Katrín Jakobsdóttir veitir styrki til vinnustaðanáms í fyrsta skiptið
Í dag mun Katrín Jakobsdóttir mennta- og menningarmálaráðherra sem nýkomin er til starfa aftur eftir fæðingarorlof, afhenda í fyrsta sinn vilyrði fyrir styrkjum til vinnustaðanáms. Um er að ræða styrki til fyrirtækja eða stofnana sem taka nemendur í vinnustaðanám og starfsþjálfun á vinnustað á grundvelli aðalnámskrár framhaldsskóla.
Þetta er í fyrsta skipti sem hið opinbera styrkir fyrirtæki eða stofnanir fjárhagslega til þess að taka við nemendum og er vonast til þess að þetta muni greiða fyrir því að starfsnámsnemendur geti lokið tilskilinni starfsþjálfun á vinnustað.
Um langt árabil hafa samtök á vinnumarkaði verið þess hvetjandi að fyrirtæki fengju greidda þóknun fyrir að taka við nemendum og annast þá kennslu eða þjálfun sem fram fer á vinnustað og er skilyrði fyrir því að nemendur fái lokið starfsnámi að fullu. Menntamálaráðuneytið stóð fyrir tilraun um vinnustaðanám á árunum 2004-2005 sem gaf góða raun og var það niðurstaða starfshóps, sem hafði umsjón með tilrauninni, að æskilegt væri að jafna kostnað fyrirtækja við vinnustaðanám. Í greinargerð með frumvarpi til laga um framhaldsskóla 2007, sem varð að lögum 2008, er nefnd þörfin á að koma á sjálfstæðum sjóði til að tryggja vinnustaðanámi framgang. Styrkir til vinnustaðanáms tíðkast meðal grannþjóða okkar, svo sem í Noregi og í Danmörku.
Nokkuð hefur borið á því í efnahagsþrengingum undangenginna ára að nemendur hafi átt erfitt með að komast á námssamning og ljúka námi sínu. Með styrkjum til vinnustaðanáms er leitast við að hvetja fyrirtæki og/eða stofnanir til þess að taka við nemendum í starfsþjálfun og gera þeim kleift að ljúka starfsnámi sínu.
Mennta- og menningarmálaráðuneytið auglýsti eftir umsóknum um styrki til vinnustaðanáms hinn 25. ágúst sl. 65 umsóknir bárust frá fyrirtækjum og stofnunum og verður unnt að úthluta 57 m.kr. í styrki til umsækjenda og munu um 170 nemendur njóta góðs af. Í framhaldinu er ætlunin að koma á laggirnar sérstökum vinnustaðanámssjóði. Ríkisstjórnin hefur ákveðið að verja 450 m. kr. til vinnustaðanáms árin 2012-2014. Skipuð hefur verið sérstök nefnd sem mun fyrir árslok 2011 skila tillögum um sjóð er hafi það hlutverk að efla vinnustaðanám og koma til móts við kostnað fyrirtækja og stofnana sem annast kennslu eða þjálfun starfsnámsnemenda.
Fleiri fréttir
-
Metfjöldi nemenda í sögu skólans
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 21.09.2024 kl. 09.00Á þessari haustönn hófu 800 nemendur nám við Fjölbrautaskóla Norðurlands vestra að fjarnemum meðtöldum og er þetta metfjöldi í sögu skólans. Skólinn býður upp á afar fjölbreytt nám bæði bóklegt og verklegt. Boðið er upp á fimm námsbrautir til stúdentsprófs, sex iðnnámsbrautir og sex starfsnámsbrautir auk starfsbrautar. Það nýjasta í þessum efnum er nám í bifvélavirkjun, rafveituvirkjun og kvikmyndagerð. Feykir hafði samband við Þorkel V. Þorsteinsson, Kela, aðstoðarskólameistara FNV og lagði fyrir hann örfáar spurningar.Meira -
Ljósleiðaravæðing landsins undirrituð
feykir.is Skagafjörður, Austur-Húnavatnssýsla, Vestur-Húnavatnssýsla 20.09.2024 kl. 15.37Háskóla-, iðnaðar- og nýsköpunarráðherra og innviðaráðherra staðfestu í gær samninga fjarskiptasjóðs við 25 sveitarfélög um að ljúka ljósleiðaravæðingu landsins fyrir árslok 2026. Lengi hefur ríkt óvissa um hvort, og þá hvenær, mörg þúsund lögheimili í þéttbýli um land allt munu eiga kost á háhraðanetsambandi, sem er mikilvægt öryggismál og undirstaða nútíma búsetugæða. Með þessum samningum er sú óvissa ekki lengur fyrir hendi.Meira -
Á himni lækkar sólin
feykir.is Skagafjörður, Austur-Húnavatnssýsla, Vestur-Húnavatnssýsla 20.09.2024 kl. 13.27Ekki getum við kvartað undan veðrinu í dag! Eftir talsverðan veðurhasar síðustu vikur þar sem skipst hafa á skin og skúrir – en þó aðallega skúrir – þá virðast rólegheitin ætla að verða aðal heitin næstu daga. Vindurinn virðist hafa lagst til hvíldar, í það minnsta kominn í langt helgarfrí, en hitastigið næstu fjóra daga virðist eiga að rokka á milli 0-10 gráður að meðaltali.Meira -
Stólarnir spila undanúrslitaleik á Reyðarfirði á morgun
feykir.is Skagafjörður, Íþróttir 20.09.2024 kl. 11.26Karlalið Tindastóls er ekki enn alveg komið í frí frá fótboltanum en strákarnir spila á morgun, laugardaginn 21. september, við lið KFA í Fjarðabyggðarhöllinni á Reyðarfirði í undanúrslitum Fótbolta.net bikarsins. „Leikurinn leggst mjög vel í okkur, erum búnir að bíða í tvær vikur svo menn eru klárir í þetta,“ sagði Sverrir Hrafn Friðriksson, fyrirliði Tindastóls, þegar Feykir hafði samband.Meira -
Þetta er ekki allt að koma með fjárlagafrumvarpinu | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 20.09.2024 kl. 10.50Fjárlagafrumvarp næsta árs var lagt fram á Alþingi í sl. viku. Fjármálaráðherra kynnti það undir yfirskriftinni „Þetta er allt að koma“. Af frumvarpinu má ráða að við eigum að bíða frekari áhrifa stýrivaxta Seðlabankans og vona að verðbólgumarkmiði bankans um 2,5% árlega verðbólgu verði náð sem er óvíst. Ríkisfjármálunum er ekki beitt markvisst til að ná niður verðbólgu, hvorki til að draga úr þenslu og peningamagni í umferð né til að mæta mikilli eftirspurn eftir húsnæði á viðráðanlegu verði á tímum fordæmalausrar íbúafjölgunar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.