Dreymdi um að vera Elvis / SÖLVI SVEINS
Skólamanninn Sölva Sveinsson kannast eflaust flestir við en hann er cand. mag. í sagnfræði og hefur lengst af starfað við kennslu og skólastjórnun, ásamt ritstörfum, fæddur árið 1950, alinn upp á Króknum, aðallega í fjörunni segir hann.
Sölvi tekur þátt í jólabókaflóðinu að þessu sinni en Sögufélag Skagfirðinga gefur út hina stórskemmtilegu bók hans, Dagar handan við dægrin, hvar hann varpar til lesenda minningarmyndum í skuggsjá tímans. Feykir náði í kappann í Köben fyrir tilstilli nútímatækni og fékk hann til að svara nokkrum vel völdum spurningum tengdum lyst hans á tónlist, bæði hinni hefðbundnu og ekki síður jólatónlist. Sölvi er hræddur um að eina hljóðfærið sem hann hefur tileinkað sér sé röddin og helsta afrekið á tónlistarsviðinu sé að hafa sungið í Barnakirkjukórnum hjá Eyþóri Stefánssyni um 1960.
Uppáhalds tónlistartímabil? 1963-73.
Hvaða tónlist fær þig til að sperra eyrun þessa dagana? Elvis og allir hinir sem gerðu garðinn frægan um 65.
Hvers konar tónlist var hlustað á á þínu heimili? Bara það sem var spilað í gömlu gufunni, nema pabbi hélt alltaf konsert á sunnudagsmorgnum meðan hann rakaði sig.
Hver var fyrsta platan/diskurinn/kasettan/niðurhalið sem þú keyptir þér? Ætli fyrsta platan hafi ekki verið Sgt. Peppers Lonely eða hvað hún nú hét. Vínill. Ég var orðinn 24 ára þegar ég eignaðist græjur.
Hvaða græjur varstu þá með? Einfaldan nálaspilara með tveimur vesælum hátölurum.
Besta lagið til að hlusta á í bílnum / á göngu? Síðustu vikur var það Fred Åkerström að syngja Bellman.
Hvaða lag getur eyðilagt fyrir þér daginn? Hvaða lag sem er með Gylfa Ægissyni.
Hvenær má byrja að spila jólalögin? Alls ekki fyrr en eftir 1. des., helst ekki fyrr en svona viku fyrir jól.
Uppáhalds jólalagið? Ég sá mömmu kyssa jólasvein af léttara taginu, en Nóttin var sú ágæt ein af sálmagreininni.
Hvernig eru jólalögin best? Þau eru best þegar maður sýslar við jólaundirbúning, t.d. við baksturinn.
Þú vaknar í rólegheitum á jóladagsmorgni, hvað viltu helst heyra? Þá nýt ég þagnarinnar.
Þú átt þess kost að fara hvert sem er í heiminum og skella þér á tónleika. Hvert færirðu, á hvaða tónleika og hvern tækirðu með þér? Ég tæki konuna með mér til himnaríkis að hlusta á Pavarotti.
Hvaða tónlistarmaður hefur þig dreymt um að vera? Elvis þegar ég var yngri.
Hver var fyrsta platan sem þú óskaðir þér í jólagjöf? Ég tengi Óskalög sjúklinga við æskuárin, þau voru eftir hádegi á laugardögum. Söngur villiandarinnar hljómar nokkuð sterklega.
Hvaða plötu þykir þér vænst um eða hvaða plata hefur skipt þig mestu máli? Best of Hollies af því ég á sérstakar minningar um hana síðan ég var í Menntaskólanum á Akureyri. Þá forum við í Sjallann á föstudagskvöldum og fengum okkur kannski aðeins í aðra tána áður en við forum og þá var þessi plata spiluð. Svo um tíuleytið forum við allir drengirnir úr sparibuxunum og sá lífsreyndasti pressaði buxurnar. Þarna sátum við allir berleggjaðir á meðan og hlustuðum á Hollies.
Hvenær eru jólin komin? Þegar ilmurinn af rjúpnasósunni blandast við klukknahljóðið úr Dómkirkjunni kl. 6.
Sex bestu lögin?
Áfram veginn – Stefán Íslandi
Good Luck Charm – Elvis Presley
Yesterday – Bítlarnir
Ætti ég hörpu – Stefán Íslandi
Tunglskinssónatan – Ýmsir
1812 eftir Tsjækofský; ýmsar hljómsveitir, en þetta verk þarf að spila á fullu gasi.
Fleiri fréttir
-
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira -
Mynd Óskars Páls, Árnar þagna, sýnd í Króksbíó
feykir.is Skagafjörður, Listir og menning, Lokað efni 22.11.2024 kl. 09.00Óskar Páll Sveinsson ætlar að koma á heimaslóðir og bjóða Skagfirðingum í bíó. Næstkomandi mánudag kl. 20. sýnir hann í Sauðárkróksbíói heimildamyndina Árnar þagna sem fjallar um áhrif sjókvíaeldis á laxi á lífríki og afkomu fjölskyldna í sveitum Íslands og Noregs sem hafa byggt lífsafkomu sína á hlunnindum af sjálfbærum stangveiðum í margar kynslóðir.Meira -
Þjóðarsátt um landbúnað til framtíðar | Guðmundur Hrafn Arngrímsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 08.30Landbúnaður og matvælaframleiðsla er elsta athafnasemi íbúa landsins og önnur af mikilvægustu atvinnugreinum þjóðarinnar, ásamt sjávarútvegi. Landbúnaður er í senn undirstaða byggðar í landinu, gríðarlega mikilvægur fyrir fæðuöryggi þjóðarinnar og lífstíll þeirra sem hann stunda. Þess vegna er mikilvægt að um landbúnað og matvælaframleiðslu ríki þjóðarsátt.Meira -
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.