Blóðskimun til bjargar
Blóðskimun til bjargar – þjóðarátak gegn mergæxlum hófst með formlegum hætti í Norræna húsinu í dag þegar Guðni Th. Jóhannesson forseti Íslands skráði sig til þátttöku.
Blóðskimun til bjargar er umfangsmikil vísindarannsókn sem er samstarfsverkefni Háskóla Íslands, Landspítala og Krabbameinsfélags Íslands. Verkefnið er leitt af rannsóknarhópi undir forystu Sigurðar Yngva Kristinssonar prófessors í blóðsjúkdómum og er frú Vigdís Finnbogadóttir fyrrverandi forseti Íslands verndari þess. Næstu daga munu allir einstaklingar með búsetu á Íslandi sem fæddir eru árið 1975 og fyrr fá í pósti fjólublátt umslag sem inniheldur kynningu á rannsókninni og boð um þátttöku.
Sigurður Yngvi segir að um einstaka rannsókn sé að ræða. „Við ætlum að rannsaka hvort það sé ávinningur að því að skima fyrir forstigi mergæxlis eins og nú er gert fyrir forstigi leghálskrabbameins og brjóstakrabbameins. Ástæða þess að skimað er fyrir þessum tveimur tegundum krabbameina er að rannsóknir sýndu að skimun skilar ávinningi og viljum við leita svara við því hvort það sama eigi við um mergæxli. Forsenda þess að rannsóknin sé marktæk er að við fáum næga þátttöku og því vonumst við til að sem flestir kynni sér innihald fjólubláa umslagsins og skrái sig til þátttöku á heimasíðunni www.blodskimun.is.“
Frú Vigdís Finnbogadóttir segir mikilvægt að fólk taki þátt. „Við Íslendingar stöndum framarlega í baráttunni gegn krabbameini. Nú gefst okkur tækifæri til að leggja lið mikilvægum rannsóknum með því að taka þátt í þjóðarátaki gegn mergæxlum. Sem verndari þessa átaks höfða ég til landsmanna allra að ganga til liðs við færustu vísindamenn okkar sem vinna að þessu verkefni í þágu okkar allra.“
Þátttaka almennings skiptir sköpum
Forsenda þess að rannsóknin skili árangri er góð þátttaka. Til þess að taka þátt í verkefninu þarf að veita upplýst samþykki. Það er hægt að gera á vefsíðu þjóðarátaksins, www.blodskimun.is, eða með því að senda undirritaða samþykkisyfirlýsingu gjaldfrjálst með pósti. Næst þegar þátttakandi fer, einhverra hluta vegna, í blóðprufu, hvar sem er á landinu, mun rannsóknarhópurinn fá hluta af blóðsýninu til skimunar. Því þarf ekki að fara í sérstaka blóðprufu til þess að taka þátt í rannsókninni.
Aukin þekking bætir horfur sjúklinga
Markmið rannsóknarinnar er að rannsaka hvort ávinningur sé af því að skima fyrir forstigi mergæxlis. Rannsóknin mun einnig gefa ýmis mikilvæg svör, til dæmis varðandi orsakir mergæxla, hentugasta greiningarferli, lífsgæði og hvort unnt sé að lækna þau með því að greina þau snemma og þar með meðhöndla fyrr en nú er gert.
Mergæxli er krabbamein í beinmerg og einkenna sjúkdómsins verður oft ekki vart fyrr en hann hefur haft alvarleg áhrif á heilsuna. Árlega greinast um 25 manns með sjúkdóminn hér á landi og alls um 120 þúsund manns á heimsvísu. Samfara auknum rannsóknum á sjúkdómnum og nýjum og betri lyfjum hafa horfur sjúklinga með mergæxli batnað gríðarlega síðastliðin ár. Hægt er að greina forstig mergæxlis með því að skima fyrir vissum próteinum í blóði. Forstig mergæxlis er þó ekki krabbamein og flestir sem eru með forstigið fá aldrei mergæxli. Með þátttöku í Blóðskimun til bjargar munu þau sem reynast vera með forstig sem þróast yfir í mergæxli mögulega greinast fyrr og því fá meðferð fyrr en ella hefði orðið.
Nánari upplýsingar um Blóðskimun til bjargar er að finna www.blodskimun.is og á Facebooksíðu verkefnisins, https://www.facebook.com/blodskimun/.
Fréttatilkynning
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.