Fljótamót orðið næststærsta skíðagöngumót landsins
Skíðagöngumót í Fljótum, sem haldið var í fyrsta sinn á skírdag 2014, undir yfirskriftinni Fljótamót, er nú orðið að árvissum viðburði. Er það þegar orðið næststærsta skíðagöngumót landsins, og aðeins hin rótgróna Fossavatnsganga á Ísafirði sem dregur til sín fleiri keppendur, að því er haft var eftir Birni Z. Ásgrímssyni, einum af forsvarsmönnum mótsins, í Morgunblaðinu í gær.
Að þessu sinni verður mótið haldið á föstudaginn langa og hefst það kl. 13:00. Keppt verður í 20 km í karla- og kvennaflokki á aldrinum 16-34, 35-49, 50-59 og 60 ára og eldri. Í vegarlengdunum 5 og 10 km verður keppt í karla- og kvennaflokki 16 ára og eldri. Einnig verður keppt í flokki drengja og stúlkna í vegalengdunum 5 km og 10 km á aldrinum 12-15 ára, og 2,5 km fyrir 6-11 ára og 1 km fyrir 3-5 ára.
Mótsgjald er 2500 krónur fyrir 16 ára og eldri, en kr. 1000 fyrir yngri keppendur. Skráning fer fram kl. 11:30-12:30 og greiðist mótsgjald við skráningu. Mótsstjóri er Birgir Gunnarsson. Veitt verður aðstoð og ráðleggingar varðandi smurningu og áburð. Veitir Birgir nánari upplýsingar í síma 897 3464 og er einnig mælst til að keppendur skrái sig á viðburðinn sem stofnaður hefur verið á fésbókarsíðu mótsins, Skíðagöngumót í Fljótum.
Að mótinu loknu verða veitingar í félagsheimili Fljótamanna, Ketilási og eru þær innifaldar í keppnisgjaldi fyrir þátttakendur en veitingasala verður fyrir gesti. Einnig verður happdrætti þar sem dregið verður úr rásnúmerum keppenda.
Segja má að í Fljótum sé vagga gönguskíðamenningar á Íslandi og þar fór fram fyrsta skíðagöngumót landsins, fyrir rúmum hundrað árum. Úr Fljótum hafa löngum komið miklir skíðagöngukappar, m.a. Ólympíufararnir Trausti Sveinsson og Magnús Eiríksson. Fljótin eru enda þekkt fyrir mikil snjóalög og má í því samhengi rifja upp eftirfarandi vísu, þó að því miður sé gleymt hver höfundur hennar er:
Fljótin hafa fái þekkt
faðmi vafin grónum.
Þar er afar yndislegt
allt á kaf‘ í snjónum.
Tengdar fréttir:
Fleiri fréttir
-
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira -
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira -
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira -
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.