Gengistryggðu lánin og kaup á stofnfé
Staða bænda sem hafa staðið í eðlilegum fjárfestingum á síðustu árum er mjög þröng og á það sérstaklega við um þá sem tekið gengistryggð lán sem hafa reyndar verið dæmd ólögleg.
Við hrunið var tjón fjármagnseigenda að mestu tryggt á einni nóttu en skuldugir bændur og almenningur eru enn látin dingla hálfkæfð í skuldasnöru. Við erum að tala um vel á annað ár!
Fjórflokkurinn hefur leyft umræðunni að snúast algerlega á hvolf þar sem almenningur sem skuldar svokölluð gengistryggð lán er settur í stöðu betlara sem þarf úrlausn sinna vandamála. Bankastjórarnir sem veittu lánin eru í hlutverki höfðingja sem geta af rausnarskap sínum gefið eftir einhvern hluta lána.
Hér eru höfð ósvífin endaskipti á hlutunum, bankarnir sem enn hafa sömu kúlulánastjórnendur í forsvari lánuðu nytsömum sakleysingjum, veðjuðu síðan gegn íslensku krónunni og grófu undan virði hennar og forsendum samninga. Það má líkja þessu athæfi við að bankinn gerði samning um leigu á húsnæði sem fæli í sér ströng ákvæði um að skila því til baka í mjög góðu ásigkomulagi á ný en senda innbrotsþjófa jafnharðan og blekið er þornað á samningnum til að brjótast inn og eyðileggja og koma þannig algjörlega í veg fyrir að hinn aðili samningsins gæti staðið við hann.
Í siðuðu samfélagi héngi ekki almenningur í snörunni heldur bankamennirnir. Þeir sem settu landið á hausinn með blekkingum, markaðsmisnotkun og fjárdrætti eiga að sæta ábyrgð.
Í Húnaþingi vestra er fjárhagur fimmta hvers heimilis í uppnámi vegna kaupa á stofnfé í Sparisjóði Húnaþings og Stranda sem stofnað var til við sameiningu þeirra við Sparisjóð Keflavíkur. Ein meginástæða vandræða og falls sameinaðs Sparisjóðs Keflavíkur var samkrull sparisjóðsins við skulda- og útrásarlið, einkum Bakkarvararbræður í Existu. Það er umhugsunarvert að stjórnvöld og lífeyrissjóðirnir settu það í algjöran forgang að endurreisa Bakkavararbræður sem eiga stóra sök á hruni sparisjóðsins en stofnfjáreigendur eru látnir bíða í óvissu.
Það er óskiljanlegt að stjórnvöld skuli ekki hafa forgöngu um að leyst verði úr gengistryggðum lánum með almennum hætti í stað þess að bíða eftir staðfestingu Hæstaréttar á dómi héraðsdóms um lögmæti gengistryggðu lánanna. Það er ljóst að á hvorn veginn sem dómur Hæstaréttar fellur kallar hann á talsverða vinnu við úrlausn mála.
Sigurjón Þórðarson
formaður Frjálslynda flokksins
Fleiri fréttir
-
Fiskisúpa og mömmu konfektkaka | Matgæðingur Feykis
feykir.is Skagafjörður, Í matinn er þetta helst, Lokað efni 22.03.2025 kl. 11.22Matgæðingur vikunnar í tbl. 47, 2024, var Fanney Ísfold Karlsdóttir en hún starfar sem sjúkraþjálfari á HSN á Króknum og hefur gert í töluvert mörg ár. Áhugi hennar á hreyfingu og hollu mataræði hefur fylgt henni lengi og er eitt af áhugamálum fjölskyldunnar að elda og borða góðan og hollan mat, helst að “elda frá grunni”, prófa nýjar uppskriftir og þróa eigin.Meira -
Framkvæmdir við höfnina ganga ágætlega
feykir.is Austur-Húnavatnssýsla, Lokað efni 22.03.2025 kl. 08.00„Framkvæmdir við Ásgarð ganga vel, Borgarverk er langt komið með sinn verkhluta. Þeir hafa verið með 4-5 starfsmenn á Skagaströnd og stórvirkar vinnuvélar og bíla eftir þörfum síðan þeir byrjuðu fyrir alvöru í september. Þeir luku við að reka niður stálþilið, rétta það af, fylla og þjappa efni í garðinn 6. mars sl.," segir Baldur Magnússon hafnarstjóri á Skagaströnd þegar Feykir forvitnaðist um hvernig framkvæmdir gengju fyrir sig.Meira -
Áfram slátrað í sláturhúsinu á Hvammstanga
feykir.is Vestur-Húnavatnssýsla, Lokað efni 21.03.2025 kl. 14.15Bændablaðið sagði frá því í dag á fréttavefnum sínum að slátrun hjá Sláturhúsi Kaupfélags Vestur-Húnvetninga (SKVH) á Hvammstanga verður með svipuðu sniði á þessu ári og verið hefur. Ákvörðun um að hætt yrði að slátra á Hvammstanga hafði aldrei formlega verið tekin en áform voru uppi um að slátruninni yrði hætt þar, sem liður í hagræðingu vegna kaupa Kaupfélags Skagfirðinga (KS) á Kjarnafæði Norðlenska.Meira -
Opið fyrir skráningar á skákmótið á Blönduósi sem fer fram dagana 15.-21. júní
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.03.2025 kl. 13.50Skáksamband Íslands ætlar að bregða á leik í sumar í tilefni af 100 ára afmæli sínu segir á fréttavefnum huni.is. En haldið verður Icelandic Open - Opna Íslandsmótið í skák á Blönduósi dagana 15.-21. júní. Tefldar verða níu umferðir á sjö dögum í Krúttinu í gamla bænum. Skákhátíðin hefst með aðalfundi sambandsins sem fram fer laugardaginn 14. júní og lýkur með sterku hraðskákmóti, Blönduós Blitz, sem fram fer 22. júní. Búið er að opna fyrir skráningu í mótið. Góð verðlaun verða á mótinu og verða þau gerð opinber í vikunni. Alls konar skemmtilegir hliðarviðburðir fara fram mótinu samhliða en þeir verða auglýstir síðar.Meira -
Er í lagi með brunavarnirnar á þínu heimili?
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.03.2025 kl. 13.34Í upphafi árs framkvæmdi HMS árlega skoðanakönnun um brunavarnir heimilanna. Í niðurstöðum könnunarinnar kemur fram að reykskynjarar eru á 96 prósent heimila landsins, helmingur þeirra landsmanna sem eru með slökkvitæki á heimilum sínum yfirfara tækin ekki og 45 prósent íbúða á leigumarkaði eru ekki með eldvarnarteppi. Niðurstöður könnunarinnar sýna að ástand brunavarna á heimilum er almennt gott. Einn eða fleiri reykskynjarar eru á 96 prósent heimila, 80 prósent heimila eru með slökkvitæki og 66 prósent með eldvarnarteppi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.