Illviðri í kortunum og ekkert ferðaveður á morgun
Gul veðurviðvörun er í gildi sem stendur á Norðurlandi vestra en að þessu sinni er það nú aðallega stíf suðvestan átt sem lætur til sín taka. Viðvörunin fellur niður upp úr hádegi í dag en þegar líða tekur á daginn fer að rigna. Það lægir aðeins með kvöldinu en veður fer síðan versnandi þegar líður að hádegi á morgun, föstudag, og reiknað með stífri norðvestan átt og snjókomu þegar líður á daginn – í raun er spáð illviðri á landinu en sínu verst virðist veðrið eiga að vera austan Tröllaskaga.
Sem stendur gerir Veðurstofan ráð fyrir gulri viðvörun á Norðurlandi vestra frá hádegi á morgun og fram á laugardagsmorgun. πNorðvestan og norðan hvassviðri eða stormur, 18-23 m/s með snjókomu og lélegu skyggni. Miklar líkur á samgöngutruflunum. Ekkert ferðaveður,“ segir í spá Veðurstofunnar.
Spáin fyrir helgina er talsvert skaplegri en reikna má með að snemma á laugardagsmorgni rigni ofan í nýfallinn snjóinn en þegar kemur fram yfir hádegi gengur vindur niður og eins og Valdimar og Memfismafíana hafa bent á, þá styttir alltaf upp, og þannig virðist það verða á laugardaginn. Hitinn fer síðan niður fyrir frostmark á ný og það má reikna með vetrarveðri upp úr helginni en þó ekki sjáanlegur neinn ofsi í kortunum.
Fleiri fréttir
-
Verið að hnýta lausa enda á kaupum KS á B.Jensen
feykir.is Skagafjörður, Lokað efni 14.11.2024 kl. 19.39Vefsíðan Akureyri.net segir frá því að Kaupfélag Skagfirðinga sé að kaupa fjölskyldufyrirtækið B.Jensen sem rekur sláturhús, kjötvinnslu og verslun á mótum Hörgársveitar og Akureyrar. Vefurinn hefur eftir Ágústi Torfa Haukssyni, framkvæmdastjóra Kjarnafæðis - Norðlenska, sem KS keypti fyrr á árinu, að samningar liggi í raun fyrir en verið sé að hnýta lausa enda.Meira -
Atkvæðagreiðsla utan kjörfundar vegna kosninga til Alþingis 30. nóvember 2024
feykir.is Skagafjörður, Austur-Húnavatnssýsla, Vestur-Húnavatnssýsla 14.11.2024 kl. 15.02Atkvæðagreiðsla utan kjörfundar vegna kosninga til Alþingis þann 30. nóvember 2024 er hafin. Greiða má atkvæði utan kjörfundar á kjörstöðum innan umdæmisins sem hér segir: Blönduósi, aðalskrifstofu, Hnjúkabyggð 33, Blönduósi, virka daga, kl. 09:00 - 15:00. Sauðárkróki, sýsluskrifstofu, Suðurgötu 1, Sauðárkróki, virka daga, kl. 09:00 - 15:00. Hvammstanga, ráðhúsi Húnaþings vestra að Hvammstangabraut 5, Hvammstanga, mán - fimmtudaga kl. 10:00 - 14:00 og fös kl. 10:00 - 12:00. Skagaströnd, stjórnsýsluhúsi að Túnbraut 1-3, Skagaströnd, mán - fimmtudaga kl. 09:00 - 12:00 og 13:00 - 15:00, föstudaga kl. 09:00 – 12:00.Meira -
Fjórir knapar af Norðurlandi vestra í landsliðshópunum
feykir.is Skagafjörður, Íþróttir, Vestur-Húnavatnssýsla, Lokað efni 14.11.2024 kl. 13.26Landsliðsþjálfarar Íslands í hestaíþróttum hafa kynnt landsliðshópa sína fyrir komandi tímabil. Á næsta ári er stóra verkefni landsliðsins HM íslenska hestsins í Sviss. Í hópunum eru tveir fulltrúar frá hestamannafélaginu Skagfirðingi og sömuleiðis tveir frá Hestamannafélaginu Þyt í Vestur-Húnavatnssýslu.Meira -
Viðamikil dagskrá á Menningarkvöldi NFNV
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 14.11.2024 kl. 10.26Það stendur mikið til hjá Nemendafélagi FNV en hið rómaða Menningarkvöld verður haldið í íþróttahúsinu á Sauðárkróki annað kvöld, föstudaginn 15. nóvember. Dagskráin hefst kl. 19:15 og meðal atriða verða búningakeppni, Lip Sync-keppni, stuttmyndakeppni og síðast en ekki síst fer undankeppni Söngkeppni framhaldsskólanna fram á Menningarkvöldi en það er nýbreytni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.