Fyrsta stökkmót öldunga í Varmahlíð
Stökkmót UÍ Smára í öldungaflokkum fór fram í íþróttahúsinu í Varmahlíð laugardaginn 23. apríl 2022. Keppt var í fjórum greinum; hástökki með og án atrennu, langstökki og þrístökki án atrennu. Fimm keppendur mættu til leiks í karlaflokkum en því miður enginn í kvennaflokkum.
Fjórir keppendur komu frá UMSS, þeir Karl Lúðvíksson í fl. 70-74 ára, Sigurjón Leifsson í fl. 50-54 ára, Theodór Karlsson í fl. 45-49 ára og Guðmundur Elíasson í fl. 40-44 ára. Einn keppandi kom frá Ungmennafélaginu Keflavík og það var Helgi Hólm í fl. 80-84 ára. Hann á mörg Íslandsmet í nokkrum aldursflokkum í þessum fjórum stökkgreinum. Íslandsmet hans í hástökki með atrennu í fl. 80-84 ára er 1,22 m og litlu munaði að hann næði að bæta það á þessu móti. Hann færði UÍ Smára innrammað plakat að gjöf með lista yfir aldursflokkamet öldunga í atrennulausum stökkum og hástökki með atrennu innanhúss og mæltist til að það yrði hengt upp í íþróttahúsinu öðrum til hvatningar, sjá HÉR.
Til gamans má geta þess að Karl Sören Theodórsson (12 ára, verður 13 ára 17. júní) fékk að vera með í langstökki og þrístökki án atr. Hann stökk 2,26 m í langstökki og 6,49 m í þrístökki. Einnig má geta þess að í fyrra var Helgi Hólm með svona mót í Keflavík. Þar mættu einnig aðeins fimm keppendur, auk Karls Sörens, sem þá fékk líka að keppa með sem gestur og þá var ákveðið að undirritaður reyndi að fá stjórn UÍ Smára til að koma sambærilegu móti á í Varmahlíð. Því var vel tekið en dróst auðvitað að koma því á vegna Covid-19 þangað til núna í apríl.
Mótstjóri og yfirdómari var Gunnar Sigurðsson og önnur störf önnuðust þær Sarah Holzem formaður UÍ Smára og þær Steinunn Arnljótsdóttir og Anna Bára Sigurjónsdóttir.
Kaupfélag Skagfirðinga var bakhjarl þessa móts. Þórólfur kaupfélagsstjóri tók vel í beiðni okkar um fjárstyrk til að styðja við iðkun frjálsíþrótta í öldungaflokkum á vegum UÍ Smára og fyrir það erum við mjög þakklát.
/Karl Lúðvíksson
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.