Sumarvæll í g-moll | Leiðari 23. tölublaðs Feykis
Í tvígang hefur Feykir birt sama textann ofan á forsíðumynd blaðsins síðustu vikurnar. Fyrst Sumarið er tíminn og stuttu síðar, örlítið kaldhæðnislegra, Sumarið er tíminn... yfir mynd af sumarhretinu mikla í byrjun júní.
Kannski má segja að íslenska sumarið sé kaldhæðnislegt, pínu eins og lélegur brandari jafnvel. Á hverju vori hlökkum við til að upplifa sumarið okkar með myndir af sóleyjum í túni og leikandi lækjar-sprænum í sinninu. Já, draumar um glampandi sól og hunangsslegnum grísakótelettum sprúðlandi á grillinu í næsta nágrenni við kartöflur í áljökkum. Freistum þess síðan að finna smá sumardreitil í góðu skjóli fyrir norðanátt og þokuslegnum fjöllum á veröndinni sunnan við vegg – kannski í ljúfum yl frá gashitara – og vonum að það byrji ekki að rigna svona rétt á meðan maturinn volgnar.
Okkur dreymir jafnvel hið fullkomna sumarfrí. Hugsið ykkur; fimm vikur af ábyrðarleysi og letilífi, seint í háttinn og sofið fram að hádegi. Hinn klassíski sumardraumur hins vinnandi manns. Það er reyndar til fólk sem getur bara alls ekki sofið lengur en til sex á morgnana. Höfum það utan mengis.
Það er veikur möguleiki að Feykisliðið hafi dreymt á þennan veg. Venju samkvæmt var auglýst eftir sumar-afleysingamanni og veik von breyttist í ljúfan draum þegar vanur maður og vaskur sótti um. Allt klappað og klárt, allir í góðum fíling og útlit fyrir sól í allt sumar. Hér setjum við kaldhæðnislega þrjá punkta.
. . .
Útlitið var gott þangað til Feykisliðið vaknaði upp við vondan draum. Afleysingamanninum fylgdu frú og barn. Frúin gat fengið vinnu á leikskólanum á Króknum enda alltaf verið að leita að starfsfólki á leikskólum. Vandamálið var hins vegar að barnið fékk ekki pláss á leikskóla í Skagafirði og þá var ekki lengur raunhæft að Skagfirðingarnir gætu snúið heim í hérað þetta sumarið.
Þó Feykir hafi ekki lagst í rannsóknarvinnu varðandi vöntun á leikskólaplássum er næsta víst að margir glíma við þetta vandamál og það víða um land. Hér kvörtum við yfir því að fólk sem fer úr héraði til að stunda nám skili sér ekki aftur heim. Hvaða skilaboð erum við að senda ungu fólki þegar við getum ekki tekið við börnum á leikskóla?
Við á Feyki verðum því að láta okkur dreyma um betri heimtur næsta sumar. Nema einhver hafi áhuga á að skella sér í skemmtilegt sumardjobb...
P.S. Okkur vantar líka prófarkalesara – einhver!?
Óli Arnar Brynjarsson, ritstjóri
Fleiri fréttir
-
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira -
Mynd Óskars Páls, Árnar þagna, sýnd í Króksbíó
feykir.is Skagafjörður, Listir og menning, Lokað efni 22.11.2024 kl. 09.00Óskar Páll Sveinsson ætlar að koma á heimaslóðir og bjóða Skagfirðingum í bíó. Næstkomandi mánudag kl. 20. sýnir hann í Sauðárkróksbíói heimildamyndina Árnar þagna sem fjallar um áhrif sjókvíaeldis á laxi á lífríki og afkomu fjölskyldna í sveitum Íslands og Noregs sem hafa byggt lífsafkomu sína á hlunnindum af sjálfbærum stangveiðum í margar kynslóðir.Meira -
Þjóðarsátt um landbúnað til framtíðar | Guðmundur Hrafn Arngrímsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 08.30Landbúnaður og matvælaframleiðsla er elsta athafnasemi íbúa landsins og önnur af mikilvægustu atvinnugreinum þjóðarinnar, ásamt sjávarútvegi. Landbúnaður er í senn undirstaða byggðar í landinu, gríðarlega mikilvægur fyrir fæðuöryggi þjóðarinnar og lífstíll þeirra sem hann stunda. Þess vegna er mikilvægt að um landbúnað og matvælaframleiðslu ríki þjóðarsátt.Meira -
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.