Hreinsi með 9 þriggja stiga körfur
Strákarnir í unglingaflokki héldu sér inni í baráttunni um sæti í úrslitakeppninni í körfubolta þegar þeir gerðu sér lítið fyrir og sigruðu topplið Hauka í Síkinu á dögunum.Var þetta í annað sinn í vetur sem Tindastóll leggur þetta sterka lið að velli.
Staða eftir leikhlutum: 21:11, 39:35, 57:51, 75:64.
Leikurinn hófst með mikilli flugeldasýningu frá Hreinsa, en hann var búinn að setja 3 þriggja stiga körfur eftir 4 mínutur. Góður varnaleikur fylgdi svo í kjölfarið og Tindastóll kominn með 10 stiga forystu í lok leikhlutans.
2. leikhluti hófst á svipuðum nótum, með góðri hittni fyrir utan þriggja stiga línuna og fyrirmyndar varnarleik náðu heimamenn að auka enn við forskotið. En í stöðunni 36-19 fóru Haukar að spila pressuvörn, sem svínvirkaði fyrir þá og þeir kláruðu leikhlutann 16-3 og stefndi í spennandi síðari hálfleik.
3. leikhluti var svo í járnum, Haukar héldu áfram að spila pressuvörn, en Tindastóll ávallt skrefinu á undan og voru sem fyrr í leiknum að hitta vel úr þriggja stiga skotunum.
Haukar byrjuðu 4. leikhluta mun betur. Eftir 5 mínútna leik höfðu þeir skorað 12 stig en Tindastóll einungis 3, sem öll höfðu komið af vítalínunni, og staðan orðin 60-63. En þá hnykkluðu heimamenn vöðvana og kláruðu leikinn 15-1 og því öruggur 11 stiga sigur í höfn.
Eftir þennan leik er staðan á efstu liðum þannig. Haukar (12 sigrar/3 töp), Keflavík (9/5), Njarðvík (9/3), Tindastóll (9/4), Valur (9/3)
Eins og sést er frekar misjafnt á milli efstu liða hversu marga leiki þau hafa spilað, en til glöggvunar má benda á að hvert lið leikur 16 leiki á tímabilinu.
Um næstu helgi eru svo síðustu útileikir unglingaflokks í deildarkeppninni. Á laugardeginum mæta þeir Fjölni, og svo er stórleikur við Valsmenn á sunnudeginum.
Stigaskor Tindastóls:
Hreinn Birgisson 31 (9 þriggja stiga)
Einar Einarsson 12
Sigmar Björnsson 11
Halldór Halldórsson 6
Þorbergur Ólafsson 6
Hákon Bjarnason 5
Loftur Eiríksson 4
Stigaskor Hauka
Örn Sigurðarson 32
Steinar Arason 10
Emil B 9
Arnar Kristinsson 6
Alex Ívarsson 5
Kristinn Magnússon 2
Fleiri fréttir
-
Bláa boðinu frestað !
feykir.is Skagafjörður, Austur-Húnavatnssýsla, Vestur-Húnavatnssýsla 19.03.2025 kl. 12.10Vegna óviðráðanlegra orsaka verðum við að fresta bláa boðinu sem átti að vera miðvikudaginn 27. mars að Löngumýri.Meira -
Sóttu tuttugu og fimm kindur í Staðarafrétt
feykir.is Skagafjörður, Lokað efni 19.03.2025 kl. 12.00Farið var til eftirleita í Staðarafrétt sl. laugardag og náðust tuttugu og fimm kindur, sem voru víða af upprekstrarsvæðinu. Flestar voru kindurnar úr Hegranesi, eða níu talsins, sjö voru af Reykjaströnd, fimm úr Gönguskörðum, tvær af Langholti, eitt lamb frá Sauðárkrók og eitt úr Húnavatnssýslu.Meira -
Ferðin á Heimsenda frumsýnd á Blönduósi
feykir.is Austur-Húnavatnssýsla, Lokað efni 19.03.2025 kl. 11.50Leikfélagið á Blönduósi frumsýnir 3.apríl nk. barnaleikritið Ferðin á Heimsenda eftir Olgu Guðrúnu Árnadóttur rithöfund. Ferðin á heimsenda er barnaleikrit sem fjallar um ferðalagið á Heimsenda með verndargripinn geislaglóð sem þarf að fylla af sólarorku svo ekki fari illa fyrir álfaheiminum. Leikritið er fullt af ævintýralegum persónum, álfum, galdrakall, ömmu og hetjum. Verkið er sérstaklega skapað fyrir börn og til að börn geti notið þess að vera í leikhúsi og hentar allri fjölskyldunni. Feykir tók tal af Evu Guðbjartsdóttur formanni leikfélagsins á Blönduósi og spurði hana nokkrar spurningar um gang mála.Meira -
Rokkkórinn heimsækir þrjú sveitarfélög
feykir.is Skagafjörður, Vestur-Húnavatnssýsla, Lokað efni 19.03.2025 kl. 11.21Nú næstu daga stendur mikið til hjá Rokkkórnum þegar hann verður með þrenna tónleika í þremur mismunandi sveitarfélögum. Fyrst verða tónleikar í Lindakirkju í Kópavogi þann 22. mars. nk., því næst verða tónleikar í Miðgarði í Skagafirði 27. mars og að lokum í Félagsheimilinu Hvammstanga 29. mars.Meira -
Ríkisábyrgð á 1.490 milljarða króna? | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.03.2025 kl. 09.14Tryggð innlán í fjármálastofnunum á Íslandi námu 1.490 milljörðum króna um síðustu áramót samkvæmt upplýsingum frá Tryggingasjóði vegna fjármálafyrirtækja (TVF) sem nemur um þriðjungi vergrar landsframleiðslu á síðasta ári. Tryggð innlán jukust um 131 milljarð króna frá því að staðan var tekin í upphafi síðasta árs. Í byrjun árs 2021 voru tryggð innlán á Íslandi um 1.000 milljarðar króna og hafa þau þannig aukizt um tæplega 50% á einungis síðustu fjórum árum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.