Hvað er þetta maður, helduru að þetta sé einhver spíttkerra?
Hver er maðurinn? Sighvatur Daníel Sighvatz.
Hverra manna ertu ? Sonur Hvata á stöðinni.
Árgangur eða árangur? Að hafa viðhaldið fjölskyldu hefðinni sem er að vinna við símavinnu.
Hvar elur þú manninn í dag ? Í paradís sem heitir Fellabær og er á Austurlandi.
Fjölskylduhagir? Er vel giftur.
Afkomendur? Á eina uppkomna dóttur sem er gift og eitt barnabarn.
Helstu áhugamál? Ferðalög, félagsstörf, björgunarstörf og syngja í karlakór.
Við hvað starfar þú? Að leggja og gera við símalagnir inni sem úti.
Hraðaspurningar, þær virka þannig að þú botnar upphaf setninga með því fyrsta sem þér dettur í hug.
Heima er .....................nóg að gera.
Það er gaman.........................að fara í göngur og réttir með Andrési í Tungu.
Ég man þá daga er........................sveitasíminn var til og enginn GSM sími.
Ein gömul og góð sönn saga..................það var einn júlí morgunn, frekar seint á síðustu öld, er við í línuflokknum sátum á pósthúströppunum og biðum eftir brottfararplani að Þórður kom út og sagði að nú færum við út á Skaga að þétta línuna á milli Kleifs og Ketu og hafi Pálmi Friðriks lagt á stað rétt fyrir klukkan sjö á gröfunni. Þá var stokkið til og hent nokkrum 7m símastaurum upp á pallinn á VOLVOböss eins og K-497 var kallaður þá og síðan drifum við okkur á stað. Þegar við vorum að koma í brekkuna rétt utan við Hafragil tókum við fram úr Pálma og nú var VOLVOinn staðinn alla leið út fyrir Kleif þar sem fyrsti staurinn átti að fara niður. Eftir dágóða stund eða þegar sumir höfðu náð góðum blund (hrotið) hrökk Þórður gamli upp og spurði afhverju Pálmi komi ekki, þá heyrðist úr bílstjórasætinu þar sem Svanur sat, hvað er þetta maður helduru að þetta sé einhver spíttkerra sem hann er á við getum alveg verið slakir eitthvað lengur drengir, ekki þóttist Þórður heyra þetta og stóð upp og sagði hátt og skírt ! Jæja strákar við skulum koma út og flýta fyrir gröfunni, já það voru bara harðir naglar sem komust í loftlínuflokkinn hans Þórðar frænda.
Spurt frá síðasta viðmælanda.................... Er það rétt að það sé arfgengt að vinna að framförum í símamálum?
Svar............já það má alveg segja það.
Hvern villt þú sjá svara þessum spurningum og hvaða spurningu myndir þú leggja fyrir viðkomandi?
Nafn.............Tryggvi Jónsson Frá Dæli.
Spurningin er..................Er hægt að hætta að vera hestamaður ?
Fleiri fréttir
-
Lakkrístopparnir sívinsælu urðu til í eldhúsi á Sauðárkróki
feykir.is Skagafjörður, Lokað efni 22.12.2024 kl. 09.00Arndís María Einarsdóttir er fædd og uppalin á Sauðárkróki. Dóttir Einars Einarsonar sem lengi var kenndur við Steinullarverksmiðjuna og sem gaman er að bæta við að er sonur hjónanna Einars og Dísu í verslunni Vísi á Blönduósi sem þá var og hét. Mamma hennar er Hrefna Guðmundsdóttir sem er í raun ástæða þess að Feykir hafði samband við Arndísi. Arndís bjó á Sauðárkróki fram að 18 ára aldri en flutti þá á höfuðborgarsvæðið þar sem hún býr enn ásamt eiginmanni sínum, Birgi Erni Strange, og þremur börnum; Ara Hrafni, Unu Lind og Yrsu Ýri.Meira -
Elísa Bríet er íþróttamaður ársins hjá USAH
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 20.12.2024 kl. 17.21Elísa Bríet Björnsdóttur, fótboltakona frá Skagaströnd, var í gær kjörin íþróttamaður ársins 2024 hjá Ungmennasambandi Austur-Húnvetninga. Kjörinu var lýst við hátíðlega athöfn í Félagsheimilinu á Blönduósi að viðstöddu fjölmenni. Elísa leikur með meistaraflokki Tindastóls. Hún gerði fyrr á árinu þriggja ára samning við félagið og hefur staðið sig frábærlega, segir á huni.isMeira -
María Dögg Jóhannesdóttir Íþróttamaður Skagafjarðar
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 20.12.2024 kl. 17.19Árleg uppskeruhátíð UMSS var haldin hátíðleg fimmtudagskvöldið 19. desember í Húsi frítímans að viðstöddu margmenni. Þar voru veitt hvatningarverðlaun fyrir ungt og efnilegt íþróttafólk, styrkir veittir úr Afrekssjóði UMSS og landsliðsfólki UMSS veittar viðurkenningar. Hápunktur hátíðarinnar var þegar lið ársins, þjálfari ársins og íþróttamaður ársins voru tilkynnt og að þessu sinni var kvennalið Körfuknattleiksdeildar Tindastóls valið lið ársins. Finnbogi Bjarnason var valinn þjálfari ársins og Íþróttamaður ársins í Skagafirði 2024 er María Dögg Jóhannesdóttir frá Knattspyrnudeild Tindastóls en hún hefur leitt lið Tindastóls í efstu deild þar sem Tindastóll er komið til að vera.Meira -
Húnaþing vestra tekur þátt í rafrænu geðheilsuátaki
feykir.is Skagafjörður, Austur-Húnavatnssýsla, Vestur-Húnavatnssýsla 20.12.2024 kl. 09.15Húnaþing vestra hefur gert samkomulag við Mental ráðgjöf um þátttöku í rafrænu geðheilsuátaki sem nær til starfsfólks sveitarfélagsins. Á vefnum huni.is segir að sveitarfélagið sé fyrsti vinnustaðurinn á Íslandi til að taka rafræna átakið í notkun, að því er segir á vef þess. Með þátttökunni vill það sýna skýra skuldbindingu sína til að setja geðheilbrigði á vinnustað rækilega á dagskrá með því að auka vitund og veita fræðslu um geðheilbrigði fyrir allt starfsfólks sveitarfélagsins. Hjá Húnaþingi vestra starfa um 115 manns á níu starfsstöðvum.Meira -
Rótarýklúbbur Sauðárkróks lætur gott af sér leiða
feykir.is Skagafjörður 19.12.2024 kl. 12.04Rótarýklúbbur Sauðárkróks heldur áfram að láta gott af sér leiða og afhenti nýlega Fjölskylduhjálp Skagafjarðar kr. 1.000.000.-Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.