Sigur í tveimur af þremur leikjum í Lengjubikar
Lengjubikarinn í knattspyrnu er farinn af stað og hefur Mfl. kvenna í Tindastóli leikið þrjá leiki og unnið tvo þeirra. Tindastóll leikur í C-deild kvenna, og er í 2. sæti með 6 stig í riðli 3.
Fyrsti leikurinn var gegn Fjarðabyggð/Hetti í Boganum á Akureyri þann 20. mars þar sem Tindastóll tryggði sér öruggan sigur, 3-0. Þann 3. apríl mættu Stólastúlkur Einherja frá Vopnafirði og fór sá leikur einnig fram í Boganum. Leikurinn var markalaus framan af en á 50. mínútu skoraði Ólína Sif Einarsdóttir fyrir Tindastól og ellefu mínútum síðar setti samherji hennar, Elín Sveinsdóttir, boltann í netið. Úrslit 2-0.
Þá léku stúlkurnar á móti Völsungi á Húsavíkurvelli sl. laugardag. Fyrsta mark leiksins kom á 12. mínútu og var það Völsungurinn Hulda Ösp Ágústsdóttir sem skoraði. Annað markið skoraði samherji hennar Sigrún Vala Hauksdóttir á 24. mínútu. Á 41. mínútu skoruðu Völsunar sjálfsmark og skömmu síðar setti Stólastúlkan Bryndís Rut Haraldsdóttir boltann í netið. Hulda Ösp skoraði sitt annað mark á 52. mínútu og Særún Anna Brynjarsdóttir skoraði nokkrum mínútum síðar fyrir Völsung. Lokamark leiksins skoraði Hugrún Pálsdóttir fyrir Tindastól, lokastaða 4-3 Völsung í vil.
Næst mæta stúlkurnar liði Hamrana í Boganum laugardaginn 23. apríl. Áfram Tindastóll!
Fleiri fréttir
-
Gallup mældi Miðflokkinn stærstan í Norðvesturkjördæmi
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 16.58Síðustu könnunar Gallup fyrir þingkosningarnar var beðið með nokkurri óþreyju í gær og hún birtist seint og um síðir. Alls voru það 169 manns sem svöruðu í Norðvesturkjördæmi, sem er ekki stórt hlutfall, en alls voru það 2077 sem svöruðu könnuninni á landsvísu. Niðurstaðan í NV-kjördæmi var sú að sex flokkar fá einn þingmann og síðan er spurning hver hlýtur uppbótarþingmanninn. Miðflokkurinn, sem hefur dalað nokkuð á landsvísu síðustu daga, mælist stærstur í kjördæminu með 18,6% fylgi.Meira -
Drama og dómarakonsert í dúndurleik í Síkinu
feykir.is Skagafjörður, Íþróttir, Lokað efni 30.11.2024 kl. 16.20Í gærkvöldi mættust lið Tindastóls og Álftaness í Síkinu í áttundu umferð Bónus-deildarinnar. Leikurinn varð hin mesta skemmtun en kannski full mikið drama fyrir þá sem innlifaðistir eru. Benni þjálfari Stóla og Drungilas urðu báðir að yfirgefa Síkið áður en fyrri hálfleikur var úti eftir nettan flautukonsert dómaratríósins – sem sumum þótti þó pínu falskur. Bæði lið sýndu frábæra takta en það voru heimamenn sem reyndust sleipari á svellinu, voru ákafari og lönduðu sætum sigri. Lokatölur 109-99.Meira -
Kosið til Alþingis í dag
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 15.19Það er kosið til Alþingis í dag. Allir vegir á Norðurlandi vestra eru færir, í það minnsta sem stendur, en víða hálka. Víða er þó éljagangur eða skafrenningur. Reikna má með svipuðu veðri áfram út daginn, norðaustan 10-13 m/sek og lítils háttar snjókomu.Meira -
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.