Flúðasigling, draugagangur og lofthræðsluþrautir
Dagana 18. – 21. maí fór 10. bekkur Höfðaskóla á Skagaströnd í langþráða útskriftarferð um Suðurlandið og höfuðborgarsvæðið.
Ferðasagan er tekin af heimasíðu skólans; -Veðrið lék við okkur allan tímann, sól og hiti. Á mánudeginum var byrjað á að fara í litbolta í Grafarvogi, þar sem margir fengu skrámur en komust þó lifandi frá hildarleiknum. Þaðan lá leiðin í Smáralind til að kíkja í búðir, bíó og borða á Pizza Hut. Það var þreyttur en ánægður hópur sem bjó um sig í Gljúfurbústöðum í Ölfusi um kvöldið.
Eftir morgunmat á þriðjudeginum fengum við leiðsögn um Gjábakkahelli á Lyngdalsheiði. Það tók á að klöngrast yfir stórgrýti með smá ljóstýru á höfðinu en var fyllilega þess virði. Eftir skoðunarferð um Þingvelli skunduðum við í Bláa lónið og létum líða úr þreyttum vöðvum um leið og við mökuðum á okkur kísilleðju. Gleðilætin í hópnum fór eitthvað í taugarnar á starfsmanni Lónsins sem hótaði að henda kennaranum út vegna óspekta.
Nú voru allir komnir í góðan gír til að sigrast á þrautum. Á miðvikudeginum þurftu margir að taka á honum stóra sínum þegar kom að flúðasiglingu á Hvítá. Allir létu sig hafa það og óx ásmegin við hverja þraut, sérstaklega við að stökkva af bjargi út í jökulánna og bjarga sér á sundi í land. Embla okkar fékk titilinn „Hetja dagsins“ eftir átökin. Þá beið okkar kajaksigling og sund á Stokkseyri. Deginum lauk svo með heimsókn í Draugasafnið þar sem draugar gerðu ítrekaðar tilraunir til að hræða úr okkur líftóruna (að sjálfsögðu tókst það ekki).
Uppstigningadagur var lokadagurinn í ferðinni. Adrenalíngarðurinn á Nesjavöllum var áskorun dagsins þar sem tekist var á við ýmsar jafnvægis- og lofthræðsluþrautir. Eftir þær þrautir gat allur hópurinn flaggað hetjutitlinum. Þá áttum við bara eftir að fara í Lágafells-sundlaug og snæða á Subway. Það var þreyttur og glaður hópur með margar góðar minningar í farteskinu, sem kvaddist um kvöldið heima á Skagaströnd.
Myndir úr ferðinni má sjá á myndasíðu skólans
Fleiri fréttir
-
Mislitir sokkar til að fagna fjölbreytileikanum
feykir.is Skagafjörður, Austur-Húnavatnssýsla, Vestur-Húnavatnssýsla 20.03.2025 kl. 14.43Á morgun er alþjóðlegur dagur Downs-heilkennis en 21. mars ár hvert er tileinkaður heilkenninu og honum fagnað víða um heim. Allsherjarþing Sameinuðu þjóðanna samþykkti árið 2011 að 21. mars ár hvert skuli vera Alþjóðlegur dagur Downs-heilkennis en eitt barn af hverjum sjö hundruð sem fæðast í heiminum er með Downs-heilkenni.Meira -
Lára Sigurðardóttir söng sig inn á Samfés
feykir.is Skagafjörður, Austur-Húnavatnssýsla, Vestur-Húnavatnssýsla 20.03.2025 kl. 13.38Síðastliðinn föstudag, 14. mars, fór fram Norður Org, söngkeppni félagsmiðstöðva á Norðurlandi, fram í íþróttahúsinu á Sauðárkróki. Var þetta í fyrsta skipti sem þessi keppni er haldin á Króknum og voru þar samankomin um 550 ungmenni frá félagsmiðstöðvum víðsvegar af Norðurlandi til þess að fylgjast með sínum fulltrúum spreyta sig á sviðinu.Meira -
Neikvæð áhrif innviðagjalds mikil á Norðurlandi | Arnheiður Jóhannsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 20.03.2025 kl. 13.12Áhrif innviðagjalds sem lagt var á skemmtiferðaskip fyrir ferðaþjónustuna eru orðin greinileg á landinu. Áhrifanna gætir með mismunandi hætti þar sem með svo skyndilegri gjaldtöku, falla áfangastaðir úr ferðaáætlun skipanna, helst þeir sem eru lengst frá suðvesturhorninu. Þetta hefur þær afleiðingar að á meðan það verður kannski 10% samdráttur heilt yfir í höfuðborginni, þá getur orðið tugprósenta samdráttur á öðrum stöðum á landinu. Í einhverjum tilfellum stefnir í að sumir áfangastaðir missi allar skipakomur.Meira -
Landbúnaðarverðlaunin 2025 í Skagafjörðinn
feykir.is Skagafjörður, Lokað efni 20.03.2025 kl. 13.00Stefanía Hördís Leifsdóttir og Jóhannes Helgi Ríkharðsson fengu rétt í þessu afhent landbúnaðarverlaun atvinnuvegaráðuneytisins á Langþingi sambands íslenskra sveitarfélaga sem haldið er í dag, fimmtudaginn 20. mars á Hilton Reykjavík Nordica.Meira -
Mennta- og barnamálaráðherra auglýsir eftir umsóknum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 20.03.2025 kl. 12.59Mennta- og barnamálaráðherra auglýsir eftir umsóknum frá íslenskum félagasamtökum um styrki til verkefna sem stuðla að farsæld barna. Um er að ræða einsskiptis styrki sem ætlað er að styðja við innleiðingu laga um samþættingu þjónustu í þágu farsældar barna og menntastefnu til ársins 2030.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.