíti var hún góð.
Óli Arnar Brynjarsson,
ritstjóri
Fleiri fréttir
-
„Bara“ kennari | Álfhildur Leifsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 17.09.2024 kl. 16.02„Núna er nóg“ var sagt fyrir síðustu kjarasamninga kennara. En það „núna“ sem var þá, var ekki góður tími. Alveg eins og samningarnir þar áður voru líka á slæmum tíma fyrir samfélagið. Og kennarar svona samfélagsvænir, gáfu eftir. Gerðu stutta samninga með litlum kjarabótum.Meira -
Ítrekuðu kröfu um byggðakvóta og takmörkun á dragnótaveiðum
feykir.is Skagafjörður 17.09.2024 kl. 15.41Aðalfundur Drangeyjar – smábátafélags Skagafjarðar var haldinn 11. september síðastliðinn. Samþykktu fundarmenn tíu ályktanir og meðal annars var ítrekuð krafa um takmörkun á dragnótaveiðum á Skagafirði í samræmi við fyrra fyrirkomulag veiðanna, þ.e. að svæðinu innan línu úr Ásnefi í vestri í Þórðarhöfða/Kögur í austri verði lokað fyrir veiðum með dragnót. Þá leggur Drangey áherslu á að byggðakvóta í Skagafirði verði einungis úthlutað dagróðrabáta sem eru minni en 30 brt.Meira -
Staða slökkviliðsstjóra hjá Brunavörnum Húnaþings vestra auglýst
feykir.is Vestur-Húnavatnssýsla 17.09.2024 kl. 15.36Húnaþing vestra leitar á ný að drifandi leiðtoga í starf slökkviliðsstjóra Brunavarna Húnaþings vestra en nú er nánast slétt ár síðan Valur Freyr Halldórsson var ráðinn til eins árs í starfið. Hann hafði áður starfað hjá Slökkviliði Akureyrar í 21 ár.Meira -
Sendiherra ESB heimsótti Byggðastofnun í morgun
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 17.09.2024 kl. 15.06Sendiherra ESB á Íslandi, Clara Ganslandt, heimsótti Byggðastofnun ásamt fylgdarliði í morgun en þau voru mætt á Krókinn til að kynna sér starfsemi stofnunarinnar. Hópurinn er á ferðalagi um landið í tilefni þess að 30 ár eru síðan samningur um EES tók gildi og er að kynna samstarfsáætlanir ESB á sviði menntunar, menningar, rannsókna, nýsköpunar og æskulýðsstarfs.Meira -
Flugvöllurinn á Blönduósi kominn í notkun á ný
feykir.is Austur-Húnavatnssýsla 17.09.2024 kl. 14.27„Við erum rosalega ánægð með að viðgerðir á flugvellinum séu loksins orðnar að veruleika,“ sagði Guðmundur Haukur Jakobsson, oddviti Húnabyggðar, við Feyki þegar hann var spurður hvort búið væri að taka flugvöllinn á Blönduósi í gagnið að nýju eftir lagfæringar og lagningu slitlags.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.