Harmonikuunnendur skemmta sér á Steinsstöðum
Félag harmonikuunnenda í Skagafirði stendur fyrir fjölskylduhátíð að Steinsstöðum nú um helgina, 21.-23. júní. Dagskráin hefst með dansleik klukkan 21:00 í kvöld þar sem sveiflukóngurinn Geirmundur Valtýsson ásamt Jóa Færeyingi og Aðalsteini Ísfjörð sjá um fjörið.
Félag harmonikuunnenda í Skagafirði var stofnað árið 1992 og hefur það staðið fyrir hátíðinni árum saman. Feykir hafði samband við Sigríði Garðarsdóttur í Miðhúsum, gjaldkera félagsins, og spurði hana um sögu hátíðarinnar. Sigríður segir að þetta sé að líkindum í fjórða sinn sem samkomustaðurinn er að Steinsstöðum en áður var hátíðin haldin í Húnveri í fjölmörg ár, í fyrstu í samvinnu við Húnvetninga. Aðsókn hafi alltaf verið ótrúlega góða en alltaf sé pláss fyrir nýtt fólk og allir séu velkomnir. „Hátíðin er ætluð öllum þeim ungum sem öldnum sem hafa gaman af harmonikkutónlist og að ekki sé nú talað um þá sem hafa unun af að dansa. Þarna mætir fólk úr flestum landshornum, fyllir gólfið, og dansar frá fyrstu tónum til þeirra síðustu.“ Aðspurð að því hvort sambærilegar hátíðir séu haldnar víðar segir Sigríður: „Svona sérvitringahátíðir eru haldnar víða um land allt sumarið og margir fara á milli og dansa og dansa sér til heilsubótar og lífsfyllingar."
Sigríður segir dagskrána vera fjölbreytta. „Á föstudagskvöldið er ball frá kl 21:00-24:00, þar spilar Geirmundur ásamt Jóa Færeyingi og Aðalsteinn Ísfjörð grípur í nikkuna. Á laugardaginn hefst skemmtidagskrá kl 13:30. Þar koma fram ungir og efnilegir harmonikuleikarar úr sveitinni og frá Sauðárkróki, Arnar, Guðmundur, Ísak og Finnur, söngkonan bráðefnilega Matthildur Ingimarsdóttir og einnig birtist tungulipur pistlahöfundur að nafni Atli Gunnar.
Tríó skipað ungum töffurum úr sveitinni, þeim Óskari, Indriða og Steinari, lýkur svo skemmtunni með því að þeir spila gömlu slagarana á sinn hátt. Svo er ball frá kl 21:00 á laugardagskvöld. Þar sjást og heyrast Miðhúsabræður ásamt Guðrúnu Helgu. Aðalsteinn skreytir kvöldhimininn með tónum og Geirmundur og Jói ljúka svo ballinu um miðnættið á sinn hátt. Ný trommari verður á svæðinu, Sigurður Baldursson í Varmahlíð, og Indriði Benidiktsson grípur í bassann.
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.