Bjarni og Lilja berjast um 1. sæti VG
Póstkosning vegna forvals Vinstri grænna í Norðvesturkjördæmi fyrir alþingiskosningar 29. október nk. hófst í dag, 12. september, en síðasti dagur til að póstleggja atkvæði er 20. september. Atkvæði verða svo talin í Leifsbúð í Búðardal sunnudaginn 25. september nk. Fjórir bjóða sig fram í fyrsta sætið.
Bjarni Jónsson Sauðárkróki og Lilja Rafney Magnúsdóttir Suðureyri, bjóða sig fram í fyrsta sætið, Lárus Ástmar Hannesson Stykkishólmi í 1.-2. sæti og Rúnar Gíslason Borgarnesi í 1.-3. sæti. Það má vera ljóst að slagurinn um fyrsta sætið stendur á milli Lilju Rafneyjar og Bjarna en þau hafa hvað harðast verið að kynna sig að undanförnu. Hringingar og póstsendingar til félagsmanna kjördæmisins, jafnvel starfsfólk Alþingis komið þar nálægt.
Bjarni Jónsson er duglegur við að senda inn greinar og þeysa um kjördæmið og á Fésbókarsíðu hans sést að hann hefur farið víða. Þegar Feykir talaði við Bjarna í morgun var hann á leið á Snæfellsnesið og segist hvarvetna hafa fengið góðar viðtökur og vill hann hvetja alla til að taka þátt í forvalinu og móta framtíðarforystusveit Vinstri grænna í Norðvesturkjördæminu. Hann segist alla vega reiðubúinn til að takast á við og berjast fyrir fjölbreyttum hagsmunum kjördæmis.
Á heimasíðu VG er að finna kynningarbækling fyrir forvalið og þar stendur að mikilvægt sé að sem flestir félagar taki þátt í forvalinu og hjálpi þannig kjörstjórn að leggja til efnilegan lista tilvonandi þingmanna.
Fleiri fréttir
-
Rabb-a-babb 232: Rósa
feykir.is Vestur-Húnavatnssýsla, Rabb-a-babb, Mannlíf, Lokað efni 05.11.2024 kl. 13.38Gerður Rósa Sigurðardóttir á Hvammstanga svarar Rabb-a-babbi að þessu sinni. Hún er uppalin á Kolugili í Víðidal, undan Nínu Sig og Sigga, eins og hún segir sjálf. Rósa starfar sem skrifstofustjóri hjá Sláturhúsi KVH á Hvammstanga og er stundum meðhjálpari. Hún er tamningamaður að mennt frá Hólaskóla og er gift Kristjáni Svavari en saman eiga þau þrjú börn.Meira -
Tilkynning til notenda á hitaveitu í Akrahreppi
feykir.is Skagafjörður 05.11.2024 kl. 13.33Í tilkynningu frá Skagafjarðarveitum segir að fimmtudaginn 7. Nóvember kl. 9:00 stöðvast rennsli á heituvatni til notenda í Akrahreppi fram eftir degi vegna viðhalds og breytinga í dælustöðinni við Syðstu – Grund. Svæðið sem þetta nær til er frá Dýrfinnustöðum í norður og að Uppsölum í suður.Meira -
Nýprent fékk 5,3 milljón króna styrk vegna útgáfu Feykis
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 05.11.2024 kl. 12.50Úthlutunarnefnd um úthlutun rekstrarstuðnings til einkarekinna fjölmiðla hefur lokið störfum í ár. Alls bárust 30 umsóknir um rekstrarstuðning til einkarekinna fjölmiðla og samtals var sótt um rekstrarstuðning að fjárhæð 936,8 milljónir kr. en til úthlutunar voru því 550.901.932 kr. Útgefandi Feykis, Nýprent ehf., fékk að þessu sinni styrk að upphæð 5.305.651 en auk þess að gefa út Feyki heldur Nýprent einnig úti vefnum Feykir.is.Meira -
„Myrkrið nálgast“ í Hillebrandtshúsinu á Blönduósi
feykir.is Austur-Húnavatnssýsla, Lokað efni 05.11.2024 kl. 11.35Nú fer að verða síðasti séns að sjá listasýninguna „Myrkrið nálgast“ í Hillebrandtshúsi, gamla bænum á Blönduósi.Meira -
Hjartsláttur sjávarbyggðanna | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 05.11.2024 kl. 10.51Strandveiðar eru ekki bara kjölfesta í mörgum sjávarbyggðum heldur líka mikil menningarverðmæti sem ber að stórefla fyrir atvinnuöryggi og möguleika komandi kynslóða til að stunda sjósókn á eigin forsendum án þess að gerast leiguliðar stórútgerðarinnar sem hefur yfir að ráða milli 80 til 90% allra aflaheimilda í dag.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.